Сүйіспеншілік сый талап етпейді тақырыбына 1-сынып сабақ жоспары

Өзiн-өзi тану сабағының жоспары

Мектеп :Ғ.Сланов атындағы орта мектеп Мерзімі: № 8

Тақырып: Сүйіспеншілік-сый талап етпейді

Құндылық: сүйіспеншілік

Қасиеттер: мейірімділік, қамқорлық, жанашырлық

Мұғалім: Қазмағанбетова А Сынып: 1 Оқушылар саны:18

Сабақ мақсаты:

Оқушыларға сүйіспеншілікпен өмір сүрудің маңыздылығын жеткізу арқылы сүйіспеншілік құндылығының мәнін ашу.

Сабақ міндеттері:

Білімділігі: оқушыларға риясыз сүйе білудің маңыздылығын түсіндіре отырып, мейірімділік қасиеті туралы түсінік беру.

Дамытушылығы: оқушыларды қоршаған ортаға аялы қарым-қатынас жасауға баулу арқылы қамқорлық қасиетін дамыту.

Тәрбиелілігі: оқушыларды мейірімділік, жанашырлық, қамқорлық қасиеттеріне тәрбиелеу.

Ресурстар(материалдар, дереккөздер):

1.bilim-all.kz

2.https://infourok.ru

Сабақ барысы:

1. Ұйымдастыру кезеңi.

а)оқушылармен амандасу

ә)оқушыларды түгендеу

б)5Т-ны еске түсіру.

1. Тәртіп.

2. Талап.

3. Тыныштық.

4. Тазалық.

5. Татулық.

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

2. Үй тапсырмасын тексеру.

«Мейірбан әйел» әңгімесін оқу.

-Әйелді мейірбандық іске қандай қасиеттері жетеледі?

-Осындай жағдайларда қандай адамдар көмек қолын созады деп ойлайсыңдар?

-Сендердің өмірлеріңде риясыз сүйіспеншілік көрсеткен адамдар болды ма?

Сабақ барысын талқылау:

3. Дәйексөз.

«Сүйіспеншілік-жүректе» нақыл сөз.

-Хормен оқыту.Ұл балаларға бөлек, қыз балаларға бөлек оқыту.

-Жұмыс дәптерге жаздыру.

-Осы дәйексөз сендерге қандай ой салды?

-Оқушылардың жауаптары негізінде дәйексөздің мағынасын толық ашып, қорытындылау.

4.Мұғалім сыйы «Жақсылық» М.Құрманалин

Күн-жексенбі. Үлкенге де, кішіге де демалыс. Нығыздап таптап тастаған биік қар үйіндісінің төңірегі толған бала. Бәрінің де жетегінде бір-бір қолшана. Қарлы төбенің басына шығып, төмен қарай кезек-кезек құлдилайды. Тайдан құлағандай, аударылып жатқандары да аз емес. Оған ренжу қайда, қайта бәрі қосыла мәз болып күледі.

Осы думанға шанасын сүйретіп, жеті жасар Жақсылық та қосылған. Ол да ақ қарға әлде неше рет аунап тұрды. Биіктен сырғанағанда, қар құшып құламасаң қызығы бола ма. Ол буы бұрқырап, екі беті бал-бұл жанып, қарлы төбе басына қайта өрмелейді.

Жақсылық кезекті сырғанаудан кейін аптығын басайын деп ұрған. Базар жақтан иығында қапшығы бар қарт балалардың тұсына келіп тоқтады. Ол қапшығын жерге қойып, маңдайының терін сүртті. Аялдауына қарағанда қапшығы ауыр болуы керек. Жақсылық қапшығын сүйретіп қарттың жанына барды.

-Ассалаумағалейкум, ата!-деп сәлем берді.

-Әлейкумассалам! Бақытты бол! Қай баласың?-деді қарт жөн сұрап.

-Жақсылықпын

-Е-е-е. Жақсылық болсаң өзің бір тәуір жігіт екенсің. Әке-шешең бар ма?

-Бар

-Олар нендей жұмыс істейді?

-Екеуі де теміржолшы-деді Жақсылық.