Сүйіспеншілік сый талап етпейді, 1-сынып ашық сабағы

Зеренді ауданы әкімдігінің «М.Ғабдуллин НМ» КММ

«Сүйіспеншілік сый талап етпейді»

өзін-өзі тану пәнінен ашық сабақ, 1 сынып

Дайындаған және өткізген:

өзін-өзі тану пәнінің мұғалімі Сатанова Д.К.

2019-2020 оқу жылы

«М.Ғабдуллин НМ» КММ

Тақырыбы: «Сүйіспеншілік сый талап етпейді»

Құндылық: Сүйіспеншілік

Қасиеттер: Бәрін жақсы көру, отбасындағы сүйіспеншілік, жан – жануарларды жақсы көру.

Сынып: 1А

Оқушылар саны: 4

Мұғалім: Сатанова Д.К.

Сабақ мақсаты: Сүйіспеншілік туралы түсініктерін кеңейту.

Міндеттері: - Оқушыларға барлығын жақсы көру туралы түсінік беру;

- Бәріне сүйіспеншілікпен қарап, жақсы көруді арттыру;

- Ізгілікке, бірін – бірі сыйлауға өзін – өзі алдамауға тәрбилеу.

Ұйымдастыру кезеңі:

Психологиялық ахуал, шаттық шеңбер:

Балаларды шеңберге тұрғызып, шаттық шеңбер өткізу:

Қане, балалар, тақтада не көріп отырсыңдар?

Жауаптары: Күн.

Дұрыс айтасыңдар, ал күннің көңіл күйі қандай деп ойлайсыңдар?

Жақсы, көңілді.

Дұрыс, ендеше біз де бүгінгі сабағымызды жақсы көңіл күймен бастайық. Қане менімен бірге қайталаңдар.

Көтеріңкі көңілменен,

Шаттанайық бәріміз.

Көңілді етіп сабақты да,

Өткізейік қане біз.

Дәйексөз:

«Сүйіспеншілік жүректе»

Халық даналығы

Дәйексөздің мағынасын қалай түсінесіңдер?

Балаларға дйәексөзді түсіндіріп айту, бірнеше рет бірге айтқызу.

Мұғалімнің сыйы: «Асқан асыл сыйлық» ертегіні оқу.

Ілгері заманда Отырар шаһарында бір саудагер болыпты. Оның үш қызы бар екен. Күндердің күнінде саудагер алыс елдерге сауда жасауға аттанбақ болады да, үш қызын шақырып:

Ал, шырақтарым, мен алысқа сапар шеккелі отырмын. Сендерге не сыйлық әкелейін, қалауларыңды айтыңдар, - дейді.

Әке, маған бір тізбек ең асыл маржан әкелерсіз, - дейді үлкені.

Ал, маған, - дейді ортаншысы, - көйлектің ең әдемі жібек әкел.

Екі қызының айтқанын тыңдаған саудагер сүйікті кенже қызынан:

Ал, саған қандай сыйлық әкелейін? – деп сұрады.

Жан әке, егер сіз аман-сау оралсаңыз, содан артық сыйлық болмас.

Әкесі кенже қызының сөзіне дән риза болыпты.

Ертегі бойынша сұрақтар:

Сендерге қай қыздың жауабы ұнады? Неліктен?

Адамдар неліктен сүйіспеншілікті жүрекпен байланыстырады?

Өздерің ата-аналарыңа қандай тілек тілер едіңдер?

Ертегіні тыңдайды, сұрақтарға жауап береді.

Шығармашылық жұмыс: топтық жұмыс