Табиғатқа қамқорлық тақырыбына арналған 4-сынып сабақ жоспары

Пәні: Өзін-өзі тану Пән мұғалімі: Ожыканова Д Сынып: 4 Тақырыбы: Табиғатқа қамқорлық Мақсаты: Оқушыларға табиғат туралы түсініктерін, білімдерін толықтыра отырып, табиғаттың тіршілігін және қоршаған ортаны қорғауға деген жоғары адамгершілік сезімі мен жауапкершілігін арттыру. Міндеттері: -табиғат пен адамның үйлесімділігі туралы біледі. - табиғатқа деген қамқор қарым-қатынас дағдылары игереді. -тазалық, ізгілікті меңгереді. Сабақ типі: жаңа білімді игеру сабағы Ресурстар: нақыл сөздер «Таза болсын табиғат, аман болсын адамзат», сюжетті суреттер. Мақал – мәтелдер жинағы, макет, слайд,шарлар,үнтаспа,интерактивті тақта. Құндылық Қиянат жасамау Қасиеттер 1. Бірлікте болу; 2. Қоршаған ортаға қамқорлық; 3. Жерді сүю,қадірлеу

Сабақ барысы: Ұйымдастыру кезеңi. Амандасу. 5 «Т» ережесін еске салу. Тәртіп Талап Тыныштық Тазалық Татулық Баяу әуен қосу. Тыныштық сәтi. «Орманға ойша серуен» Балалар, дұрыс отырайық,арқаларыңызды түзу ұстайық,қолдарыңызды партаға қоюға болады,көздеріңізді жұмайық. Сіз табиғаттың ең көркем жерінде екенін елестеңіз. Сіз жұмсақ, жасыл шалшықта жалаң аяқ жүрсіз. (тыныштық). Жасыл шөп сіздің аяғынызды сипап жатқан сезімде боласыз. (тыныштық). Күннің көзі жер бетін қыздыруда.(тыныштық).Сіз гүлдің, шөптің және балдың иісін сезесіз. (тыныштық). Өзеннің сыңғырлағанын, көңілді құстар ән салып жатқанын естисіз. (тыныштық).Тыныштықта тұрып, өзімізді тындайық, табиғат-анамызды тындайық. Алақаңдарыңызды күннің көзіне жайыңыз. (тыныштық).Көк аспаннан және көктемгі жылы күннің сәулелерін сезіңіз (тыныштық).1,2,3 көзімізді ашайық.Қолымызды жайып, бізге өмір, денсаулық, қуаныш және жақсы көңіл күй сыйлаған Ана-Табиғатқа «Рахмет» деп айтайық Көзімізді ашып, сабағымызды бастайық. Мағынаны тану Сұрақ – жауап. (ауызша топтарға сұрақтар қою.)* Адам өміріне не қажет?* Адам өзіне қажетті жағдайларды қайдан алады* Судың қандай қасиеттерін білесіңдер?* Тірі табиғатты ата.

Әңгімелесу. *Табиғат дегенді қалай түсінесіңдер?- Табиғат! осы бір сөз жүрекке жылы, көңілге қонымды естіледі. Табиғат сөзінде қаншама терең ой, мағына, ұлағатты мол ұғым, тұжырымы кең ой жатыр деуге болады.- Табиғат күллі тіршілік атаулының құтты қоныс – мекені, алтын ұя бесігі, құт – берекесі. Адам үшін табиғат – ең қасиетті де қастерлі ұғым.- Табиғатты қазақ халқының бар өмір – тіршілігі табиғатпен етене байланыста. Табиғатқа аялы алақан, жылы жүрек сезімі, көздің қарашығындай қамқорлық…