сынып сағаты, 8 сынып «Жалған ақпарат пен плагиаттың зардабы» «Жол-көлік оқиғаларының себептері» ЖЖЕ №2 Қауіпсіздік сабағы (10 минут) № 6-САБАҚ «Кибербуллингтің рөлдік құрылымы. Егер сіз қатысушы болсаңыз не істеу керек. Өзіңізге алғашқы көмек»

Сынып сағаты

Сынып жетекші:

Д.Джолдыбаева

Күні:

Сынып: 8 «ә»

Қатысқаны: Қатыспағаны:

Сабақтың тақырыбы:

«Жалған ақпарат пен плагиаттың зардабы»

«Жол-көлік оқиғаларының себептері» ЖЖЕ №2

Қауіпсіздік сабағы (10 минут)

№ 6-САБАҚ

«Кибербуллингтің рөлдік құрылымы. Егер сіз қатысушы болсаңыз не істеу керек. Өзіңізге алғашқы көмек»

Сынып сағатының мақсаты:

Жалған ақпараттың қауіптілігі мен таратудың жауапкершілігін түсіндіру.

Оқушыларға желідегі ақпаратты тексеру жолдарын үйрету.

Оқушылардың сыни ойлау дағдыларын дамыту.

Ж.Ж.Е. мақсаты:

•Оқушыларға жол-көлік оқиғаларының себептері мен алдын алу жолдарын түсіндіру;

•Жолда жүру мәдениеті туралы білімін кеңейту, зейінділігін дамыту;

•Қауіпсіздік ережелерін қатаң сақтауға, тәртіпті болуға тәрбиелеу.

Қауіпсіздік сабағының мақсаты:

•Оқушыларға кибербуллингтің не екенін және оның рөлдік құрылымын түсіндіру.

•Егер кибербуллингке тап болса, дұрыс әрекет ету жолдарын үйрету.

•Өзін-өзі қорғау тәсілдерін меңгерту және психологиялық алғашқы көмек көрсету жолдарын талқылау.

Қауіпсіздік сабағының міндеті:

Оқушыларға кибербуллингтің не екенің және қорғану тәсілдерін үйрету

Құндылықтарды дарыту:

Тәуелсіздік және отаншылдық Қазақстанның тарихын,мәдениеті мен дәстүрлерін, оның тәуелсіздігін және оны сақтаудың маңыздылығын түсіну,қоршаған ортаға қамқорлық жасау;

Апта дәйексөзі:

«Туған жердей жер болмас , туан елдей ел болмас!»

Сынып сағатының барысы:

Сабақтың кезеңі/ уақыт

Педагогтың әрекеті

Оқушының әрекеті

Ресурстар

Сынып сағатының басы:

10 мин

ҚР Мемлекеттік Әнұраны орындалады

I. Ұйымдастыру кезеңі

Амандасу, оқушыларды топқа бөлу

1. Кіріспе

Мұғалім сабақтың тақырыбы мен мақсатын таныстырады.

Оқушыларға «жалған ақпарат» және оның таратылу себептері туралы жалпы мәлімет береді.

Талқылау үшін сұрақ: «Жалған ақпараттың таралуы қандай салдарға әкелуі мүмкін?»

Оқушылар әнұран орындайды.

Сынып сағатының ортасы

2. Ой қозғау

Оқушыларға жалған ақпараттың салдары туралы қысқа бейнеролик көрсетіледі (мысалы, жалған ақпараттың адамдардың қауіпсіздігіне қалай әсер еткенін немесе адамдарды жаңылыстырғанын көрсететін бейнематериал).

Бейнероликтен кейін оқушыларға сұрақ қойылады:

Бейнероликтегі адамдардың жағдайына жалған ақпараттың қандай әсері болды?

Мұндай ақпаратты таратпау үшін қандай шаралар қолдануға болады?

Көптеген елде желіде жалған ақпарат тарату заңсыз болып табылады. Бұл үшін кей жағдайларда қылмыстық жауапкершілік те қарастырылған. Заңдар мемлекетке байланысты әртүрлі болуы мүмкін, бірақ көбіне жалған ақпарат тарату үшін келесі жауапкершіліктер қолданылады:

Әкімшілік айыппұлдар: Кейбір елдерде жалған ақпарат таратуға айыппұл салынады. Бұл айыппұлдар тарату салдарына байланысты өзгеруі мүмкін.

Қылмыстық жауапкершілік: Жалған ақпарат тарату адамның беделіне, денсаулығына немесе өміріне қауіп төндірсе, ол үшін қылмыстық іс қозғалып, жауапкершілікке тартылуы мүмкін.

Жеке сот істері: Егер біреу жалған ақпарат салдарынан зардап шексе, ол адам сот арқылы өтемақы талап етуге құқылы.

Жалған ақпаратты болдырмау жолдары:

Ақпараттың дереккөзін тексеру: Әрқашан ақпараттың қайдан алынғанын тексеріңіз. Сенімді және беделді дереккөздерге сүйену – жалған ақпараттан сақтанудың ең тиімді жолы.

Фактчекинг құралдарын пайдалану: Бүгінде фактчекингпен айналысатын көптеген веб-сайттар бар. Олар арқылы ақпараттың дұрыстығын тексеруге болады.

Жаңа ақпаратты сыни тұрғыдан бағалау: Егер бір ақпарат сізге шындыққа сәйкес келмейтіндей болып көрінсе немесе күдік тудырса, оған сенбес бұрын қосымша тексерулер жасаңыз.

Жалған ақпаратты әдейі таратудан бас тарту: Егер сізге бір ақпарат күдік тудырса немесе оны растай алмасаңыз, оны басқалармен бөлісуден сақтаныңыз.

Жалған ақпарат тарату - бұл тек қана жеке адамның ғана емес, сонымен қатар тұтас қоғамның қауіпсіздігі мен тұрақтылығына қатер төндіреді. Әрбір адам өзіне келетін ақпаратты тексеріп, тексерілген дереккөздерге ғана сенуі тиіс. Бұл біздің заманауи қоғамның қауіпсіздігі мен амандығын сақтауға көмектеседі.

Жаттығу 1: «Шындық па, әлде жалған ба?» ойыны

Мұғалім оқушыларға бірнеше жаңалық тақырыптарын ұсынады (біреуі жалған, ал қалғаны шынайы).

Оқушылар шағын топтарда тақырыптардың қайсысы жалған екенін анықтауы қажет және оның себебін түсіндіреді.

Әр топ өз шешімін сыныпқа таныстырады.

4. Рөлдік ойын «Жауапты блогер»

Оқушыларға мынадай жағдай ұсынылады: олар танымал блогер рөлінде және олардың әлеуметтік желіде жалған ақпаратты көргені туралы хабарлама келеді. Оқушылар бұл жағдайда қандай жауапты шешім қабылдауға тиіс екенін топ болып талқылап, шешімдерін…