Сыбайлас жемқорлыққа қарсы күрес күніне арналған мақала

«9 желтоқсан – Халықаралық сыбайлас жемқорлыққа қарсы күрес күні»

Бүгінгі күннің ең өзекті мәселелерінің бірі - сыбайлас жемқорлықпен қарсы күресу. Олай болса осы өзекті мәселе төңірегінде үкімет тарапынан көтеген жұмыстар жүргізіліп, нәтежиесін беріп жатқанын көріп жүрміз. «Баланы жастан» демекші мектеп табалдырығынан баланы жемқорлық індетінен бойын аулақ ұстауға баулысақ, бұл өзекті өртеген сыбайлас жемқорлық апаттан құтыларымыз қақ.

Қазақстан Республикасының 2007 жылғы 27 шілдедегі «Білім туралы» Заңының

6-бабына сәйкес, Түркістан облысы, Ордабасы аудандық білім бөлімінің

03.12.2019 жылғы № 1883 санды шығыс хатына орай, өскелең ұрпақтың бойына адалдық, парасаттылық, әділдік пен сенім құндылықтарын қалыптастыру мақсатында «Ынтымақ» ЖОМ-інде «9 желтоқсан – Халықаралық сыбайлас жемқорлыққа қарсы күрес күні» тақырыбында 03 – 07 желтоқсан аралығында апталық өтті.

Апталық барысында мектептегі «Парасатты азамат» бұрышы жаңартылып, 2 – 4-сынып оқушылары арасында «Қазақстан – құқықтық мемлекет» тақырыбындағы тәрбие сағаты, «Адал және сатылмайтын еңбек бейнесі» тақырыбында сурет байқауы өтті.

«Мемлекеттік көрсетілетін қызметті алу» іскерлік ойыны 5,6-сынып оқушылары арсында, «Біздің таңдауымыз – заңды мемлекет» атты дөңгелек үстел 11 «В» сыныбында, «Мемлекеттік қызмет – өмірлік ұстаным» тақырыбында мемлекеттік қызмет ардагерлері, мемлекеттік қызметшілерімен кездесу 7 «Б», «В», «Г» сыныптары арасында, «Қоғамдық тәртіп негіздері» пікірталас практикумын 9 «А» сыныбында өтті.

Бұл дерттің алдын алып, қоғамға таралу жолдарын кесіп, оның ұлғаюына жол бермеу керек. Ол үшін аталған дертке қарсы тұрып атсалысып, қарсы жұмылуымыз қажет. Сонда ғана ел мүддесі үшін зор үлес қосатынымыз және халық сенімінен шығатынымыз анық.