Тәртіп пен тәрбиенің тұғыры туралы мақала

Тәртіп пен тәрбиенің тұғыры – мектеп

Қоғам дамуының ең басты кепілі – тәрбиелі, парасатты, білімді ұрпақ. Ал ондай ұрпақ өсіп-жетілуі үшін ең алдымен тәртіп пен тәрбиенің берік іргетасы қалануы шарт. Ұлт болып ұйысуымыздың, мемлекет болып нығаюымыздың, өркениетті елдермен тереземіз тең болуының негізгі өзегі – осы. Бұл бағыттағы маңызды міндеттердің жүгі, ең алдымен, мектепке жүктеледі. Өйткені тәртіп пен тәрбиенің тұғыры – мектеп. Бала санасына алғаш рухани құндылықтарды сіңіретін, жеке тұлға ретінде қалыптастыратын қасиетті қарашаңырақ – дәл осы білім ордасы.

Білім беру процесі тәртіп пен тәрбиесіз жүзеге аспайтыны анық. Егер мектеп қабырғасында тәртіп болмаса, білім беру жүйесінің де, тәрбие тетіктерінің де тиімділігі төмендейді. Сондықтан Е.Бозғұлов атындағы №249 мектеп-лицейінің ұжымы тәртіпті – тұлғаның темірқазығы, тәрбиені – болашақтың бағдары деп қабылдай отырып, күнделікті жұмысында осы ұстанымды басшылыққа алады. Біз оқушыларға сапалы білім берумен қатар, оларды ұлттық рух пен адамгершілікке, адалдық пен жауапкершілікке тәрбиелеуді басты мақсат етіп қойдық.

Мектептегі тәртіп – бұл тек сабақта тыныш отыру, ережені сақтау емес. Бұл – баланың өзін-өзі басқаруы, ішкі мәдениеті мен ар-ұятының дамуы, қоғам алдында жауапты болуға үйренуі. Сол себепті біздің мектепте тәртіп ережелері формальді қағаз жүзінде емес, оқушы жүрегіне жол табатын нақты іспен жүзеге асады. Мұғалім мен оқушы арасындағы өзара сыйластық, құрмет пен сенім – тәртіптің ең берік негізі. Осы қағиданы ұстанған ұжымның арқасында соңғы үш жыл ішінде мектебімізде бірде-бір келеңсіз оқиға, суицид әрекеті немесе оқушы тарапынан қылмыстық құқықбұзушылық тіркелген жоқ. Бұл – ұжымның, ата-ананың және оқушылардың бірлесе атқарған нәтижелі еңбегінің дәлелі.

Тәртіп пен тәрбиені қалыптастыруда бірінші кезекте психологиялық және әлеуметтік қолдау тетіктері жүйелі жұмыс істеуі қажет. Мектеп психологы мен әлеуметтік педагог оқушылармен күнделікті байланыста болып, әр баланың ішкі жан дүниесін бақылап отырады. Әсіресе мінезінде күрт өзгеріс байқалған балалармен жекелей әңгімелесу, қолдау көрсету – мектептегі алдын алу жұмыстарының негізіне айналған. Сонымен қатар, «Қиын бала болмайды, назарсыз қалған бала болады» деген қағиданы берік ұстанған мамандарымыз ата-аналармен де тығыз қарым-қатынас орнатып, отбасылық ахуалды ескеріп отырады.

Бүгінде балалардың бос уақытын тиімді ұйымдастыру – тәрбиенің маңызды құрамдас бөлігі. Осы орайда мектебімізде жұмыс істейтін үйірмелер, спорт секциялары, пәндік клубтар, шығармашылық бірлестіктер, дебат және волонтерлік топтар оқушылардың…