Тәрбие үдерісін ғылыми әдістемелік қамтамасыздандыру материалы

Тақырыбы: Тәрбие Тақырыбы: Тәрбие

үдерісін ғылыми үдерісін ғылыми

әдістемелік әдістемелік қамтамасыздандыру қамтамасыздандыру

Тәрбие – педагогикалық процестің ең маңызды, өзіндік бет-бағдары бар, өз мазмұны, принциптері, өзіне тән

формалары, әдістері, тәсілдері бар ғылымның бір саласы.

Тәрбие мақсатты процесс. Тәрбие мақсаты айқын әрі нақты өмір жағдайына сай белгіленсе ғана өз нәтижесін дұрыс береді.Тәрбие мақсаты қоғамның, мемлекеттің әл-ауқаты және оның саясатымен әрқашанда тығыз байланысты болады

Тәрбие ұзақ әрі күрделі процесс. Адам баласы туғаннан бастап, есейіп ержеткеге дейін тәрбиенің ықпалында болса, кейінгі уақытта ол өзін-өзі тәрбиелеу процесімен жалғасып отырады.

Тәрбие – көпжақты процесс. Жасөспірімдері азамат етіп тәрбиелеу, қоғамдық пайдалы еңбекке әзірлеу процесі қоғамның барлық азаматтарының міндеті, жанұя, мектеп пен жұртшылықпен бірлесіп атқаратын ортақ мақсаты.

Тәрбие процесін табысты, нәтижелі ұйымдастыру тәрбиешілерге, алдымен тәрбие заңдылықтарын жете түсінуді қажет етеді.

Тәрбие заңдылықтар: -баланың үнемі жетілуі, даму жағдайында болуы, бұл – табиғи заңдылық;

-баланың өзінің түрлі әрекетінсіз және оның сыртқы орта мен табиғи қарым-қатынасынан тыс тәрбие болмайды;

-тәрбие мен дамудың бірлігі және өзара байланыстылығы; -тәрбие мен өзін-өзі тәрбиелеудің бірлігі және өзара байланыстылығы;

-тәрбиеде бірыңғай дайын рецептің болмауы және оны қолдану мүмкін еместігі;

-қоғамның үнемі өркендеп дамуы, онда өмір сүріп отырған әрбір жеке адамның күш-қуатымен өмірлік позициясына тәуелді екендігінде, сондықтанда тұлға тәрбиесі , бұл заңды құбылыс.

Тәрбие принциптері деп – тәрбие процесінде оның мазмұнын, ұйымдастыру тәсілдері мен формаларын жүзеге асыруда тәрбиешілердің пайдаланатын басты тәрбие идеяларының жиынтығы.

Әдіс дегеніміз – алға қойылған мақсатқа жетудің жолы. Тәрбиелеу әдістері – тәрбиелік міндеттерге қол жету үшін тәрбиешілер мен тәрбиеленушілер коллективтерінің бірлескен өзара байланысты қызмет ету жолдары мен тәсілдері.

Сөйтіп, тәрбие әдісі – мұғалімдер мен оқушылардың ұйымдасқан тәрбие процесінде жеке баланың мақсатты бағытта қалыптасуын қамтамасыз ететін күрделі комплекс дейміз.

Тәрбие әдісінің негізгі түрлері: 1.Сендіру әдісі – сөзге негізделген баяндама, әңгіме, диспут, лекция; бұл ең жетекші әдіс.

2.Практикалық әдіс – жағымды мінез-құлыққа жатықтыру – оған түрлі тапсырмалар беру. Қоғамдық-азаматтық, пионерлік тапсырмалар беру. Спортқа, түрлі үйірмелерге, экскурсияларға қатыстыруға тапсырмалар беру.

3.Өзін-өзі тәрбиелеу әдісі – Сухомлинский: «Бала өзін-өзі жетілдіруге икемделмесе оны жүз мұғалім де тәрбиелей алмайды»,- дейді. «Менің атым – Қожа» балалар киносында Қожаның айна алдына отырып, өзіне-өзі бұйрық беруі.

Ынталандыру әдістері Ынталандыру әдісі мақтау және жазалау болып бөлінеді. Тәрбиеленушінің іс-әрекетіне қойылған жақсы бағаны мақтау деуге болады. Мақтаудың түрлері: қолдау, қуаттау, алғыс айту, мадақтау. Мақтау әдісі әдептілік пен нақты мөлшерді сақтауды талап етеді. Ең алдымен мақтаудың психологиялық тарапы маңызды келеді. Мақтау әдісі мына жағдайда нәтиже береді: 1) Балалардың мақтау алуға іштей сенімді талпыныстары болуы. 2) Мақтау арқылы тәрбиеленушіні ұжымның қалған мүшелеріне қарсы қоймау. 3) Мақтаудың қылық-ісіне сай болуы. 4) Мақтау арқылы оқушыға жекелей шешім табуды үйрету. 5) Мақтаудың шындыққа негізделуі.