Табиғаттың құпия сырлары 5-сынып ашық сабақ жоспары

Қысқа мерзімді жоспар

Ұзақ мерзімді жоспардың тарауы

5.9.2 Аспан әлемінің құпиялары

Күні : 07.03.2018 жыл

Мектеп:

Мұғалімнің тегі, аты:

Сынып : 5

Қатысқан оқушылар саны: 16

Қатыспаған оқушылар саны:0

Тақырыбы

Табиғаттың құпия сырлары. Сапалық және қатыстық сын есімдер

Оқу мақсаттары

5.Т/А 4 Тірек сөздер мен жетекші сұрақтар арқылы негізгі ойды анықтау.

ӘТН4.1.Жұрнақ арқылы жасалған туынды сөздерді және күрделі сөздерді ауызша және жазбаша тілдесім барысында қолдану.

Сабақ мақсаттары

Барлық оқушылар орындай алады:

1.Берілген мәтіндегі тірек сөздерді табады.

2.Жетекші сұрақтарға жауап беру арқылы мәтіндегі негізгі ойды анықтайды.

3.Сапалық және қатыстық сын есімдердің мағынасын түсініп, ажырата алады.

4.Жұрнақ арқылы жасалған туынды сын есімдермен сөйлемдер құрайды.

Оқушылардың көпшілігі орындай алады:

1.Мәтіндегі негізгі ойды жылдам анықтауда белсенділік танытады.

Кейбір оқушылар орындай алады:

1. «Үркер жерге түспей, жер қызбайды» амалының мағынасын анықтап, зерттеу парақшасын толтырады.

Бағалау критерийлері

1.Берілген мәтіндегі тірек сөздерді табады және жетекші сұрақтарға жауап беру арқылы мәтіндегі негізгі ойды анықтайды.

2.Сапалық және қатыстық сын есімдердің жасалу жолдарын түсінеді және сөйлемдер құрайды.

Тілдік мақсат

Оқушылар орындай алады: Табиғаттың құпия сырларымен танысады.Сапалық және қатыстық сын есімдерді ажырата алады.

Нақты тақырыпқа арналған сөздік қор мен терминология:

Маусым, табиғат, жұлдыз, ай, тоғысу, амал, үскірік, сүңгі, сапалық, қатыстық сын есімдер, қатыстық сын есім тудыратын жұрнақтар.

Диалог құруға/мәтін құруға арналған пайдалы тіркестер: Қара суық, аспан әлемі, дала құстары, «Қызыл жұмыртқа»,Үркердің жерге түсуі.

Талқылауға арналған сұрақтар:

1.Табиғаттың құпия сырларына қандай құбылыстар жатады?

2. Амал деген не және оған қандай белгілер тән?

Сіз неліктен ... екенін айта аласыз ба?

Сіз қазақ халқының неліктен аспан әлеміне қатысты болжам жасағанын айта аласыз ба?

Алдыңғы оқу

Тіршілікке қолайлы ғаламшар. Сын есім

Пәнаралық байланыс

Тарих, Жаратылыстану

Құндылықтарға баулу

Индустрияландыру мен инновацияларға негізделген экономикалық өсу;

Шығармашылық және сын тұрғысынан ойлау;

Өмір бойы оқуға дайын болу.

Сабақ жоспары

Жоспарланған уақыт

Жоспарланған жаттығулар

Ресурстар

Сабақтың басы

7 минут

2 минут

5 минут

Ұйымдастыру кезеңі:

1.Оқушылармен сәлемдесемін.

2.Оқушылардың сабаққа қатысуын қадағалаймын.

3.Оқушылардың бүгінгі көңіл-күйін білу және «Жүректен-жүрекке» тренингімен топта жағымды психологиялық ахуал туғызамын.

4. Өткен тақырыпқа шолу барысында сын есім сөздерді сапасына, түсіне, салмағына, дәміне байланысты ажырата алатынымызды еске түсіру. Тақтаға осыған байланысты сөздер ілінген, сол сөздерді алып осы ерекшеліктеріне қарай 3 топқа бөлінеді.

1-топ. Зеректер.

2-топ. Алғырлар

3-топ. Тапқырлар

5.Сабақтың тақырыбымен, бағалау критерийлерімен оқушыларды таныстырамын.

Үй тапсырмасын сұрау.

Сын есім және оның мағыналық түрлері туралы «Ыстық орындық» әдісін пайдаланып,оқушы білімін тиянақтаймын.

1.Сөз таптары дегеніміз не?

2.Сын есімді қандай мысалдармен түсіндірер едіңдер?

3.Сын есімнің басқа сөз таптарынан айырмашылығы қандай?

Қима қағаздар

ҚБ. «Бағдаршам» әдісімен оқушылар бірін-бірі бағалау.

Оқушылардың назарын тақтадағы бейнежазбаға аудару. Бейнежазбадағы табиғат құбылыстармен оқушыларды ауызша толығырақ таныстыру.

Бейнежазба

Сабақтың ортасы

30 мин

6 минут

4 минут

6 минут

5минут

5 минут

1-тапсырма. Оқылым. Айтылым. Топтық жұмыс. Мәтінді топқа бөліп беремін. Әр топ жыл мезгілдеріндегі табиғат құбылыстарын оқып, толық танысады.

1.Мәтінді түсініп оқиды.

1-топ. Қыс мезгіліндегі табиғаттың құпия сырлары.

2-топ. Көктем мезгіліндегі табиғат таңғажайыптары.

3-топ. Жаз маусымындағы аспан әлемі.

«Фрайер моделі» әдісі бойынша мәтінді талдайды.

Жыл мезгілі

Сын есімдерді жаз

Тірек сөздер

Осы мезг. өзің білетін таб. құбылыс

Әр топ тақтаға шығып өз жұмыстарын қорғайды.

ҚБ: «Бас бармақ» арқылы бағалайды.

Кері байланыс: Мәтін несімен қызықты?

2-тапсырма. Айтылым. Топтық жұмыс. «Шеңбердегі доп» әдісі бойынша сұрақтарға ауызша жауап беру.

1-топ:

Есепші деген кім және ол немен айналысқан?

Үркер жұлдызы қай маусымда “жерге түседі” және ол кезде табиғатта қандай өзгеріс болады?

2-топ:

1. “Қылау” амалы қашан болады және оның белгілері қандай?

2. “Қызыл жұмыртқа” деген тіркес қалай пайда болған?

3-топ:

1. Көктем маусымына тән амал неге “Құралайдың салқыны” деп аталады?

2. Амал деген не және оған қандай белгілер тән?

ҚБ: «Екі жұлдыз, бір тілек»

Кері байланыс: «3,2,1» арқылы жүргізіледі.

3-маңызды ақпарат,

2- туындаған қиындық,

1-ұсыныс жасайды.

Грамматикалық тапсырма бойынша мұғалім түсіндірмесі.

Ой қозғау.

— Түнде аспаннан жұлдыздарды бақылаған кезің болды ма?

— Түнгі аспанда жұлдыздар қалай көрінеді?

— Түнгі аспандағы жұлдыздар неге ұқсайды? Оқушылардың жауаптарын тыңдаңыз. Жұлдыздардың нүктеге ұқсайтыны туралы тұжырыммен келіседі. Оқушылардан өз жұмыс парақтарында нүктелерді бейнелеуін өтінемін. Осы нүктелерді бір-бірімен қосу арқылы жұлдыздардың кескінін салады. Енді осы бейнеге қарап, құрамында сын есімі бар сөз тіркестерін құрайды. Мысалы:

Жұлдызды аспан, түнгі аспан, сәулелі жұлдыз; ашық аспан, жарық жұлдыз, көк аспан, кіші жұлдыз, т.б.

Осы сөз тіркестеріндегі сын есімдердің сапалық және қатыстық сын есім болып бөлінетініне назар аудартамын. Оқушыларға осы сөз тіркестерінен сапалық және қатыстық сын есім ережесін шығартамын.