Тарих – болашаққа жол бастар тақырыбындағы эссе

Тарих – болашаққа жол бастар.

Қазақ жері – ұлан байтақ. Тарихы толығынан зерттелмеген, жұмбағы көп ұлы дала. Біздің осынау жерімізде ежелден өркениет пен мәдениеттер дамып, жер-жерге тарап, қазір жеке тәуелсіз «Қазақстан» мемлекеті болып отырмыз. Төл ұлты «қазақ» деген атпен аталып келеміз. Біздің мемлекетіміздің президенті, Н.Ә.Назарбаев, халқымызға басшы болғалы еліміздің қамымен келеді. Тарихын білмеген ұлттың болашағы бұлыңғыр. Ел басымыз сол өткен тарихты болашағымызбен ұштастырып, жобалар құрып, алдымызға мақсат қоюда. Мақсаты әлемге Қазақстан мемлекетін паш ету, халықтың жағдайын жақсарту.

Ел басы: «Кеңістік – барлық нәрсенің, ал уақыт – бүкіл оқиғаның өлшемі. Уақыт пен кеңістіктің көкжиегі тоғысқан кезде ұлт тарихы басталады»,- деп мақаласында осындай афоризмді келтірді. Сол кеңістік пен уақыт тоғысып біздің ұлт тарихының дамуындағы жеті қырын атап көрсетті. Ұлт тарихы – ол болашақ ел тарихы. Атқа міну мәнерінің біздің жерден бет алуы, қызғалдақ пен алманың біздің өлкеден тарауы ұлы даламызды ерекшелендіріп тұр. Ал металл өңдеуде сол заманның озық технологиясын ойлап тауып, оны аң стилінде оюландырып әшекей - бұйым жасауы, Алтын адамның табылуы ата бабамыздың ой-қабілеті биік болғаны мақтаныш сезімін оятады. Ұлы жібек жолының жеріміз арқылы өтуі, елімізідің түркі әлеменің бесігі, еуразияның кіндігі атануы географиялық жағынан қолайлы екендігін айқыштайды. Жеріміздің осындай тарихы болашаққа деген сенім қанатын жайдырады.Отанымызыдың тарихын, ұлт тарихын зерттей отырып Ел басы халқымыздың рухани жаңғыруын қолға алды.

Ұлы дала, ұлтпен қатар ұлы тұлғаларымыздың тарихқа қосқан үлесі көп. Бірі ілім-білімді дамытса, бірі халқымыздың намысын, жерін қорғады, бірі өнерін дамытты. Президентіміз сол тұлғалар туралы әдеби мұралар, кітаптар, мұражайлар, кино туындылары көп болуын мақаласында жазды. Әсіресе кино қорына көп көңіл бөліп отыр. Өйткені жаңа ғасыр ұрпағы сандық ақпаратқа, жаңа технологияға әуес. Шынына келгенде қазір сол арқылы ақпаратты көп аламыз. Сандық ақпарат жүйелері арқылы, кино әлемі арқылы жерімізідің, ұлтымызыдың тарихын заманауи блокбастерлер мен фэнтези жанырында жаңғыртып халықтың, жас ұрпақтың патриоттық сезімін ояту, тарихты оқыту. Еліміздің әрбір азаматы отансүйгіш болса еліміздің көркеюіне үлес қосады.