Тәуелсіз елдің ұланымын шығарма 6 сынып

Аты-жөні: Тлешова Дильназ Асылбековна

Ауданы: Казталов

Мектебі: Әбіш негізгі жалпы білім беретін мектебі

Сыныбы: 6

Мұғалімі : Есекенова Айнур Болатовна

Мекен- жайы: Батыс Қазақстан облысы, Казталов ауданы ,Әбіш ауылы.

Тәуелсіз елдің ұланымын

«Туған ел» деген жас жүрегімнен шыққан асыл сөзді мақтанышпен, асқақтықпен айта аламын. Ата-бабамыздың азаттық жолындағы ерен ерлігінің арқасында осынау арман еткен заманға тер төге, көп күш жұмсай жеткен елімді мақтаныш етемін. Талай жылғы ұлы дүбір , дүрбілеңнен кейін жарқын болашақтың таңы атып, еркіндік пен теңдік есігін айқара ашты . Әрине, Бұл күн оңайлықпен келмегені белгілі. Еліміздің арыстары талай жылдар басын тау мен тасқа ұрып, тар жол тайғақ кеше жүріп,еліміздің болашағы ,келер ұрпақтың бақытты ғұмыры үшін аянбай күресіп,табандылық пен асқан қайсарлық,шыдамдылық пен беріктік танытты. Барлық саналы ғұмырын ұлт мүддесіне арнаған бес арыс , Ұлы Отан соғысында елім деп жанын пида еткен қайтпас қыран алаш азаматтары , жүректері оттай жалындаған желтоқсан қаһармандары көп еңбек сіңірді. Қазір еліміз өз тәуелсіздігін алған –егеменді ел. Жаңа қадам жасап, талай баспалдақтардан өтті. Тәуелсіз қазақ елі тарихтың жаңа парақтарын жазуда.

Тәуелсіз , байтақ ,әсем Қазақстаным рухани жаңғыру үстінде. Тәуелсіз болып өз алдымызға жаңа армандар, мақсаттар қойылғалы біз әлемге танылып келе жатырмыз. Аз ғана уақыт ішінде үлкен жетістіктерге жете білдік. Арманымызға айналған елордамыз қазір де көздің жауын аларлық сондай ажарлы. Көк туымыз егемен елдің көгінде желбіреуде. Алтын қыран құсым самғап , шуақты күннің саясында, мәңгі самғаса деймін.

Мемлекетіміздің басшысы Нұрсұлтан Назарбаевтың «Болашаққа бағдар: рухани жаңғыру» мақаласының тарихи мәні ерекше. Менің ойымша әр қазақстандықты рухани жаңғырту арқылы қоғамымызды жаңғыртамыз.Тек білімі жоғары , білімге бай халық қана сыртқы әсерлерді жақсы түсініп, дұрыс қабылдап, оған жауап бере алады. Ол үшін әрине білім қажет. «Білімсіз адам –сусыз диірмен». Мен ұлт көшбасшысы атап көрсеткен бұл шаралар еліміздің дамудың жаңа деңгейіне көтерілуіне өз септігін тигізетініне сенімдімін. Себебі мен алақандай ғана ауылда дүниеге келдім.Өзі кішкентай болсада керемет балалық шағым осы жерде өтті.Кіндік қаным…