Табиғатым – байлығым ашық сабағы, мектепалды даярлық

Тақырыбы: « Табиғатым - байлығым »

Мақсаты: Балалардың табиғат жайлы ұғымдарын тиянақтау, қоршаған орта туралы білімдерін жетілдіру.Табиғатқа деген сүйіспеншілік дағдыларын ояту.

Білімділік: Балаларды табиғат құбылыстарын және ерекшеліктерін атай білуге үйрету.

Дамытушылық: Балаларға табиғат таңғажайыптары туралы айтып беру.Тапқырлыққа, жылдамдыққа шақыру және ұшқыр ойлау қабилетін дамыту.

Тәрбиелік: Табиғатты сүюге, аялауға, оған қамқор бола білуге және тапсырмаларды ұқыпты орындауға баулу. Балаларды ата - аналармен бірігіп тапсырмалар орындауға, татулыққа, бірлікке, мейірімділікке, сыйластыққа, сүйіспеншілікке, жақсылыққа тәрбиелеу.

Көрнекіліктер: Суреттер, слайд, ойындар, үнтаспа.

Әдіс - тәсілдері: Түсіндіру, көрнекілік, қайталау, сұрақ – жауап.

Түрі: Саяхат сабақ

Жүру барысы:

I.Ұйымдастыру кезеңі.

II. Кіріспе сөз.

III. Саяхат сабақ.

Саяхат сабағымыз 5 кезеңнен тұрады.

1. « Таныстыру »

2. « Кім шапшаң »

3. « Балалардың табиғатқа сыйы »

4. « Ойлан, тап »

5. « Озық болсаң, тауып көр »

6. « Алма ағашы »

IV.Қорытынды

Сабақтың барысы: Құрметті қонақтар « Табиғатым – байлығым » - атты саяхат сабағымызға қош келдіңіздер. Саяхат сабағымызға 2 топ қатысады.Саяхатты бастамас бұрын әр топ өзінің , ұранымен таныстырады.

1.Таныстыру:1.« Күн » топ ұраны: « Таза болса табиғат, аман болар адамзат ».

2.« Кемпірқосақ » топ ұраны : « Табиғат біздің анамыз, аялап мәңгі жүреміз » - деп ұрандарын айтты.

- Балалар, табиғатқа саяхатқа шығып көрдіңдер ме ?

- жоқ

- Ендеше, қазір саяхатқа шығайық. Балалар, Табиғат дегеніміз не?

- Бізді қоршаған әлем.

-Табиғатсыз адам өмір сүре ала ма?

-Табиғатсыз адам өмір сүре алмайды.

Үнтаспадан жағымды табиғат дыбыстары естіледі тыйдайық.

- Сонымен, балалар ненің дауысын естідіңдер ?

( балалар үнтаспадан естіндерін айтады.)

- Балалар, Табиғат дегеніміз не?

- Бізді қоршаған әлем. Табиғатсыз адам сүре алмайды.

- Табиғатқа тамсанып бір қараңдаршы, осы алуан түсті көріністен ағаш та, шөп те, гүл де, өзен – көл де, тау мен тас та өте әдемі. Бұлардың бәрі табиғат деп аталады. Осы дүниенің ішінде сендер де барсыңдар. Табиғат қандай әсем де сұлу болса, біздер де сондай әсем де сұлумыз. Осындай сұлу дүниені жаратқан – табиғат ана екен.

- Табиғат нешеге бөлінеді.

- Тірі табиғат және өлі табиғат.

- Тірі табиғатқа не жатады?

- Жан - жануарлар, өсімдіктер, құстар, адамдар, жәндіктер жатады.

- Өлі табиғатқа не жатады ?

- Тас, су, ауа, құм, бұлт, күн жатады.

Енді балалар, орындарыңа жайғасыңдар .

2. « Кім шапшаң ». Табиғат туралы жұмбақтар шешу.

1-топ:1. Аузы жоқ үреді, Аяғы жоқ желеді. (Жел) 2.Жардай дәулер соғысты, Жарқ - жұрқ етіп оқ ұшты (Бұлт, найзағай) 3. Аспанда алып доп, Жарқырайды жарық боп. (Күн)

4.Суға батпайды,

Мұзға жанбайды. ( Мұз )

5.Тақия толған сөк,

Ерте тұрсам жоқ ( Жұлдыз )

2-топ:1.Көк жүзінде көк доға Жер жүзінде жоқ доға Қолмен ұстауға болмайды, Көзбен көріп тоймайды (Кемпірқосақ) 2.Әдемі түнде,

Мен жүрсем жүреді бірге. ( Ай )

3.Төбеден төнед төнеді,

Тамшысын төгеді.

Сол кезде ой қаулап,

Бәйшешек өнеді ( Жаңбыр )

4.Көк жастығым сөгілді Ішінен мамық төгілді . (Қар)

5.Жылт – жылт еткен,

Жырадан өткен. ( Су )

3. Балалардың табиғатқа сыйы.

Ескендір: Елімді сүйем, жерімді сүйем,

Сүйемін ата – анамды,

Жазира жасыл белімді сүйем

Сүйемін байтақ даламды.

Інжу: Алтын бесік – Отаным,

Сүйген сайын өзіңді.

Құшағыңда бақытты.

Сезінемін өзімді.

Мейірхан:Табиғат біздің анамыз,

Жан сая табар панамыз.

Бойымызға бар қуатты,

Табиғаттан аламыз.

Арман: Су деген тіршіліктің қаны емес пе,

Су деген табиғаттың жаны емес пе,

Су жоқ жерде өмір жоқ, ол – ақиқат

Күміс су қара жердің сәні емес пе?

Гүлсая: Жусан иісі аңқыған,

Мынау байтақ далаңның.

Өзен - көлін, тау, шыңын,

Бәрін сүйген балаңмын.

4 . « Ойлан, тап ». Балалар алдарындағы суреттерді біріктіріп жыл мезгілдерін құрастыру керек. Ата – аналар алдарындағы қағаздардан геометриялық пішіндер (үшбұрыш, төртбұрыш, дөңгелек) қиып гүл жасаулары керек.

- Бір жылда неше мезгіл бар?

- 4 мезгіл

-Қар қай мезгілде жауады ?

- Қыс

- Қандай мезгіл үнайды және не себепті ?

- қыс мезгілінде қар жауғаны, күз мезгілінде жеміс – жидектердің піскені,

- Қазір жылдың қай мезгілі?

- Күз

- Геометриялық пішіндерді атаңдаршы ?

- Үшбұрыш, төртбұрыш, дөңгелек

- Қандай геометриялық пішіндер қолдандыңыздар?

- балалар қолданған пішіндерін айтады.

Сергіту жаттығуы:Күн болып жанайық,

Мөлдір су боп ағайық.

Гүл болып жайнайық,

Терең – терең дем алып,

Жүгіріп – жүгіріп алайық.

Күн ұйықтайды,

Күн оянады.

Жел соғады, жаңбыр жауады.

Жаңбыр басылады,

Күн ашылады.5 . « Озық болсаң тауып көр ». Мақал мәтелдерді жалғастыру.1 – топ:1. Жер қазына, (Су гауһар.)

2.Табиғатты аяласаң, (табиғатта аянып қалмас!)

3.Қыста қысыл, ( жазда жадыра )

2- топ: 1.Судың да (сұрауы бар! )

2.Ағаш тамырымен мықты,(Адам - досымен мықты )

3.Сәуір болмай, ( тәуір болмас )

6.Алма ағашы

Қызыл алма артында – ата - аналарға, Сары алма артында – оқушыларға сұрақтар жазылған, сол сұрақтарды мен оқып айтамын сіздер « иә » және « жоқ » - деп жауап берулеріңіз керек.

Ата –анаға сұрақтар:

1.Балалалыңызға ризасыз ба?

2.Ұрып,нұқып үйретуге болама?

3.Оқыту мұғалімнің жұмысы, - деген керітартпа сөзді айтасыз ба?