Сұлу әлем тақырыбындағы мерекелік іс-шара мақаласы

Сұлу әлем, әлем сұлу сен жаратқан адаммен...

Дүниедегі ең қасиетті де аяулы жан кім десе ойланбастан ана дер едім. Мына ғаламда ана дегенде жүрегі жылымайтын жан жоқ шығар. Әрбір тіршілік ана деген қасиетті есімнен бастау алады. Осы сөздің тереңінде қаншама ұлылық жатыр десеңші. Дүниеде анасыз адам жоқ. Жазушы да, данышпан ғалым да, ел бастаған көсем де, сөз бастаған шешен де барлығы ананың көкірегінен нәр алған. Бауыр еті баласы үшін түн ұйқысын төрт бөліп, өзінің жанын баласы үшін құрбан етуге дайын аналарды қалай құрметтесек те артық емес.

Кез-келген адамның әдептілігі мен жан дүниесінің сұлулығы ең алдымен ана жүрегінің жылуынан басталады. Адам бойындағы жақсы қасиеттердің барлығы да анадан тарайды. Әлемдегі ең кешірімді , мейірімді жан ол- ана. Баласының табанына кірген тікеннің өзі ананың жүрегіне зілдей батады. Баласы қанша қателік жіберсе де кешіретін ана жүрегінің кеңдігіне шек жоқ.

Дана халқымыз «Ата ұлды тәрбиелейді, ана ұлтты тәрбиелейді» деп айтып кеткен. Жер бетіндегі кез келген халықтың өз алдына ұлт болып ұйысуына, жеке халық, егемен ел, дербес мемлекет болып қалыптасуына әйел-аналардың сіңірген еңбегі зор. Айталық, тарих қойнауына назар салып көрсеңіз баяғы Тұмар ханым, Ұмай ана, Зарина, кешегі дастан-жырлардағы Гүлбаршын мен Құртқа, Ақжүніс пен Назым, Қыз Жібек пен Баян сұлу, Айман-Шолпан, бертіндегі Айша бибі мен Домалақ ана, ұлы Абай тәрбиесін көрген Зере мен Ұлжан, қол бастаған Бопай ханым, ел билеген Айғаным есімдері тарихта алтын әріптермен өрнектелген. Ұрпақ тәрбиесінде ананың ықпалы ерекше. Ал, бүгінгі қоғамымыздағы қыз балаларды тәрбиелеудегі талап-тілектер бұрындағыдан да жоғары. Өйткені, қазіргі кезеңде қыз балалар тек отбасы, ошақ қасында ғана емес, үй шаруасымен бірге қоғамның белсенді мүшесі ретінде күнделікті өмірдің сан-салаларындағы басқа да іс-әрекеттер мен қызметтерді үйлесімді әрі ұтымды ұштастыра білуге әзір болуы қажет. Мұнда ең бастысы қыз баланың білімді болғаны орынды. Бұл жөнінде мемлекет басшысы Қ.К.Тоқаев: «Ұлт болашағы ұрпақ тәрбиесінен басталады.Әр баланың жетістігі- ана махаббатының жемісі. Әйелдердің қоғамдағы рөлін кеңе