Тату доспыз бәріміз өлеңіне арналған сабақ жоспары

ТАҚЫРЫБЫ: Тату доспыз бәріміз (өлең) (Фариза Оңғарсынова)

Мектеп/ МҰ: мектеп – бақша гимназиясы

Күні: 12.11.2018

Педагогтің аты-жөні: Фазылова А.К.

Сынып/ топ:

Қатысқандар саны:

Қатыспағандар саны:

ҰОҚ оқытылу мақсаты

0.1.1.1. Шағын мәтін, тақпақ және т.б. мазмұны бойынша сұрақтарға жауап беру

0.1.1.2. Өзінің эмоциялық жағдайын сөзбен жеткізу

0.1.2.1. Шағын өлеңдерді мәнерлеп жатқа айту

0.2.1.1. Жанрларды ерекшеліктері бойынша тану (жұмбақ, ертегі, тақпақ т.б.)

0.2.3.1. Өзінің ұсынымдарын сурет, сызба түрінде безендіру

Күтілетін нәтиже

Барлық тәрбиеленушілер орындай алады: Достық, татулық туралы тереңірек біледі. Сурет бойынша достық туралы әңгімелейді.

Сурет бойынша достық, татулық туралы сұрақтарға жауап бере алады. Өзінің ұсынымдарын сурет, сызба түрінде безендіреді.

Көпшілік тәрбиеленушілер орындай алады: Өзінің эмоциялық жағдайын сөзбен жеткізеді. Жанрларды ерекшеліктері бойынша таниды. Кейбір тәрбиеленушілер орындай алады: Өлеңді мәнерлеп жатқа айтады.

Тілдік мақсат

Тәрбиеленушілер: талқылау барысында қандай? неге? не үшін? қалай? деген сұрақтары бар сөздерді пайдалана алады.

Әдеби жанрларды ажыратады. Көптілділік: достық – дружба – friendship

Негізгі терминдер мен сөз тіркестері: әркез, біргеміз. Пікір алмасу сұрақтары:

Дос болу, тату болу адам бойындағы қандай қасиет? Дос дегенді қалай түсінесіңдер?

Сенің досың бар ма? Досыңмен татусың ба?

Досыңмен қандай ойындар ойнайсыңдар? Достық, татулық туралы өз ойларын айтады.

Өткен ҰОҚ-де алған білім

Шағын өлеңдерді мәнерлеп жатқа айтып береді.

Жоспар

Жоспарланған уақыт

Жоспарланған іс-әрекет

Ресурстар

І. Дұрыс әсерлі көңіл күй орнату.

0–2 мин.

II. Өмірлік тәжірибені маңыздандыру. Мақсатты болжам. 3–5 мин.

(Ұ) Балалар, достық туралы өлеңімізді есімізге түсірейік. Дос болайық бәріміз,

Жарасып тұр сәніміз. Тыныштықты сақтаймыз, Атсын күліп таңымыз.

Әнімен айтып, бір­біріне жылы лебіздерін білдіреді. – Сен қандай әдемісің? Өйткені...

– Сен менің досымсың! Өйткені...

(Ұ) Педагог мақалмен таныстырады. «Достық, татулық бәрінен де қымбат»

Мәтіннің достық, татулық туралы болатынын болжамдайды. «Дос» деп қиналғанда қол ұшын беретін, алыста жүрсе сағынатын, қолындағысымен бөлісетін, үнемі бірге жүріп, қуаныштарын бөлісіп, қиналғанда бір­бірінің жанынан табылатын адамдарды айтамыз.

Көптілділік: достық – дружба – friendship

Шеңбер құру

Мақал

III. Тақырып бойынша жұмыс 6–27 мин.

(Ұ) Сурет бойынша Әліппе-дәптермен жұмыс: – Суретте не болып жатыр?

– Суретке тақырып ойлап тап.

– Суретте ұлдар мен қыздар не істеп жүр? – Олар бір­бірімен қалай ойнап жатыр?

– Балалардың қолдарында қандай ойыншықтар бар? – Олардың көңіл күйлері қандай?

– Сендер достарыңмен қалай ойнайсыңдар?

(Ұ) Педагог Фариза Оңғарсынованың «Тату доспыз бәріміз» өлеңін ұсынады.

Педагог өлеңді оқып, мазмұнын түсіндіреді. Өлеңнің мазмұны бойынша сұрақтар.

– Өлең қалай аталады?

– Өлеңде не туралы айтылған? Сендерге ұнады ма?

– Сендер достарыңның қандай болғанын қалайсыңдар? – Сендер «тату достар» деген сөзді қалай түсінесіңдер? Татулық – достар арасындағы ең керемет қасиет.

Тату балалар бір­бірін тыңдайды.

Әліппе­дәптер

Ойыншықтарымен, кітаптарымен т.б. бөліседі. Ренжіспейді, тату­тәтті ойнайды.

Өлеңді бірге жаттайық. Сергіту сәті:

Достар тату­тәттіміз, Болса қолда тәттіміз Біз бөлісіп жатамыз, Бәріміз дәм татамыз.

Педагог өлеңді екінші қайтара оқиды. Балалармен қайталап, өлеңді бірге жаттайды. 3­4 балаға өлеңді жатқа айтуды ұсынады.

(Ұ) Әліппе-дәптермен жұмыс: Досыңа не сыйлайсың? Суретін салу.

Балалар педагогпен бірге «Достық ережесін» құрастырады. Жолдастарыңа көмектес.

Егер қолыңнан бір нәрсе келсе, оларға да үйрет. Жолдастарыңмен ойын кезінде өзіңе ұнайтын заттарыңмен бөліс. Егер жолдасың жаман қылық жасаса, тоқтатып, дұрыс еместігін түсіндір.

Жанжалдасудан, сөз таластырудан аулақ бол. Тату ойна, мақтанып кетпе.

Жолдасыңның жетістігіне қуан. (Т) Ойын: «Менің досым»

«Сенің досың қандай?» Мен бір балаға гүл беремін, «Сенің досың қандай?» деп сұраймын, ол гүлді алып, толық сөйлеммен өз досының қандай екенін айтып, келесі балаға гүлді ұсынады. Мысалы: Менің досым батыр, өйткені...

Менің досым әдемі, өйткені... Менің досым адал, өйткені...

Музыкалық сүйемелдеу

Әліппе­дәптер

Ойын

IV. ҰОҚ қорытындысы. Рефлексия. 28–30 мин.

Педагог қорытынды жасайды.