Сүйіспеншілік сый талап етпейді сабағы, 1 сынып

«Өзiн-өзi тану» сабағының жоспары

Бекітемін; Мерзiмі № 7- сабақ

Тақырып: Сүйіспеншілік сый талап етпейді.

Құндылық: Сүйіспеншілік

Қасиеттер: мейірімділік, қайырымдылық

Cыныбы 1 сынып

Сабақтың мақсаты: оқушыларға сүйіспеншілікпен өмір сүрудің маңыздылығын жеткізу арқылы сүйіспеншілік құндылығының мәнін ашу.

Сабақтың міндеттері:

Білімділік;оқушыларға риясыз сүйе білудің маңыздылығын түсіндіре отырып, мейірімділік қасиеті туралы түсінік беру;

Дамытушылық:оқушылардың қоршаған ортаға аялы қарым-қатынас жасауға баулу арқылы қайырымдылық қасиетін дамыту;

Тәрбиелік:оқушыларды мейірімділікке, қайырымдылыққа тәрбиелеу.

Ресурстар: (материалдар, дереккөздер)

Оқулық,дәптер,

ноутбук

Сабақ барысы:

Ұйымдастыру кезеңi

Сәлемдесу, оқушылардың көңіл-күйін сұрау.

«5Т» ережесін еске түсіру.

Тыныштық сәті «Нұрға бөлену»

-Денемізді тік ұстап, орындықта еркін отырамыз.Көзімізді жұмамыз.Көз алдарыңда көк шалғынды дала. Жұмсақ самал есіп тұр.Аспанда күн нұрын ерекше төгіп, сенің маңдайыңнан өтіп жүрегіңе құйылды. Нұрға бөленген жүрегің жаңа ашылған гүлдей сүйіспеншілік қауызын ашады. Сүйіспеншілікке толы жүректен күннің нұры сенің аяғыңа түседі.Сенің аяғың тек жақсы жерлермен ғана жүру үшін.Аяғыңнан күннің нұры қолыңа барды, тек жақсыны ғана ұстау үшін. Күннің нұры қолыңнан аузыңа барды, жақсыны ғана айту үшін. Аузыңнан күннің нұры құлағыңа барды, тек жақсыны сөз есту үшін. Күннің нұры құлағыңа барды, тек жақсыны көру үшін. Сенің бүкіл тұла бойың сүйіспеншілік нұрына бөленді. Сен осы сүйіспеншіліктеріңді досыңа жібер. Ата - анаңа жібер.Сен сол сүйіспеншілік нұрын туған-туыстарыңа жібер.Барлық мектептегі таныстарыңа жібер.Айналаң сүйіспеншілік нұрына бөленіп тұр. Біздің бөлмеде нұрға бөленіп сүйіспеншілікке толды. Көзімізді ептеп ашайық.

Сабақ барысын талқылау:

1. Дәйексөз

Сүйіспеншілік - жүректе.

Халық даналығы

- Сүйіспеншілік, ол жалпыадамзаттық құндылықтарының бірі. Ол барлық адамдарда болады. Яғни біз біреуді жақсы көрсек, шын жүректен жақсы көреміз. Сондықтан сүйіспеншілік біздің жүрегімізде.

(дәйексөзді бірнеше рет топпен қайталау)

2. Әңгімелесу-сұғбат /мұғалім сыйы/

«Мейірбан әйел» (37 бет) әңгімесі бойынша сұрақ қою арқылы әңгіменің мазмұның айту.

Сұрақтар:

- Кімдер автобуспен жол жүрді?

- Олар автобустан түскен кезде неге тап болды?

- Кім балаға көмектесті?

- Әйелді мейірбандық іске қандай қасиеттері жетеледі?

-Осындай жағдайларда қандай адамдар көмек қолын созады деп ойлайсындар?