Танысу тренингі оқушыларға арналған материал

Ақтөбе облысы, Ойыл ауданы

Саға мектеп-балабақшасы

Әлеуметтік педагог және өзін-өзі тану пәні мұғалімі

«Танысу» тренингі

Мақсаты: Балаларды бір-бірімен жақын таныстыру, қатысушылар арасында жақсы түсінушілік, достық қарым-қатынас орнату және тренингке деген жақсы көңіл-күйлерін білдіру.

Сыныбы: 1

Түрі: Тренинг жаттығулары

Қолданылған құралдар:

1. Баяу музыка (үн таспа);

2. Үлестірмелер;

3. Арқан;

4. Ағаштың суреті;

5. Қағаздан қиылған жүректер.

Барысы:

Ұйымдастыру кезеңі

- Тренингке қатысушыларды топ жасап отырғызу.

- Баяу музыка қойып, қатысушылар қол ұстасып 1 минут алақандар арқылы жылы импульстар жібереді.

ІІ. Негізгі бөлім

І. "Кәне танысайық"

1-тапсырма

Нұсқау: Әр қатысушы 30 секунд ішінде өзін-өзі таныстырады. Бұл жерде өзінің есіміне, өмірінің қызықты жайларына тоқталса болады.

2-тапсырма

Нұсқау: Бұл тапсырмада әр қатысушыға үлестірме беріледі, сол үлестірмедегі тапсырманы жылдам орындап беру керек.

Үлестірмедегі әр тапсырмар:

1. Өзін-өзі мақтау

2. Өз-өзіне сын айту

3. Өзін-өзі өсімдікке теңестіру

4. Өзін-өзі тағамға теңестіру

5. Өзін-өзі көлікке теңестіру

6. Өзін-өзі сусынға теңестіру

7. Өзін-өзі затқа теңестіру

8. Өзінің жұлдызнама белгісімен таныстыру

9. Ұнаған қатысушы туралы пікірін айту

10. Бір қатысушыны жасырып сипаттау

ІІ. Ойын "Сиқырлы шеңбер ережесі"

Ортаға арқаннан шеңбер жасалады, ал қатысушылар орындарында отыра береді. Жүргізуші қатысушыларға көбірек кездесетін заттарды немесе қасиеттерді айтады. Кімге сол аталған заттардың қатысы болса ортадағы шеңберге жылдам тұра қалады.

Мысалы: кімнің сағаты бар? Кім жемпір киген? Кімде сумка бар? т.с.с.

Енді осы шеңберде тұрған қатысушылар, үлестірмедегі сөзді іс-қимыл арқылы көрсетеді.

Үлестірмедегі тапсырмалар:

1. Желден қимылдап тұрған ағаштарды көрсету

2. судағы балықтарды көрсету

3. Баланың анаға деген махаббатын көрсету және т.б.

ІІІ. Сергіту сәті "Көңілді күн"

ІV. "Кері байланыс" жаттығуы

Оқушылар шеңбер құрып отырып, жүрекшені әрқайсысы кезекпен-кезек ала отырып тренингтің өткізілуіне байланысты өз ойларын білдіреді:

- Тренингте ең бірінші не ұнады?

- Не ұнаған жоқ?

- Өзің жаңадан не білдің?

- Алған әсеріңіз қандай? - смайликтер арқылы анықтау

Тренингке қатысушыларға рахмет айта отырып, тренингті аяқтау

Қорытынды: