Суретші Әбілхан Қастеев туралы сабақ жоспары 4-сыныпқа

Сабақтың тақырыбы: Суретші ата Қастеев

Сабақтың мақсаты:

- «Суретші ата Қастеев» өлеңінің мазмұны арқылы

Кастеевтың өмірімен, еңбектерімен таныстыру.

- Өлеңді мәнерлеп түсініп оқуға дағдыландыру. Тілін,

ойын дамыту.

- Эстетикалық тәрбие беру, еңбекке тәбиелеу.

Сабақтың түрі: аралас

Сабақтың тәсілі: Түсіндіру, әңгімелеу, сұрақ-жауап, мәтінмен жұмыс, көрне-

кілік, ойын.

Сабақтың жабдығы: Оқулық, Ә. Қастеевтың портреті, суреттерінің үлгілері,

І. Қашаубаевтың әні жазылған үнтаспа т.б.

Барысы:

І.Ұйымдастыру кезеңі. Оқушылардың зейінін сабаққа аудару.

а) 1) Бүгінгі күннің сабағының тақырыбын, мақсатын хабарлау.

- Балалар егер сабаққа дайын болсақ сабағымызды бастайық. Бүгінгі сабағымызд үйге берілген «Әнші Әміре» әңгімесі бойынша түсінген, білген білімдерімізді ортаға саламыз.

2) «Суретші ата Қастеев» өлеңінің мазмұнымен танысып, Кастеев атамыздың салған суреттерімен танысамыз.

3) Өлеңді мәнерлеп оқуға дағдыландырамыз.

4) Әр түрлі ойындар ойнаймыз.

ә) Үй тапсырмасын тексеру.

Ақылды көпке жетеді,

Өнерлі көкке жетеді.

Өнерді үйрен де жирен»-деген қазақта нақыл сөздер бар. Демек өнерлі болу әркімнің де арманы, қолынан келе бермейтін іс. Біз қазіргі кезде қазақ халқының өнер адамдары мен өнер туындыларымен танысып жатырмыз. Қазақ халқының өте ертеден келе жатқан өнердің бір түрі. Ән, музыка өнері.

Құлақтан кіріп бойды алар,

Жақсы ән мен тәтті күй.

Көңілге түрлі ой салар,

Әнді сүйсен менше сүй.

Бұл ұлы Абайдың сөзі. Абай бұл өлеңдерінде бүкіл қазақтың атынан сөйлеп тұр. Себебі әнді сүймейтін, үй домбырасы жоқ бірде-бір қазақ жоқ деуге болады. Сондай әншілеріміздің біреуі Ә. Қашаубаев. Үйге «Әнші Әміре» әңгімесін оқып келу берілген мазмұнын айтып көрейік.

Әміре Қашаубаев кім болған?

Ол қандай әндерді орындаған?

Қандай жарыста бәйгені жеңіп алды?

«Әнші Әміре» мазмұнын айту.

«Аққұс туралы хикая»Дархан айтады.

Текст бойынша оқушылар өзара сұрақтар қойып, жауаптар береді.

б) Үй тапсырмасын қорыту.

Қазір, балалар, осы қазақ халқының теңдесі жоқ әншісі Ә.Қашаубаевтың орындауындағы «Балқадиша» әнін үнтаспадан тыңдайық.

(Әнді тыңдау).

Сонымен Ә.Қашаубаев атамыз әнші болған екен. Талай жарыстарда халық әндерін әсем орындап, жүлделі орындарды жеңіп алған екен.

Қазіргі кезде де біздің елімізде әнді әсем орындайтын әншілеріміз аз емес. Олар Ермек Серкебаев, Бибігүл Төлегенова, Роза Бағланова, Әлібек Дінишевт.б. Әрқашан да осындай әншілеріміз көбейе берсек дейміз.

в) Сергіту сәті. «Санды алфавит» ойыны. Ойынның нәтижесінде «Ел өнерімен мақтансын» деген сөзді шығарып аламыз.

Осы сөздердің мазмұнын кім маған түсіндіреді?

Кез-келген халықтың тарихымен, өмірімен танысу үшін, сол халықтың өнер туындыларымен танысу керек. Өнер сол халықты әлемге әйгілі етеді. Демек егер мақтансақ өнерімізді өнерімізді айтып мақтануымыз керек.

Бүгінгі сабақта танысатын өнеріміздің бір түрі сурет өнері еліміздіе қазіргі қағаз, қалам пайда болған кезде ғана дамып қоймаған. Өте ертеден бастап тас дәуірінен бастап дамыған.