Тарихы терең қазақ елі тақырыбына 9-сынып тәрбие сағаты

«Тарихы терең қазақ елі»

1 -Жүргізуші:

Біздің тарих!

Бұл дегенің шежіре,

Азап пенен бақ сыйлаған еліме.

Көп болды ғой көз алартқан пенделер,

Қазағымның ұлан-байтақ жеріне.

2-Жүргізуші: Өткенім бар-өкініш, жасыра алман,

Тарихым бар жазылған ғасырлардан.

Қазақ деген ел барын әйгіледім,

Жаңа ғасыр, сен енді бас ұрмаған!

Орындалсын аңсаған асыл арман!

1 жүргізуші:

Құрметті ұстаздар мен оқушылар! Бүгінгі біздің «Тарихы терең қазақ елі» атты тарихи кешімізге қош келдіңіздер!

2-Жүргізуші:

Кешіміздің мақсаты:

Қазақ халқының өткені мен болашағы, даму тарихы туралы мағұлматтар бере отырып, келешекке сеніммен қарауға , Отанға, елге деген сүйіспеншіліктерін арттыру, елжандылыққа тәрбиелеу.

1 жүргізуші:

Өткенімізбен бүгінімізді айтсақ , қазақ халқы нағыз батыр, ержүрек халық екенін білеміз. Ата – бабаларымыз көшпелі ел болса да, үш нәрсені бойтұмарындай сақтап, қадірлеген. Ол: ел мен жер және ана тілі.

2-Жүргізуші:

Қазақ дейтін менің бар елім

Жатыр алып жарты дүние әлемін

Бұл даланы анам жаспен суарған

Бұл далаға жылап келіп қуанғам деп Қасым Аманжолов жырлағандай кең байтақ жерімізде қазақ халқының басынан не өтпеді десеңші?!

(Бейнежазбаға назар аударыңыз).

I-Жүргізуші: Елім менің, егеменді, еңселі,

Талай асу, белестерді еңсерді.

Ұрпағымын асыл туған алаштың,

Еш түсірмейм мен сондықтан еңсемді.

II-Жүргізуші:Халқым менің!

Саған қарап жұбанам,

Тарих беті қатпар-қатпар бұралаң.

Талай зардап қайғы-мұңның соңынан,

Егемендік алғаныма қуанам!

9 сынып оқушысы Сағидолда Алуаның орындауында «Қазағым елім» әсем әнін қабыл алыңыздар.

I-Жүргізуші: Күні кеше өткен ең қиын жылдар бүгінде тарих беттеріне айналып үлгерді, сол тарих беттерін парақтап аша берсек, ел басынан өткен үлкен дүрбелең тарихи оқиғалар жетерлік. Солардың біразына тоқталайық.

Ендеше сахнада – тірі тарих!

1 көрініс:

Автор: Сахнада Жәнібек хан, билер , ізгі жақсылар , Асан қайғы, ру өкілдері

Жәнібек хан: Уа , халқым! Ел болам деген жұртқа ең ыңғайлы кез. Осы кезді пайдалана алмай қалсақ тағы да көпке дейін басымыз бірікпеуі мүмкін. Оның үстіне жат елдердің хандары мен патшалары да ауыздарын арандай ашып тұр. Олардың қолына түсіп , талаң таражыға болып кетуіміз де мүмкін.

Отырғандар барлығы : Иә, дұрыс айтасыз, қандай жол болмақ?

Жәнібек : Ендеше бірінші қазақ рулары бұдан бір ханға бағынады. Екінші әр рудың жайлаған жеріне, шаруашылығының басқарылуына қарай 3 жүзге бөлінеді.

Әр жүздің өзінің ханы болмақ, ал осы хандар бірігіп, бүкіл қазақ елінің басқаратын бір ханға бағынбақ және әр ру өз таңбасын белгілеп, анықтап, Нұраның Қаратұзының жарына түсірсің.

Асан қайғы :

Үйсін руының таңбасы жалау болсын, халқымызға жау тисе , ең алдымен атқа қонған жау жүрек.

Қыпшаққа айбалтаны таңба етелік. Сол сияқты алшын руының таңбасы да осы болсын.

Ал бар қазақтың ханы болып Жәнібек сайлансың!

I-Жүргізуші: 5 сынып оқушыларының орындауында қазақ биі.

I-Жүргізуші: Қазақта үш би болыпты ел қалаған,

Аузына не айтар екен деп жұрт қараған

Әз Төле , Қаз дауысты Қазыбек би

Әйтеке үшеуінен сөз тараған.

II-Жүргізуші: Үш бидің толып жатыр өсиеті.

Үлгі боп елге істеген әділеті

Болса да талай ғасыр өлгеніне

Қалған жоқ ел аузынан қасиеті.

2 көрініс. Билер кеңесі.

Автор: Күлтөбенің басында күнде жиын кезінде үш арыс, үш би құрылтай тарарда жеке мәслихаттасып отырады.

Төле би:

Уа билер! Күлтөбе басындағы келесі жиынымыз да аяқталды. Енді әрқайсымыз қазақтың шетсіз - шексіз сахарасының үш бұрышына қайтамыз. Осындай оралымды сәтте «Қазақ билері Күлтөбе басында былай деген екен» дейтіндей аталы сөз айтайық. Бұған не айтасыздар?

Қазыбек би:

Аға сөз ініге асыл болар, мынауыңыз көңілге тонымды. Тіпті болмағанда , «Біз сонда солай дегенбіз» дегенге жақсы ғой.

Әйтеке би: Ақылдарыңызға бейілімін.

Төле би:

Шешендіктен не пайда

Артына сөзі қалмаса

Батырлықтан не пайда

Халқына қайраң қалмаса

Хандықтан да пайда жоқ

Қарашасын жайласа

Молдалықтан пайда жоқ

Шариғатты өзгертіп

Надандарды алдаса

Қазыбек би:

Біз қазақ деген мал баққан елміз

Бірақ ешкімге соқтықпай жай жатқан елміз

Елімізден құт береке қашпасын деп

Еліміздің шетін жау баспасын деп

Найзаға үкі таққан елміз

Ешбір дұшпан баспаған елміз.

Әйтеке би:

Ашу деген ағын су

Алдың ашсаң арқырар

Ақыл деген дария

Алдың тоссаң тоқырар

Екі адам керіссе оның арты қызыл шоқ

Біз үш жүз керіспейік, келісейік!

Ал керісе қалсақ, үшеумізге де бірдей

Хандық түгіл ондық та жоқ!

6 сынып оқушыларының орындауында қазақ биі.

1-жүргізуші:

Пай, пай, пай! Киелі неткен жер!

Батырлар дүрілдеп өткен жер,

Тұлпарлар дүбірлеп төккен тер.

Ғашықтар бір-бірін өпкен жер,

Сарылып сал-сері кеткен жер.

Бас иіп, иіскеп топырағын

Тағзым жасамай өтпеңдер – деп ақиық ақын Мұқағали жырлағандай келесі кезекті мектебіміздің оқушыларына берсек.

Шабыттарына от тиіп, жалын түссін.

5 сынып оқушысы

6 сынып оқушысы Сайн Диас

5 сынып оқушысы Есенғабылова Сабина

I-Жүргізуші: Азаттық. Тәуелсіздік. Теңдік. Осы бір ұлы үш ұғымның салтанат құруы үшін кімдер қиындыққа басын тікпеді, кімдер құрбан болмады. Тарих кеші үнемі жаңаланып отырады. Десек те ұмытылмайтын, ескермейтін тарихи оқиғалар болды.

2-Жүргізуші: Тарихымызда ерекше орны бар, бәріміз куәсі болған халқымыздың қасіреті мен ар - намысына, сонымен бірге мақтанышына айналған оқиға - 1986 жылы болған желтоқсан көтерілісі. Желтоқсан көтерілісі бүкіл әлемді дүр сілкіндірді. Міне осыдан кейін - ақ ұлы мақсаттардың ұлы жолы басталды. Оның соңы тәуелсіздіктің қолымызға бақ болып қонған сәтімен жалғасып келеді.

8 сынып оқушылары:

Арайлым: Жаның қамауда қалғанда, арың талауға түскенде араша болған - ТӘУЕЛСІЗДІК!

Аяулым: Барын тоналғанда, асылың жоғалғанда қайтарып берген - ТӘУЕЛСІЗДІК!

Аяна: Ақиқатыңды айтқызбай тіліңді тістеткенде , бойыңнан рухани күш кеткенде, есіңді жиғызып , еңсенді көтерткен - ТӘУЕЛСІЗДІК!

Гульнара : дінімізді бұрмалап құранымыздан жаңылдырғанда , алламызды ұмыттырып адамға табындырғанда иман нұрымен сәулесін шашқан - ТӘУЕЛСІЗДІК!

Ділназ: Қара бұлт үйірмей аспанға ,

алтын күн шұғыласын шашқанда ,

қыраның құлашын ашқанда,

қияға қанат қаққанда , қайта жиып бойыңа құдіретін,