Тастардың түрлері туралы сабақ жоспары мектепке дейінгі топқа

Білім беру саласы: Таным.

Бөлімдері: Жаратылыстану.

Тақырыбы: «Тастардың түрлері»

Мақсаты: балаларды тастың қасиетімен таныстыру.

Тастың құпиясы туралы білімдерін қалыптасуына мүмкіндік беру, құрылымын тамашалау, тастарды қасиетіне қарай топтастыру (үлкен,орташа, кішкентай), сырты (тегіс, түрпіленген, бұдырмақты), салмағы (жеңіл, ауыр), жүзгіштігі– суға батады.

- Танымдық қабілеттерін дамыту ізденімпаздық қызметі арқылы ақыл ой, көз өлшемі, логикалық ойлауға көңіл бөлу;

- Сөйлеу белсенділігінің деңгейін жоғарлату және сөздік қорын байыту қол түйсігімен сезгендерін сөзбен жеткізе алуға бейімделу;

- Таным белсенділігі, проблемалық –зерттеу әрекеттерінің алғашқы дағдыларын бейімделу;

- Өз құрбыларына құрмет білдіру, жанашырлық және көмек ұсыну сезімдерін тәрбиелеу.

Қостілдік компонент: тастар -камени

Қажетті құралдар: суреттер Демонстрациялық материал:

1. Ертегі кейіпкері –Ер Төстік;

2. Бақылауға арналған бөтелкедегі су, шелек; Тастар жиынтығы

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық

қозғаушылық

Шаттық шеңбер

- Қайырлы күн, балалар! Бәріміз үлкен шеңберге тұрып, біз үлкен отбасымыз деп елестетіп, келесі сөздерді айтайық:

- Шаттық болып тұрайық жылы жүзбен (балалар шеңбер болып тұрады)

- Бізге келсін қуаныш, нұр іздеген (өздерін көрсетеді)

- Шуақ толған жанымыз, жүрегіміз (жүрек түсін көрсетеді)

- Үлгі алсын көрген жан мына бізден (бір-бірлерін көрсетеді)

Қимылмен орындайды.

Ұйымдастыру-

іздестіру

Негізгі бөлім

Балалар, бізден ертегі кейіпкері Ер Төстік көмек сұрады. Жылдар өте келе анасынан өзінің ағалары бар екенін біліпті.

Зұлым Мыстан Кемпір оларды тасқа айналдырыпты. Ер Төстік өз ағаларын қайтарып алуға Мыстан Кемпір хандығына барып, оны бұзуға аттанбақшы.

Олардың жанын тарқату үшін тастын құпиясын білу керек.

Ол сендерден көмек сұрап отыр.

Біз оған қалай көмектесе аламыз ойластырып көрейік?

Біз тасты зерттей аламыз.

Заттардың зерттеумен кім айналысады?

Тастардың құпиясын білу үшін олардың қасиетін зерттеу қажет.

Балалар зерттеулерді қайда өткіздіреді?

Зерттеуге арналған аспаптармен жабдықталған бөлмені зертхана деп атайды.

Қазір біз зерттеушілер боламыз.

Зертханаға бармас бұрын біз теледидардан тау тастар туралы суреттер көріп алайық.

Ең алдымен мына бөтелкеге су құйып далаға аязға шығарып қояйық. Бұл бөтелкедегі су тәжірибеміздің соңында бізге қажет болады.

балалардың назарын үстел үстіндегі тастарға аударады

№1 тәжірибе «Түсі мен пішінін анықтау»

. Бізге тастар қандай түсті және қандай пішінді болатының білу керек. Тастарға мұқият қарандар, олар қандай түсті және пішіні қандай екенің айтындар.

№2 тәжірибе «Көлемін анықтау»

Біз не істейміз, қалай ойлайсыңдар?

тастардың көлемі бірдей ме екенің анықтау керек.

Балалар тастарды қарайды және тастардың көлемін анықтайды.

Тапсырма: Ең үлкен, орташа, ең кішкентай тастарды тауып көрсетіндер.

Тастардың көлеміне байланысты қандай қорытынды жасауға болады?

Саусақ жаттығулар

келесі тәжірибиеге бізге сезгіш саусақ қажет. Ол үшін саусақ жаттығуын өткізейік.

Бала,бала,балапан (қолдарын жоғары көтереді)

Кәне қайссы алақан (алақандыран айналдырады)

Саусақтарын әйбат (Саусақтарын қимылдаттырады)

Былай-былай ойнат (шапалақтайды)

Бала,бала,балапан (шапалақтайды)

Кәне қайссы алақан (алақандыран айналдырады)

Саусақтарын әйбат (Саусақтарын қимылдаттырады)

Былай-былай ойнат (шапалақтайды)

№3 тәжірибе «Сыртқы жағын анықтау»