Сын тұрғысынан ойлау технологиясы туралы әдістемелік мақала

СЫН ТҰРҒЫСЫНАН ОЙЛАУ ТЕХНОЛОГИЯСЫ-БІЛІМ БЕРУДЕГІ ТИІМДІ ЖОБА

Айдарова Ақбалжан

Атырау облысы,Қызылқоға ауданы,Кенбай орта мектебі

Елбасы Н.Ә.Назарбаевтың еліміздің өркендеп дамуы үшін «Қазақстан -2050 стратегиясы: қалыптасқан мемлекеттің жаңа саяси бағыты» атты Жолдауы халық талдауына түсіп,еліміздің болашағына айқын- сара жолға бағыт-бағдар беріп отырғаны белгілі. Тәуелсіз еліміздің өркендей дамуы үшін мемлекеттің басты тұлғасы жастар болып есептеледі.

Бүгінгі таңда Қазақстан Республикасында өскелең ұрпақты мәдениет пен өнерге баулу мәселесіне үлкен назар аударылуда.Болашақ жастар өз халқының бейнелеу өнері,қолөнері,саз,әдебиет,тарих салаларының жетістіктері мен дәстүрлері негізінде тәрбиеленуі тиіс.Білім саласындағы кез келген пән өзінің айтар ойы бар,өмірге деген нақтыкөзқарасы бар жеке тұлғаны қалыптастыруда өзіндік үлес қосары анық.Жаһандану заманында өмір талабы ,уақыт ағысы жастарды кәсіби мамандық алуына итермелейді.

Ал жастардың мамандық таңдауына мектепте мақсатты түрде ықпал ететін пән-технология пәні дер едім.Бүгінгі қазақ мектептеріндегі технология сабағы ұлттық қолөнер дәстүрі арқылы жан-жақты эстетикалық тәрбие беруді,ата-баба мұрасын зерттеп,тани білуді,оны жаңғыртып,дамытуды көздейтін бірден-бір пән.Сондықтан технология пәні бағдарламасының мазмұны мынадай міндеттерді қамтиды:

1.Халықтық қолданбалы қолөнер туралы түсінікті қалыптастыру;

2.Қолөнер арқылы ұлттық құндылықтарды қастерлеп сақтауға,ұлттық мәдениеттілікке деген оқушы сүйіспеншіліктерін ояту;

3.Әр түрлі бағытта ұлттық қолөнер негізінде бұйымдар жасау технологиясын үйрету,шығармашылыққа баулу.

Білім мен тәрбие берудің негізгі орны- сабақ.Ал сабақ беру қазіргі жағдайларға сәйкес шығармашылықпен өзгеріп отыруға тиісті.Менің

технология пәнінен сабақ беріп келе жатқаныма 20 жыл.Қазіргі таңда жеке

тұлғаны қалыптастыру технология пәні мұғалімдеріне өз қызметіне үлкен жауапкершілікпен қарауды талап етеді.Сонымен бірге технология пәні мұғалімі әр оқушының іскерлігі мен белсенділігіне ерекше көңіл бөліп,жеке-дара қабілетін ескеріп,өз бетімен ізденуге жағдай туғызу керек және өз ойын еркін жеткізіп,бейнелеуге,шығармашылық жұмыс жасауға жұмылдыруы қажет.Ұлы көшбасшы Н.Ә.Назарбаевтың «Әлеуметтік-экономикалық жаңғырту-Қазақстан дамуының басты бағыты» атты Қазақстан халқына арналған Жолдауында білім беру үрдісінде білім беру сапасын арттыруды қамтамасыз ететін заманауи жаңа әдістер мен тәсілдерді енгізуді тапсырған болатын.Сондықтан ұстаздар білім берудің жаңа ақпараттық технологиясы жетістіктерін үнемі назарда ұстап,ұдайы ізденісте болуы керек.

Қазіргі педагогикалық ғылымда жаңа ұғымның бірі- инновация ұғымы:оны

жете түсініп,инновациялық әдіс-тәсілдерді оқу үрдісіне енгізу-оқушылардың саналы да сапалы білім алуының басты кепілі. Мұғалім еңбегі- шығармашылық еңбек.Сабақтың мәнді өтуі мұғалімнің шеберлігіне және сабақтың түрі мен оны өткізудегі тиімді әдісті таңдай білуіне байланысты.

Білім беру сапасын арттырудың бір көзі-жаңа технологиялар қолдану арқылы

сабақты түрлендіріп өткізу.Менің өзекті тақырыбымда осы мәселені көздейді.Өз іс-тәжірибемнен түйгенім:көптеген инновациялар арасында білім

беру сапасын арттыруда аса тиімді,қолайлы технология- сын тұрғысынан ойлау жобасы.Сыни ойлауды дамыту технологиясының дәстүрлі оқытудан басты айырмашылығы- білімнің дайын күйінде берілмеуі.Бұл жобаның мақсаты- демократиялық қоғамда өз көзқарасы,пайымдауы бар,айналадағы үдерістерге сыни көзбен қарап,жауап бере алатын жеке тұлғаны қалыптастыру.Осы технология бойынша өткізген 7 сыныптағы «Ұлттық ою-өрнектер» атты сабағымды ұсынамын.

Сабақ тақырыбы: Ұлттық ою-өрнектер

Сабақтың мақсаттары: білімділік: оқушыларға ою-өрнек туралы мәлімет

бере отырып,қазақ халқының қолөнерін насихаттау;

2) дамытушылық: оқушылардың топтық жұмыс жасауда өзара қатынасын

арттыру,еңбекке іскерлігін,икемділігін дамыту;

3) тәрбиелік: оқушыларды талғампаздыққа,төзімділікке,ұқыптылыққа

тәрбиелеп,эстетикалық талғамын арттыру.