Сынып дарабозы тәрбие сағаты, 3-сыныпқа арналған

Сынып дарабозы

Сабақтың мақсаты:

Пәндер бойынша өтілген тақырыптардан алған білімдерін тексеру, пысықтау.

Түрі: интеллектуалды дамытпа, сайыс сабақ.

Әдісі: өтілген материалды қайталау, сұрақ-жауап, деңгейлік тапсырма, ізденушілік.

Сабақтың барысы:

Армысыздар, ұстаздар мен оқушылар! XХI ғасыр білім мен ғылым ғасыры екені аян. Бәсекеге қабілетті елу елдің қатарына жету үшін жастар білімді болуы керек. Бүгінгі біздің «Сынып дарабозы» атты сайыста оқушыларымыз алған білімдерін ортаға салады, яғни болашаққа сенімімізді білдіреміз. Сайысқа сыныбымыздың білімді оқушылары қатысып отыр. Әр оқушы білімдерін көрсетіп, өз намысын қорғайды. 8 оқушының ішінен 1 оқушы жеңіп шығып, яғни өз сыныбымыздың «Сынып дарабозы» атанады. Сайысымыздың жоспарымен таныстырып өтейін.

Екі айналымнан кейін ұпайы аз екі оқушымен қоштасамыз, үшінші айналымға алты оқушы барады, үшінші айналымнан кейін 2 оқушымен қоштасамыз, төртінші айналымға 4 оқушы барады, одан кейін тағы ұпайы аз 1оқушымен қоштасамыз, бесінші айналымға 3 оқушы барады, одан кейін бір оқушымен қоштасамыз, екі оқушымен соңғы айналымға барамыз, екі оқушының біреуі сайыстың жеңімпазы болады.

Әрқашанда білім көптік етпеген

Талапсыз жан мұратына жетпеген

Сәлем бердік ұландарға талапкер

Дос көңілден адал, аппақ ниетпен.

Жарысқа қатысушы оқушылармен таныстыру.

Қазылар орнықтырар әділдікті

Кімдердің жауаптары кәміл мықты

Білім мен тақпырлықтың сайысында

Жеңіске жетер дейміз нағыз мықты.

Қазылар алқасымен таныстыру – әділқазылар алқасы:

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер-дегендей бүгінгі сайсымыздың 1-айналымын бастауға рұқсат етіңіздер!

1 – айналым. «Бәйге»

Әр оқушыға 4 сұрақтан беріледі. Ол үшін тақтада тұрған ұяшықты таңдайды. Сол ұяшық бойынша сұрақтар қойылады.

1-ұяшық сұрақтары:

1. Заттың қимылын білдіретін сөз табы? (Етістік)

2. 1 тәуілікте неше сағат бар? (24)

3.Мектептегі ең жоғарғы баға (бес)

4.Үш биді ата? (Қазыбек, Төле, Әйтеке)

2- ұяшық сұрақтары:

1. «Кел, балалар оқылық!» кімнің өлеңі? (Ы.Алтынсарин)

2.Күзде жапырақ қайтеді? (Сарғаяды)

3.Көше қиылыстарында жолды не көрсетеді?( Бағдаршам)

4.Екіні өз өзіне неше рет қосқанда 10 шығады? (5-рет)

3- ұяшық сұрақтары:

1.Мәтіннің неше түрі бар? (Сипаттау, пайымдау, әңгімелеу)

2.1 сағатта қанша минут бар? (60 минут)

3.Абай Құнанбаевтың шын аты? (Ибраһим)

4.Ең үлкен бір таңбалы сан? (9)

4- ұяшық сұрақтары:

1.Көктемде алғашқы шығатын гүл? (Бәйшешек)

2. Заттың санын білдіретін сөз табы? (Сан есім)

3. Ең үлкен екі таңбалы сан? (99)

4. Дауысты дыбыстар нешеге бөлінеді? (Жуан, жіңішке)

5-ұяшық сұрақтары:

1. «Орман емшісі» қай құс? (Тоқылдақ)

2. Заттың атын білдіретін сөз табы? (Зат есім)

3. 5-тің 5-ке көбейтіндісі.( 25)

4. Табиғатты жырлаған ұлы ақын кім? (Абай Құнанбаев)

6-ұяшық сұрақтары:

1.Заттың сынын білдіретін сөз табы. (Сын есім)

2. Бейбітшілік құсы? (Көгершін)

3. 5 – санының 8 – ге көбейтіндісі.( 40)

4. Жанғыш пайдалы қазба? ( көмір)

7-ұяшық сұрақтары:

Кім? Не? Сұрақтарына жауап беретін сөз табы (зат есім)

Адамның досы атанған құс. (Қарлығаш)

Халық ауыз әдебиетінің түрлері (ертегі, батырлар жыры, аңыз, өтірік өлең, мақал-мәтел, жаңылтпаш, жұмбақ)

4-тің 3-ке көбейтіндісі (12)

8-ұяшық сұрақтары:

3-тің 6-ға көбейтіндісі (24)

Дыбыстар нешеге бөлінеді?

Судың неше қасиеті бар?

Өсімдік бөліктерін ата

Оқушылардың ұпайлары есептеледі.

2– айналым. «Сен білесің бе?»

-Ақындар, батырлар, жазушылардың суреттері көрсетіледі. Сендер соның атын өз іштеріңізден ойланып, қағазға жазасыңдар, айтпайсыңдар.

1 – сурет. Бес асыл іс пен бес дұшпанды кім айтқан? Абай Құнанбаев

2-сурет. Әнұранның әуенін жазған кім? Шәмші Қалдаяқов

3-сурет. «Тоқымқағар» өлеңінің авторы? Қадыр Мырза Әли

4-сурет. Кеңес Одағының батыры, Халық Қаһарманы? Бауыржан

5-сурет. Атақты күйші. Оның «Сарыарқа», «Балбырауын» күйлері бар. Құрманғазы

6- сурет. Қазақ халқының еңбек сіңірген әншісі. Роза Рымбаева

7- сурет. Торғайда тұңғыш мектеп ашқан ағартушы ұстаз? Ы.Алтынсарин

8- сурет. 75 жасында Алматыға тұңғыш келіп, құдіретті өнерімен бүкіл республикаға жарқ етті. «Бұлбұл» күйін орындаушы күйші. Дина

9- сурет. «Үш бақытым» өлеңінің авторы. Мұқағали Мақатаев