Табиғат құбылыстарының ерекшелігі туралы материал

Тақырыбы: Табиғат құбылыстарының ерекшелігі неде?

Білім беру саласы : «Таным»

Бөлімі: Жаратылыстану

Сабақтың оқытылу мақсаты : Табиғат құбылыстарын сипаттау (жел, тұман, найзағай, жаңбыр және т.б.) бақылауға қатыса алады; • табиғат құбылыстарын атай алады; • табиғатта болатын өзгерістерді анықтай алады; • жыл мезгілдеріне байланысты табиғат құбылыстарының ерекшеліктерін көрсете алады.тілдік мақсат дағдыны дамыту: бақылау үдерісінде сұрақ қоя білу, болжамдар айту, ұғымдарға анықтама беру, жүйелеу, бақылау, қорытындылау және ойша тұжырым жасау.

Билингвальды компонент : табиғат құбылысы – природное явление – a natural phenomenon негізгі терминдер мен сөз тіркестері. Табиғат, құбылыс, мезгіл, табиғат құбылысы және т.б.

Іс –әрекет кезеңдері

Тәрбиешінің іс -әрекеті

Балалардың іс –әрекеті

Мотивациялық -қозғаушылық

I. Дұрыс әсерлі көңіл күй орнату. 0-2 мин.

(Ұ) «Нөсер» өлеңінің көмегімен дұрыс әсерлі көңіл күй жасау. Найзағайлар атылды, Жерге бұршақ шашылды. Нөсер жауып бір кезде, Жұртты әуреге салдырды.

Қозы-лақтар маңырап, Бұзаулар да аңырап. Айналаға қарасаң, Көрінбейді атырап. Нөсер жаңбыр жауады, Сай-саладан ағады. Жердің бәрі балшық боп, Бассаң, балқып барады. (Ұ) Балалар, табиғат дегеніміз не? Есімізге түсірейікші. табиғат – жанды және жансыз денелерден тұратын бізді қоршаған әлем. Бүгін біз сендермен табиғат құбылыстары туралы айтатын боламыз. Табиғат құбылыстары дегеніміз не? Қалай ойлайсыңдар? Мақсатты болжам. (Ұ) Балалар сабақта әңгіме не жайында болатындығын сурет бойынша болжамдайды. Сабақтың соңында қол жеткізетін мақсат айқындалады. (Оған рефлексия кезеңінде қайтып оралады)

Табиғаттағы құбылыстар бейне- ленген суреттер.

Амандасу.

Ойын ойнау.

Суреттерді тамашалайды.

Ұйымдастыру -іздестіру

Өзекті мәселелер. Жұмбақтарды шешу арқылы табиғат құбылыстары туралы түсінік беру. Қанаты жоқ, ұшады, Аяғы жоқ, жетеді. Аузы жоқ, ұлиды (Боран). Арыстан арқырады, Орман жарқырады (Найзағай). Қанаты жоқ – ұшады, Аяғы жоқ – қашады (Жел). Қыста ғана болады, Ұстасаң, қолың тоңады (Қар).

Жұмбақтардың жа- уабына байланысты суреттер.

Сырылдатады шәйнегін, Ұнатпаса да жұрт, мейлі. Тереземіздің әйнегін Жуады, Бірақ сүртпейді (Жаңбыр). Балалар, қандай табиғат құбылыстарын білесіңдер? Табиғат құбылыстарына анықтама беріп көрейікші. табиғат құбылыстары – әр маусымда болатын табиғи өзгерістер (жаңбыр, қар, жел, боран, найзағай т.б.). (Ұ) «табиғат құбылыстары» тақырыбында сурет бойынша әңгімелеу – Балалар, суреттен нені байқадыңдар? – Қандай табиғат құбылыстарын атай аласыңдар? – Бірінші…