Сынып жетекшісіне арналған ән мәтіні мен тәрбие материалы

«Үздік сынып жетекшсі – 2018»

мектепішілік байқауының сценарийі

Армысыздар құрметті қауым, ұстаздар!

«Маған жақсы мұғалім бәрінен де қымбат, өйткені мұғалім –мектеп жүрегі» деп ұлы ағартушымыз Ыбырай Алтынсарин айтпақшы, мұғалімнің мектеп үшін де ,қоғам үшін де рөлі зор екендігі баршамызға белгілі . Қоғамның бір бөлшегі, ол - мектеп партасында отырған бүгінгі өскелең шәкірттер , ертеңгі атпал азаматтар екендігін ескерсек, ұрпақ тәрбиесімен айналысатын осыбір мамандық иесіне барлығы иіліп бас иеді.

Ұстаз – аяулы да ардақты есім. Еңбекқор да қажырлы, ақылды да сабырлы ұстаздардың бір қауымы – сынып жетекшілер десек қате айтпаған болар едік. «Ұстазы жақсының ұстамы жақсы» демекші, мектеп оқушыларының саналы да тәрбиелі болып өсуіне үлкен қолдау көрсетіп, бағыт-бағдарын беріп отыратын сынып жетекшісінің, мектептің оқу-тәрбие процесінде орны ерекше екендігін атап өтпеске болмас.Өйткені сынып жетекшісі өз сыныбындағы сан шәкірттің оқу үлгірімін де, тәрбиелік шараларға қатысуына да, тәртібін де өз бақылауында ұстап, ата-ана мен мектептің «Алтын көпіріне» айналады.

Алдында отырған шәкірті күн сайын ұстазына қарап бой түзеп, ақылымен сусындап, өнегелі тәрбиесінен тәлім алады.

Сынып жетекшісі керемет ұйымдастырушы, ақылшы да жанашыр, адамгершілік қасиеттері жоғары тұратын тұлға , қайсыбір қиын мәселенің қисынын табатын, істерінен үнемі оң шешім, оң нәтиже көретін іскер жан болуы шарт.

Осындай жан-жақты да, ізденімпаз бір топ мұғалімдер шоғыры - еңбекқор сынып жетекшілер қауымы біздің мектебіміздің де жемісті жеңістерінің себепкерлері. Мектеп-лицейіміздің 30 жылдық мерейтойына орай бүгінгі мектепішілік «Үздік сынып жетекшісі-2018» байқауы құзіретті, ізденімпаз, жан-жақты сынып жетекшілерді анықтау мақсатында өткізілгелі отыр.

Ендеше, байқауымызды ашық деп жариялау үшін сөз кезегі мектеп-лицей директоры Талғат Құрақбайұлына сөз кезегі беріледі.

Құрметті қауым! Бұгінгі байқауымыздың қатысушыларымен таныс болыңыздар:

Сынып жетекшілеріміздің іс-тәжірибелерінің оң бағасын беретін әділ қазы алқалыларымен және сайысымыздың тәуелсіз сарапшысымен таныстырып өтейік:

Құрметті қатысушылар, байқауымыз келесі кезеңдер бойынша жүргізілетінін еске саламыз:

І кезең. Сынып портфолиосы

ІІ кезең.Ата-аналар жиналысының жаңа формалары.

ІІІ кезең. Әлеуметтік жобалар, тың идеялар.

Олай болса, байқауымыздың алғашқы кезеңін бастауға рұсат етіңіздер!

Байқауымыздың ІІ кезеңін бастаймыз!