Суық торғаймен таныстыруға арналған сабақ жоспары

№ 5 орта тобының ұйымдастырылған оқу қызметінің конспектісі.

Күні: 09.01.2020

Тәрбиеші: Утегенова Н.Б

Білім беру саласы: Таным

Бөлімі: ҚОТ

Тақырыбы: Суық торғаймен таныстыру

Өтпелі тақырып: «Қызықты қыс мезгілі»

Мақсаты:балаларды құстардың сыртқы келбетімен таныстыру. Тануға, білуге деген құштарлығын дамыту. Балаларды қайырымды болуға, құстарға көмектесуге (жем шашу) баулу.

ҰОҚ-ға дайындық жұмыстары:құстар бейнеленген суреттер, кітаптар, ашықхаттар мен иллюстрацияларды қарап шығу; құстар жайлы əңгімелер оқу; жұмбақтар жасыру; суреттерге қарап түсіндірме əңгімелер құрастыру; құстарға жемсауыт жасауға, құстарға жем беруге қатысу; құстарды сыртта бақылау.

Құралдар мен материалдар:суықторғайдың кесілген суреттері, фотосуреттер мен тақырыпқа қатысты иллюстрациялық материалдар, құстарды сипаттау сызбасы, үлестірмелі материалдар, түрлі түсті қарындаш.

Сөздік жұмыс:құс, суықторғай, жемсауыт, қыс.

Билингвалды компонент: суықторғай – снегирь

Педагог жұмбақтың көмегімен ҰОҚ-ға қолайлы көңіл күй орнатады.

Балалардың алған тəжірибесін бекіту.

Бүгінгі ауа райын қандай сөздермен сипаттауға болады? Қарға назар аудартады – ол жабысқақ па? Жоқ, қар бір-біріне

жабыспайды. Себебі күн аяз. Күн жылымық болған кезде қар да жабысқақ болады.

Күн жарқырап шығып тұрса, балалардың назарын қысқы табиғаттың сұлулығына аударыңыз. Қазір ағаштарға қарлығаштар қона ма? Неге қонбайды?

Торғай, қарлығаш, пингвин, Шымшық, қараторғай, тотықұс, Бұлбұлмен тоқылдақ:

Бір сөзбен қалай аталмақ? (Құстар)

Өзекті мəселе:педагог балабақшаға келе жатқанда жапырағы жоқ, бірақ қызыл түсті жидектері бар ағаштарды кездестіргенін айтады.Бұл қандай ағаш? Бұл – шетен ағашы. Қыста əртүрлі құстар шетеннің жемістерімен қоректенеді.

Сол құстардың бірімен жақынырақ танысуға шақырады.

Кесілген суреттерден құстың

суретін құрастыруды ұсынады.

Суықторғайдың дене бітіміне назар аударады (тұмсығы, қанаттары, аяқтары). Суықторғайдың төсінің түсі қандай? (Қызыл). Басындағы баскиімі ше? Тұмсығы ше? Неліктен тұмсығы қысқа əрі жуан?

Қыстап қалатын құс – суықторғай туралы түсінік береді. Суықторғай

– тəкаппар құс. Оның төсі – ашық қызыл түсті, басында қара түсті баскиімі бар. Қанаттарында ақ жолақтары болады. Суықторғай бұтадан көтеріліп ұшқан кезде күнге айна сияқты шағылысады. Бірақ ол – суықторғайдың «əкесі». Ал «анасының» төсі сұр-қоңыр түсті болып келеді.