Географияда жаңа әдіс-тәсілдерді қолдану туралы эссе

Тақырыбы: География сабағында жаңа технология әдіс-тәсілдерін пайдалану арқылы оқушылардың құзыреттілігін арттыру

Жоспар

І. Кіріспе

Жаңа ХХІ ғасыр ғылым мен техника ғасыры

ІІ. Негізгі бөлім

1) Жаңа технология әдіс –тәсілдерін география сабағында қолдану

2) Іскерлік ойын арқылы оқушының ынтасын арттыру

3) Оқытудағы интербелсенді әдістемелер

ІІІ. Қорытынды

Пайдаланылған әдебиеттер

Жаңа ХХІ ғасыр ғылым мен техника ғасыры

ХХІ ғасырда білім мен ғылымның жаңа белесі басталмақ. Ұлттық білім деңгейін әлемдік білім кеңістігіне енгізу арқылы өркениетті мемлекет құруға қадамдар жасалды. Ал өркениетке жеткізетін жол білім мен ғылым жолы екендігі жұртшылыққа мәлім. Демек, білім беру проблемасы қоғамдағы өзекті проблемалардың бірі болып табылады. Қай кезеңде болсын, елдің қоғамдық саяси дамуындағы білім мен тәрбиенің алар орнына жоғары баға беріліп, білім беру мәселесіне жан-жақты көңіл бөлген.

Елбасы Н.Назарбаев Қазақстан халқына «Қазақстан - 2050»: Бір мақсат, бір мүдде, бір болашақ атты жолдауында: Барлық дамыған елдердің сапалы бірегей білім беру жүйесі бар. Оқушылардың сындарлы ойлау, өзіндік ізденіс пен ақпаратты терең талдау машығын игеруге тиіс екендігін атап өтті.

Қазақстан Республикасының «Білім туралы» Заңының 8-бабы мектепке «Оқытудың жаңа технологиясын енгізу, білім беруді ақпараттандыру, ғаламдық коммуникациялық желілерге шығу қажеттігін жүктейді». Ақпарат ғасырында, ақпараттандыру технологиясыдамыған заманда ұстаздардың мақсаты – заман талабына сай білімді, жан-жақты ойлай білетін, өз елінің халқының қамын жейтін, қоғамды алғақарай дамытатын ұрпақ тәрбиелеу.

Жаңа технологиялық әдістерді қолдана отырып, сапалы және терең білім беру, олардың ойлау есте сақтау, көру қабілеттерін жетілдіру уақытты дұрыс пайдалану болып табылады.

«Технология» - гректің өнер, шеберлік ғылымы деген сөзден шыққан. Технологиялық оқыту түріндегі педагогика саласында 1195 жылдан бастап пайдалан бастады. Мұғалім зерттеуші , тәжірибе жинақтаушы, алмастырушы болып, ұтымды әдістерді көрсету керек. Ең алдымен мұғалім өзі дайын болуы керек, жүйеге келтірілген іскерлік жұмыс оқушыға қызықты болады. Оқушылардың таным, ой қабілеттерін дамыту үшін сабақты сан түрлі әдіс тәсілдерді қолдану қажет. Әсіресе жаңа буын оқулықтармен әр деңгейге бөліп оқушылардың өздігінен белсенділігін арттыруға ерекше көңіл бөлінуі қажет.

Сонымен оқыту технологиясы бұрыннан келе жатқан классикалық педагогика жетістіктерінен іздене отырып оны жаңа өнімді әдістермен байытуды, білім алуды, оқушының өз іс-әрекетінен ұйымдастыру арқылы жүзеге асыруды талап етеді.

1) Жаңа технология әдіс –тәсілдерін география сабағында қолдану

География пәні – өзіндік ерекшелігі бар әрбір оқушыны қызықтыра білетін, тылсым ғажайып сырға толы тән. География пәнінің тағы бір ерекшелігі – оқушылар өздігінен ізденіп білім дағдысын толықтыруға, қосымша мәліметтер жинақтауға, сөзжұмбақтар құрастыру, рефераттар даярлау, интернет жүйесін қолдану, слайдтар жасау сияқты жұмыс түрінен өткізуге тиімділігі. Әрине мұндай заман талабына сай білім беріп, ынталандыру үшін сабақты қызықты әрі түрлендіре өткізу қажет. Қазіргі таңда педагогика саласында туындап жатқан жаңа технологиялардың маңызы зор. Мұндай сабақтар оқушының пәнге деген қызығушылығын арттырады. Сонымен қатар логикалыққ ойлау, есте сақтау қабілеттерін дамытады. Осы мақсатымды жүзеге асыру үшін деңгейлік тапсырмаларды орындатамын «Сандар сөйлейді» , «Кім жылдам», «Семантикалық карта», «Адасқан нысанды табу», «Мен - өзенмін», «Тұлғаны тану» сияқты тәсілдерін пысықтау, қорытындылау сабақтарында жиі қолданамын.

Жалпы білім беру жүйесіне енгізілген жаңалыққа оқушыладың білімін тексеруде:

-топпен жұмыс істеуді ұйымдастыру

-оқушының өзін-өзі тексеруі

- оқушылардың бірін-бірі тексеруі

- оқытудың модельді жүйесі

- дарынды балалармен жұмыс істеудің жаңаша әдіс-тәсілдерін қолдану жатады.

География сабағына қажетті көрнекілік, жаңаны тану ретінде де, ой немесе әңгімені елестету үшін де, аңғарымдылығын дамыту үшін де, материалды еске сақтау үшін де қолданылады. Көрнкілік құралдар оқу үрдісінің барлық кезеңдерінде қолданылады: жаңа білімді хабарлаған кезде, кейде мұғалім жаңа білімді хабарлауы орнына (мысалы, кинофильмді көрсету, тәжірибе жасау); білімді орнықтыру және іскерлік пен дағдыны қалыптастыру кезінде үйге берілген тапсырмаларды орындаған кезде сызбаларды сызу, кестелерді жасау, суреттемелерді орындау және т.б.; меңгеруді бақылаған кезде (мысалы, карта, кесте бойынша айтып беру, аспаптар құрлысын түсіндіру). Көрнекілік оқушылардың жас ерекшілігін ескере отырып пайдаланылады.

Ең жақсысы – көрсетілген оқыту жүйелерінің барлығы үйлесімді болуы керек. Бірақ қазір қоғамға ерекше, денсаулығы мықты, қызықты, ойшыл, тәуелсіз тұлғалар қажет. Осылайша, жаңа технологиялар оқыту процесін радикалды өзгертуі мүмкін. Оның мақсаты – оқушыларды оқу барысында қуанышқа бөлеу, жүректерінде өздерін бағалай білетін сезім тудыру болып табылады.