Халықаралық сыбайлас жемқорлыққа қарсы күрес тәрбие сағаты

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ

Х.ӨЗБЕКҒАЛИЕВ АТЫНДАҒЫ МАҢҒЫСТАУ ПОЛИТЕХНИКАЛЫҚ КОЛЛЕДЖІ

Топ сағаты

«Халықаралық сыбайлас жемқорлыққа қарсы күрес!»

Топ жетекшісі: Балиғатова Ф.Б.

Топ: ТЖ-18-01с

Ақтау қаласы, 2018 ж.

Тәрбие сабағының тақырыбы: «Халықаралық сыбайлас жемқорлыққа қарсы күрес!»

Мақсаты:

“Сыбайлас-жемқорлық” деген ұғымды түсіндіріп, пайда болу жағдайлары жайлы түсінік қалыптастыру. Қоғамдық қасіретке әкелетін бұл материалдық құндылықтар дағдарысынан шығу және оны жою дұрыс әрекет етуден туындайтынын ұғындыру.

Студенттердің бойында сыбайлас жемқорлыққа қарсы тұрарлық мәдениетін қалыптастырып, құқықтық сауаттылығын арттыру. Өз көзқарастарын білдіріп, дүниетанымдарын кеңейту. Өз ойларын еркін жеткізе білу қабілеттерін дамыту

Отанға деген сүйіспеншілікке, адамдарды және дәстүрлерді құрметтеуге, білім мен еңбекке ұмтылуға, көргенділік пен адалдыққа тәрбиелеу. Өз мемлекетіне жауапкершілікпен қарау және әділдікке тәрбиелеу. Патриоттық тәрбие қалыптастыру.

Өткізудің формасы: Топтық жұмыс

Өткізудің технологиясы мен әдістер: Пікірталас, сұрақ-жауап, видеоролик

Көрнекілігі: слайдтар, плакат, кітаптар, видеоСыбайлас жемқорлық - бұл ғаламдық мәселе, одан әлемнің бірде-бір мемлекеті, бірде-бір саяси жүйе, бірде-бір саяси тәртіп қорғалған емес. Сондықтан, бұл індетке бірлесе қарсы тұруымыз керек.Н.Ә.Назарбаев.

Сабақ барысы:

1.Ұйымдастыру кезеңі. Сәлеметсіздер ме студенттер. Бігінгі біздің топ сағатымыздың тақырыбы - Халықаралық сыбайлас жемқорлыққа қарсы күрес деп аталады. Қазір елімізде өкінішке орай белең алып отырған мәселелердің бірі – жемқорлық. Бүгінгі сабақ барысында осы мәселе бойынша ой бөлісетін боламыз.

Топқа бөлу. Қораптағы қызғалдақ және раушан гүлдердің суреттерін таңдау арқылы. Студенттер бүгінгі біздің «Сыбайлас жемқорлыққа және қоғам» атты тәрбие сағатымызды бастаймыз. Біздер қазір 2 топқа осы бір гүлдерді таңдап бөлінейік. Раушан гүлдерді алған оқушылар 1 топқа, ал қызғалдақ гүлдері тап болғандары 2 топқа келіп отырсын. Ал қанекей ендеше мен сіздерге бүгінгі тақырыбымызға сай сұрақ қояйын:-Сыбайлас-жемқорлық деген не? (студенттердің пікірлері тыңдалады)

2.Кіріспе сөз

1. Сыбайлас жемқорлық туралы түсінік беру.

Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты алаңдататыны анық.

2. Әңгіме сұхбат. (Бір А3 форматтағы қағазға «Сыбайлас жемқорлық» тақырыбына топтағы әр оқушы бір сөйлемнен жазады.)

3. Жемқорлық дегеніміз не? Түсінік қалыптастыру. Баяндама жасау.

4. 1998 жылғы 2 шiлдеде «Сыбайлас жемқорлыққа қарсы күрес туралы» Қазақстан Республикасының Заңы

“Сыбайлас-жемқорлық” деген “параға сатып алу”, “пара” ретінде, "corruptio" деген латын сөзін алып, анықтауға мүмкіндік береді. Рим құқығында сондай-ақ "corrumpire" түсінік болған, ол жалпы сөзбен айтқанда “сындыру, бүлдіру, бұзу, зақымдау, жалғандау, параға сатып алу” деген түсінік берген де, құқыққа қарсы іс-әрекетті білдірген. Орыс тілінің түсіндірме сөздігі сыбайлас-жемқорлықты пара беріп сатып алу, лауазымды адамдардың, саяси қайраткерлердің сатқындығы ретінде сипаттайды. ҚР “Сыбайлас-жемқорлықпен күрес туралы” Заңы сыбайлас-жемқорлыққа келесідей анықтама береді. Ол: “...мемлекеттік міндеттерді орындайтын адамдар, сондай-ақ соларға теңелген адамдар, өздерінің лауазымды құзыреттерін және онымен…