Тәттілер ертегісі жаңа жыл сценарийі орта топ

Бекітемін

Өскемен қаласы әкімдігінің «№26

орта мектебі» КММ директоры

«Тәттілер ертегісі»

Орта топ

Музыка жетекшісі: Бидахметова Э. Б.

Өскемен қаласы 2019

Музыка ойналған сәтте балалар залға кіреді, жарты шеңбер жасап тұрады.

Жүргізуші: Жаңа жылдық мереке бұл әрдайым қызықты қиял-ғажайып ертегі секілді. Тек Жаңа жылда ғана бізге сұлу шыршамыз қонаққа келеді.

Балалар,қараңдаршы, біздің шыршамыз бүгін сондай әсем екен. Оған әдемі ойыншықтар ілінген!

Жасыл шырша орманнан,

Бізге арнайы келіпті.

Ойыншығын балалар,

Шыршаға әсем іліпті.

Шыршаға қатты айтайық:

Бір, екі, үш — шыршамыз жан!

Балалар: Бір, екі, үш — шыршамыз жан! (шыршамыз жанады)

Жүргізуші: Шыршамыз тұр ортада,

Оған шашу шашайық!

Тойлап көңіл ашайық!

Қуанысып күлейік,

Тақпақ айтып берейік.

«Шыршаға бардық» әні.

Балалар әнін орындағаннан кейін орындарына отырады

Жүргізуші: Жаңа жылдың жарқын айын, ән мен өлеңмен қарсы алайық!

Балалар кезекпен тақпақтарын айтады:

1.Тауда туып, тауда өскен,

Шырша келді ортаға.

Қандай жақсы шыршамыз,

Ән саламыз баршамыз.

2. Жасыл желек жамылған,

Асыл моншақ тағынғын.

Неткен сұлу шыршамыз,

ән салайық баршамыз!

3. Жаңа жыл – жаңа нұр,

Жаңа шаттық, жаңа жыр.

Жасыл шырша жанында,

Ойнап барлық бала жүр.

4. Әдемілеп біз ілген

Ойыншықтар тізілген

Қандай әсем шыршамыз

Ән шырқайық баршамыз

Енжарлықты тастайық

Шырша тойын бастайық

5. Жасыл шырша жанында

Ойнап, күліп қайтамыз

Жасыл шырша жанында

Өлеңді ді айтамыз

6. Ёлка-красавица

Всем вокруг видна.

Нравится, нравится

Каждому она!

Жүргізуші: Жарайсыңдар, балалар, шырша туралы қаншама жақсы өлеңдер біледі екенсіңдер! Қараңдаршы, сендер жақсы тақпақтар айтқаннан кейін ол енді жақсы жайқалып, жанып тұр!

Шыршаның шамдары жарқырап жанады

Ақшақар қыз әнін айтып, кіреді.

Жүргізуші: Армысың, Ақшақарым! Аяз Атаның немесересі қандайжарқын! Ол өзі қардан жаратылған! Шаш бұрымы қар ұлпасынан. Көздері тұнық мұздан жасалған.

Ақшақар: Сәлеметсіңдер ме, балалар! Сәлеметсіздер ме, қонақтар! Бізде бірқызық ойын бар, мұқият оны тыңдаңдар. Балалармен ойнаймын! Сиқырлауды бастаймын:

Ойын «Сиқырлы орамал»

Жүргізуші:

Балалар келді шыршаға

Қонақтар келді енді думанға

Қайда екен біздің көңілді,

Аяз Ата мейірімді?

Ақшақар: Жететін уақыты келді! Жолда біраз кідірді! Аяз Ата, ау! Ау-у-у!

Жүргізуші: Балалар, қанекей Ақшақарға Аяз Атаны шақыруға көмектесейік!

(Аяз Атаны шақырады, ол кіреді.)

Аяз Ата: Сәлеметсіздер ме, балалар мен ата-аналар! Жаңа жыл құтты болсын! Бақыт, шаттық орнасын! Ешқашан да ауырмаңдар! Әр қашан сау болыңдар! Аяз Атадан қорықпаңдар! Бірге ән салып, би билейік, жаңа жылда бәріміз шыршада көңіл көтерейік!

«Аяз ата мен балалар» әні

Аяз Ата: Рахмет, сендерге, қыздар менен ұлдар! Менің көңілімді көтердіңдер. Осы еңбектерің үшін, сендерге бір сиқырдык көрсетемін. Су ішкім келеді,сұп-суық судан.

Жүргізуші ожауға салынған мишураны береді, Аяз Ата оны ішкендей болады.

Аяз Ата: Ох, суыңыз тамаша! Қараңдаршы, балалар! Балаларға қалған суды мишураны «төгеді». Тақпақтар тыңдағым келеді! Кәне кім біледі шығыңдар!

1. Әппақ тонға оранып,

Базарлықты мол алып.

Келді алыс сапардан,

Аяз ата оралып.

2. Сақалы әппақ күмістей,

Тістері әппақ күріштей.

Сағындым аяз атаны,

Жылдамырақ келсе екен.

Бізге сыйлық берсе екен.

3. Келді Аяз атамыз,

Қасында Ақша қары бар.

Қызыққа әбден батамыз,

Қарсы аламыз баршамыз

4. Ақ таяғын таянып,

Таңмен бірге оянып.

Аяз ата келіп тұр

Ақ көрпеге оранып

5. Тістері аппақ күріштей

Сақалы аппақ күмістей

Нұр жайнаған ажары

Сағындым аяз атаны

6. Ақ сақалды таяқты

Қалың қырау қабақты

Аяз ата аямай

Бізге сыйлық таратты

7. Красивые снежинки

Спускаются с небес.

И лес, как на картинке,

Исполненный чудес.