Танымдық қызығушылықты арттыратын шығармашылық жұмыстар

ШЫҒАРМАШЫЛЫҚ ЖҰМЫС АРҚЫЛЫ ОҚУШЫЛАРДЫҢ ТАНЫМДЫҚ ҚЫЗЫҒУШЫЛЫҚТАРЫН АРТТЫРУ

Тусупбекова Зейнегул Алкеновна

«М.Жұмабаев атындағы №39 гимназия»КММ

Әлеуметтік педагог, «Өзін -өзі тану» пәнінің мұғалімі

«Жаңа ғасырға қадам басқан жас жеткіншектердің

қәзіргі өмірге бейімділігі болу керек.Ол өмірдің әр тетігіне үңіліп,

тығырықтан шыққар жолға даяр болу қажет»

С.Назарбаева «Өмір әдебі» кітабынан

Шығармашылық жұмыстар жүргізу арқылы оқу пәніне деген қызығушылығын дамыта отырып,оқушы өмірдегі өзгерістер мен жаңалықтарды қабылдай алатын,шығармашылық таныммен тікелей байланыс жасай алатын,өзіңнің жеке ойлау мүмкіншілігі бар дара тұлғаға айналады.Оқушылар ұстаздар қауымынан тек білімге ғана емес,өмірге үйрететін қабілеттілікті қажет етеді. Сондықтан біз ұстаздар заман ағымына қарай ,ақпараттық қоғамнан қалыспай, шешім қабылдаушы, ерекше ұйымдастырушылық қабілетті, нақты бағыт -бағдар беруші болып шығуы- бұл қәзіргі заманның талабы. Шығармашылық жұмыс оқушылардың ойлау қызметін дамытып, есту, қабылдау сезімдерінің жетілуіне, кез - келген нәрсеге мән бере қарауға, бағдарлау тағы басқа дағдыларының ұштала түсуіне себепкер болады. Мүмкіндігіне қарай әр тақырып бойынша ойын элементтерін қолданып, сабақ жүргізу мұғалімнің шеберлігін шыңдап, сабақтың сапасын арттыра түседі. Шығармашылық жұмыстарда оқушылар өздерін еркін ұстап, өзгелермен ынтымақтастасып, бірге еңбек етуге құштар болатыны байқалады. Шығармашылық жұмыс барысында мұғалімінің ұйымдастырылған жұмыстарын түрлендіріп, оқушылардың пәнге деген қызығушылығын оята отырып,олардың ішкі мүмкіндіктерін дамытып, қабілеттерін дамытады

Оқушылардың сөздік қорын молайтып, ауызекі сөйлеу тілін арттыруда ролдік ойындардың пайдасы зор. Ролдік ойындарда барлық балаларға бірдей рол тиімді де бір-бірімен міндетті түрде қарым-қатынасқа түсіп сөйлеседі. Оқушылар белсенді жұмыс істеп, бір-біріне жәрдем беріп, жұмыстарын мұқият тыңдап, өздерін және бір-бірін бағалайды, ал мұғалім бағыттаушы болады. Шығармашылық қабілеттерді дамытудың көптеген әдістері мен тәсілдері бар. Көркем шығармаларды оқытудағы орны ерекше. Көркем шығармаларды оқу оқушылардың білімі және адамгершілік қасиеттер мен құндылықтар туралы түсініктері кеңейеді. Оқу іскерліктері дамиды. Ойы, жады, эмоционалдық күйі, еркіндігі дамиды. Мен шығармашылық жұмысты балаларға сурет салдырып, басты кейіпкерге мінездеме беріп, эссе жазу арқылы шығармашылықтарын дамытады. Шығарманың кейіпкерін сахналау үшін оны түсіну,оның образына ене білу қажет.Ол баладан үлкен саналықты талап етеді. Оқушылар сабақ үстінде, сыныптан тыс іс шараларда сахнада өздерін еркін ұстай алады. Кез келген сабақта баланың бойындағы қабілеттерді дамыту басты мақсат болуға тиіс. Әсіресе әр сабақта балалардың шығармашылықтың түрлі түрлі қырлары көрсете түседі. Қолөнер де шығармашылықтың бастауы. [3]

Шығармашылық жұмыстардың нәтижесінде осы жылы Республикалық оқушылар арасында өткен «Менің анам-мұғалім» атты байқауға қатысып бірінші дәрежелі дипломмен ерекше шығармашылық дарынмен көзге түскен Нұрланова Диана, «Үздік қазақша ребус» атты байқауға қатысып 1 орын алған Жанғали Данел, «Уақыт-алтыннан қымбат» атты байқауға эссе жазып 1 орын алған Жұмабаева Гүлденсін, «Ұлт көшбасшысы» білімділер байқауында рухани жаңғырудың үздік үлгісін үздік туынды арқылы көрсеткен оқушылар Тусупбек Ералы,Махмутов Саят,Бақытхан Дамир 3 орын дипломдарымен марапатталды. Қайрат Бекнияз табиғатқа қамқорлық аясында «Қыран құс-бүркіт» тақырыбында ғылыми жоба қорғап, мақаласы жарияланды.

Оқушылардың арман қиялына ерік беріп, шығармашылық қабілетін ұштауда,адамгершілік қасиеттерін нығайтып,еңбексүйгіштікке тәрбиелеуде шығармашылық жүмыстардың маңызы өте зор. Ел ертеңін тәрбиелеуде рухани қордың маңызы аса зор. Өмірдің қиын асу-адырларынан ептілікпен, ерлікпен өте білетін,алар үлгі өнегесі мол болары анық.…