Сынып жетекшіге арналған мерекелік қойылым жоспары 11 сынып

Аттестат алу кешінің сценариі

Фанфары

1- жүргізуші:

Армысыздар құрметті қонақтар, ұлағатты ұстаздар, ардақты ата - аналар және мектеп бітіруші түлектер!

2- жүргізуші:

- Бұл күн – мектеп тарихында , мектеп бітіруші түлектер есінде мәңгі өшпейтін күн. Нұрлы үмітін арқалаған арқаға,Жан сәулесін тарататын баршаға.Шын пейілмен құрметімізді көрсетіп,Түлектерді шақырайық ортаға.

1-жүргізуші: Бүгінгі, яғни №15 орта мектебінде оқып, білім алып, бүгінде қолдарына аттестат алып, атаулы оқу орындарына аттанғалы отырған түлектерімізге арналған «Ақ жол саған, жас түлек!» атты кешімізді ашуға рұқсат етіңіздер! Қош келдіңіздер!

2 жүр: Түлектердің арманы аппақ нұрдай,Бар тілегі қашан да жақұттардай,Білімнің ордасына ие болғанӘрі басшы, әрі биік қорғанындай.Сөз кезегін Біздің директорымыз Сапанова Дильнара Сембеевнаға береміз.

1-жүрг: Рахмет сізге, Дильнара Сембиевна

Бүгін мектеп бітіруші түлектерді құттықтау үшін 5 сынып оқушысы Кайырбекова Томирис өзінің үнді биімен келіп қалыпты, қарсы алыңыздар!

2 жүр.

Жетекшi деген -ерекше тұлға, дара шын, Ұмытылмастай көңiлде мәңгi қалатын. Сарғайып кеткен альбомын алып қолына , Шәкiрттерiн оңаша еске алатын - деп ортаға сынып жетекшiміз Алшимбаева Саулеш Абишкановнаны шақырамыз.

1 жүрг: Рахмет сізге, Саулеш Абишкановна

2 жүр: Сахна төрінде Саулеш апайдың құрметіне 7 сынып оқушысы Жүнісова Камилланы « Ұстаз бен шәкірт » әнімен қарсы алайық!

1-жүргізуші: Ата-ана дейміз бәріміз де аңқылдап

Ата – ана дейді жас сәби де жарқылдап

Ата – ана деген – бәйтерегі өмірдің

Ата – ана деген – алтын қазық, алтын бақ.

бүгінгі мектеп бітіруші түлектердің ата – аналары атынан құттықтау сөз

беріледі.

2-жүргізуші: Ата-аналарымыздың құрметіне 9 сынып жас түлектері Ибрай Гүлнар мен Фазылханова Жасмин «Әсем әндерін» ұсынады. Қошеметтеп қарсы алыңыздар!

11 сынып «Ұстазым» әні

1-жүрг: Ал ендi, көптен күткен салтанатты мерзiм де келiп жеттi. Ол-алтын ұяда 11 жыл бойы, бойымызға жинаған, бiлiм нәрiне сусындағанымыздың дәлелi – «аттестат» тапсыру салтанатына кезекті берейік.

- Мектеп түлектерінің аттестатын тапсыруға мектеп директоры Сапанова Дильнара Сембеевна және директордың оқу-тәрбие ісі жөніндегі орынбасары Бекбулатова Ақмарал Балғабаевнаны ортаға шақырамыз.