Тарих-таным, тарих-тағылым мерекелік материалы

«Тарих-таным, тарих-тағылым»

Торқалы тойға тарту

Жақында ауданымызға әйгілі, беделі биік ордасы, өңірге үлгі, төңірекке тірек, шәкірттердің шаттықты мекені №39 Лесбек Жолдасов жалпы орта білім беретін мектебінде елге - өнеге, ұрпаққа - ұлағат, тарихқа таным, ұстаздардың мәртебесін асқақтататын үлгілі үрдіс , ғасырға жуық ғұмырда, «Қызыләскер» ауылы мектебінің тарихы жайлы мәңгілікке мұра болып қалатын асыл қазыналы «Ұстаз салған сара жол» атты кітап шығарылып, сол кітаптың «тұсау кесер» тойы, мектебіміздің 90 жылдығына арналып , өткізіліп, ұстаздар қауымының мерейін үстемдігін, өмірден озып кеткен ұстаздар отбасының , ұрпақтарының, туыс бауырларының және бұл ғұмырда тіршілік нәрік татып жүрген ұлағатты ұстаздардың көңілдерін көтеріп, шабыттарын шалқытып –ақ тастады.

Бұл тарихи кітапты шығаруда негізі осы ұжымдағы майталман ұстаздар мен білікті шығармашыл, жаңашыл ұстаздардың ой түйінінен туындады.

Оларға бағыт-бағдар беріп, мектеп тарихын тереңінен толғаған ауыл имамы Артықбаев Әйтен, бірнеше жыл мектепте ұстаздық етіп, зейнеткерлік ғұмырын сүріп жүрген ұлағатты ұстаздар Тоқтамұрат-қажы Асилов ақсақал, Андреева Мария Васильевна , әжелер төрайымы Әжімұратқызы Қарсыгүл Нұрбек –қажы тегі ана және көненің көзі болған ауыл тұрғындарының көмегі кітап мағынасына арқау болды.

Кітапқа авторлық еткендержаңашыл ұстаз, білікті жетекші орыс тілі мен әдебиеті пәні мұғалімі Мустапаева Рисалат Мамырқызы, химия пәні мұғалімі , білікті маман- Кушаева Гульнар Орынбасарқызы, тарих пәнінің мұғалімі , педагог –шебер Молдабекова Гулмира Жақсылыққызы. «Жазылған сөз сақталады, айтылған сөз ұмытылады» - деген халық даналығына сүйене отырып, ХХ ғасырдың 30-жылдарынан бастау алған мектеп тарихын ұрпақ үшін аянбай еңбек еткен ұстаздарды үлгі ету міндетті екенін межеледі.

Кітап үш бөлімнен тұрады. Бірінші «Дария-ғұмырлы еңселі білім ордасы» атты бөлімінде мектептің тарихына жетігімен тоқталған. Екінші «Білікті басшы -мектеп мерейі» бөлімінде еңселі мектепті басқарған басшылыр туралы жазылған.Үшінші «Талаптыға нәр берген талай тарлан» бөлімінде жылдар бойы ұрпаққа сапалы білім, саналы тәрбие берген және еңбек етіп жүрген ұстаздардың өмірдеректері мен шығармашылық табыстарына тоқталған. Көптеген мәліметті жинақтауға ұжымдастар да ат салысты. Мерей тойға ардагер ұстаздар, дүниеден өткен ұстаздардың туған- туыс, ұрпақтары шақырылып, кең көлемде аталып…