Сын тұрғысынан ойлау арқылы шығармашылықты дамыту портфолиосы

Тақырыбы: Оқушыларды сын тұрғысынан ойланту арқылы шығармашылық қабілеттерін дамыту.

Тақырыптың өзектілігі: Қазіргі білім беру жүйесінде оқытудың озат технологияларын игермейінше, сауатты, жан-жақты маман болу мүмкін емес. Жаңа технологияны үйрену мұғалімнің интеллектуалдық, кәсібилік, адамгершілік, рухани азаматтылық, адами келбетінің дамуына оң әсерін тигізеді, өзін-өзі дамытып, оқу үрдісін тиімді ұйымдастыруына көмектеседі. Ұстаз үшін ең басты мақсат – әр сабағын түсінікті, тартымды, тиімді өткізу. Оқушының жеке тұлға болып дамуы, өзіндік көзқарасының қалыптасуы, ой-өрісінің кеңейіп, дамуы мектеп қабырғасынан бастау алады. Қазіргі кезде оқу үрдісін ұйымдастыру жаңа әдіс-тәсілдерден, озық технологиялардан құралады. Демек, оқушының білімі ерекше болуы, ол білімнің нәтижелі болуы пән мұғалімінен жауапкершілікті талап етеді.

Әрбір оқушының білім деңгейін талапқа сай болуы үшін озық әдістемелік технологиялар қажет. Заман талабына сай жаңа озық әдістемелік технологиялармен қаруланған, оқытудың жаңа әдістерін игерген, яғни жаңа әдіс- тәсілдерді толық меңгерген педагог қана білім алушының сапалы білім алуына жағдай жасайды.

Тәжірибенің өзектілігі мен келешегі:

Қазақ тілі мен әдебиеті сабақтарында жаңа технологияларды пайдаланудың тиімділігі өте зор. XXI ғасыр ұстазы бүгінгі заман талабына сай жан-жақты дамыған, өмірге оң көзқараспен қарайтын, терең біліммен қаруланған оқушы тұлғасын жасау үшін өзі де шеберліктің шыңынан көрінуі міндетті.

Шығармашылық жұмыстар оқушыларды сын тұрғысынан ойлауға жетелеп, қызығушылығын оятып, шығармашылық қабілетін арттыруға, белсенділікке ынталандырады. Оқушылардың танымдық, интеллектуалдық қабілеттің дамуына, өз білімін өмірде пайдалана білу дағдылары қалыптастырады.

Қазіргі уақытта оқу үрдісінде қазақ тілі мен әдебиетін оқытуда түрлі жаңа әдіс-тәсілдері мен технологиялар сапалы білім беруде үлкен рөл атқарады.

Тәжірибенің теориялық базасы :

Тіл туралы заң, «Қазақстан-2030» стратегиясы, бүгінгі білім мен тәрбие берудің өзекті мәселелері және озық технологиялық тәжірибелер негіз болып, педагогикалық, психологиялық, ғылыми - әдістемелік әдебиеттерге шолу жасалынды.

Тәжірибенің нәтижелілігі:

Оқытудың жаңа әдіс тәсілдерін ұтымды, орынды қолданса, шығармашылық тапсырмалар орындағанда оқушылар өз ойын ашық, қысылмай, толық жеткізе алады, өз ойын дәлелдеуге тырысады, өзінің жасаған іс-әрекетінің дұрыстығын қорғай алады.

Оқушылардың ойлау шапшаңдығы артады, сөз байлығы молайып, қиялы дами түседі.

оқыту үрдісіндегі жекелеп, саралап оқыту идеяларын дамыту, қолдану керек.

білім, билік, дағды деңгейін қалыптастыру;

білімнің тереңдігі, сапалылығы.