Тартымды өткен өнер-білім сайысы туралы мақала

Тартымды өткен өнер-білім сайысы

Елбасымыздың "Болашаққа бағдар: рухани жаңғыру" атты мақаласы ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат. Елбасымыз адами құндылықтар, рухани қазына, жастардыы тәрбиелеу, олардың бойына патриоттық рухты сіңіре білу жұмысында рухани салаға басымдық берудің қажеттілігін алға қойып отыр. Бұл дегеніміз- ұлтымыздың барлық ұлттық салт-дәстүрлерін, мемлекеттік тіліміз бен әдебиетімізді, мәдениетімізді ұлттық рухымызды жаңғырту деген ұғымға келіп саяды. Рухани байлықтың кемел болғаны бұл жеке азаматтарымыз үшін де өте маңызды үдеріс.

Отбасы-бұл қоғамның негізі. Баланың болашақта жақсы азамат болып өсуі үшін, жан-жақты тәрбиелі болуы отбасында берілетін тәрбиеге тікелей байланысты. Осы орайда жақында Ш. Уәлиханов атындағы жалпы орта мектебінің кітапханашылар ұжымы "Білімді болашақ - ел ертеңі" атты отбасы мүшелерінің танымдылық сайысын өткізді. Сайыстың мақсаты - ата-аналар мен тәрбиеленушілерді сайысқа қатыстыра отырып, олардың халық ауыз әдебиеті, салт-дәстүрі туралы білімдерін байқау, отбасы-Отанның бір бөлшегі екендігін ұғындырып, тәрбиеленушілерді ынтымақ пен бірлікке, татулық пен ұйымшылдыққа тәрбиелеу.

Сайысты кітапхана меңгерушісі Тұрсынбекова Ұлбосын апай ашып, жарыстың жалпы мақсатымен жұртшылықты таныстырып өтіп, сайысқа қатысушы оқырмандарға сәттілік тіледі. "Таныстыру", "Нақтылап ата" жүйріктер сайысы, "Өнерлінің өрісі кең" отбасылар өнерін көрсету, "Қол өнер" үй тапсырмасы, "Кейіпкерлермен сырласайық" деген бес бөлімнен тұратын тартысты жарыстың алғашқы шартын Сапархановтар отбасынан Айкүміс өз отбасын таныстыруын өте шеберлікпен шынайы орындап шықты. Ал, Нұрлыбековтар отбасының мүшелері өздерінің шетінен керемет өнерлі, жан-жақты білімді жандар екендіктерін көрсетіп, осы отбасының сүйікті қызы Еркінайдың жанды дауыста шырқалған әніне көрермендер айрықша риза болды. Мәмбетовтар отбасының кішкентай бүлдіршіндері мен анасы Лаураның бірлесе орындаған көрінісі өте қызықты да әсерлі шыққанын атап өткеніміз жөн.

Өнерлі отбасылардың қабілет-қарымын бағалай, саралай келе қазылар алқасы үшінші орынды Нұрлыбековтар отбасына, екінші орынды Сапархановтар отбасына берсе, ал сайыста оқ бойы озып шыққан Мәмбетовтар отбасы бірінші орынды қанжығасына байлады.

Осылайша кітапханалар жүйесінде біршама тәуір жұмыстар бар екенін байқатқан "Білімді болашақ-ел ертеңі" атты отбасылар сайысы есте қаларлықтай әсерлі және өте қызық, тартымды болып…