Тәрбие негізі балабақшада тақырыбындағы эссе үлгісі

Жотабаева Жулдуз Мусаевна– Шығыс Қазақстан облысы, Семей қаласы «№7 «Ақ бота» ясли-бақшасы» КМҚК

Педагогикалық еңбек өтілі 20 жыл, жоғарғы санатты ұстаз.

Тел: 87476846480

[email protected]

Эссе

Тақырыбы: «Тәрбие негізі – балабақшада!»

«Ешкім іштен батыр болып тумайды:

батырлық та мінез секілді өскен орта,

көрген тәрбиеге байланысты

қалыптасады»

Тәрбиеші ұстаз болу-жай ғана мамандық емес. Ол-адам бағдарын жасаушы. Адам өмірге келген соң үлкен мақсаттар қойып, талапшылдықпен, мақсаткерлікпен алға аттасам – бұл менің өмірімнің ең шынайы әрі ғажайып мәні. Өйткені мен ұстазбын, келешек ұрпақтың сәулетшісімін. Мен мұны мақтаныш сезіммен айта аламын. Менің тәрбиеші болуыма жол салып, арман ғана болып қалмауына негіз болған менің білім нәрін сусындаған Уржар ауданы Қарабұта орта мектеп ұстаздары мен алғашқы ұстазым. Өмірдегі бақытым – жүрек қалауымен ұстаз болуым. Бұл сөзді мен жай ғана айта салмаймын. Өйткені, бұлай айтуым – маған үлкен жауапкершілік жүктейді. Менің шәкірттерім егемен елдің, Тәуелсіз Қазақстанның толыққанды азаматы болып шықса, одан артық менде қандай арман болсын. Міне, осындайда «Ұстаз - ұлық емес ұлы қызмет» деген Бауыржан Момышұлының керемет дана сөзін әрқашан есіме аламын.

Қазіргі замандағы мың құбылып өзгеріп тұратын өмірде табысты болу үшін оған оңай бейімделе білетін қабілетке ие болу керек.

Отбасы – адам баласының алтын діңгегі. Өйткені адам ең алғаш шыр етіп дүниеге келген сәтінен бастап, осында ер жетіп, отбасының тәрбиесін алады. Сондықтан да отбасы – адамзаттың аса қажетті, әрі қасиетті алтын мектебі.Отбасының адамзат ұрпағына деген ықпалы мен әсер күшін өмірдегі басқа еш нәрсенің күшімен салыстыруға болмайтындай. Өйткені ата-ананың балаға деген тәрбиесінің орнын еш нәрсе толтыра алар емес.«Ел болам десең, бесігіңді түзе» – деген нақыл сөз отбасы тәрбиесінің маңызын айқындатып тұр емес пе? «Ұяда не көрсең, ұшқанда, соны ілерсің», «Анасына қарап, қызын ал», — деп, халық бәрін бастан кешіп, сынақтан өткізгендіктен айтқан. Жалпы адам баласы тәрбиеші болу үшін өзі тәрбие көрген, тәрбиені ұғынған жөн. Тәрбиенің отанында тәрбиеленген адам ғана айналаны, қоршаған ортаны тәрбиелей алады. Тәрбиелі ұрпақ елімізге ауадай қажет. Себебі тәрбиелі ұлттың тамыры тереңге бойлап, қаланған іргесі қандай ауыртпалық түсседе құламайды. Бәрін түйіндей келе менде болашақ ұрпақ үшін тәрбиеші…