Тәуелсіз ел ұланымын тақырыбындағы 11-сынып шығармасы

« №3 жалпы білім беру орта мектебі» КММ

11«А»-сынып оқушысы

Ықылас Салтанаттың шығарма жұмысы.

Пән мұғалімі : Ескалиева Жанар

Сайлаубаевна

Тәуелсіз ел ұланымын

Отан! Қайсар ар-намысым Жайсаң іңкәр шапағым. Перзентте жүктемеген қорғанысың, Сен намыстың ну қалың орманысың Сол үшінде шыңнан заңғар атағың! Тұлғасына табындырған, Алыс жүрсем сабылтып сағындырған, Менің ұлы әкем сенсің- Отаным! – деп Мұхтар Шаханов ағамыз жырлаған Отаным –менің де алтын мекенім.

Отан… Атамекен… Атажұрт… Тарих… Бұл қай құлаққа да асқақ естілер асыл ұғымдар. Адам өмірге келіп, ес жиып, етек жия бастаған сәттен өз Отанының тарихына ден қоя бастайды… Адам адам болып жаралғаннан бері ұлан-асыр даму көшінің өн бойында жер үшін, ел үшін сан қилы дүрбелеңдер көп болған. . Батырлар жырындағы: Атам күйеу болған жер, Анам келін болған жер, Кіндік қаным тамған жер, - деген қарапайым жолдарда адамның туған жерге деген шексіз сүйіспеншілігі мен терең де ыстық сезімі тамаша бейнеленген.

Мен де – ата- бабам жырлаған Отанымныңжасперзентімін.

Мұстафа Ататүрік айтқандай, «шынжырларды балқытып, әжбен тақты күйрететін күшті нұр- ұлттық егемендігімізге қолымыз жетті». Оны мен елімнің тарихынан, сонау ауыз әдебиетінен біліп,танып келемін. Қазақ- батыр халық, ержүрек халық, намысшыл халық. Ел басына қиын – қыстау күн туғанда ерлері намыс отын жағып, туған топырағын қасық қаны қалған-

ша қорғағанына өткен тарих куә, кешегі сұрапыл заман куә.Еліміз қалай болғанда да сан ғасырлық қиын-қыстау жолдан, тар жол тайғақ кешуден өтіп, тәуелсіз елдер қауымдастығына қосылды. Отанымыз Қазақстан туралы айтарымыз да, мақтанарымыз да көп-ақ. Талай -талай қас батырлар жанын қиып, қорғап қалған, талай арулар махаббат құрбаны болған, талай өзегі өртенген өкінішті жандар мен қуаныштан жүрегі жарыла шаттанған пенде-

лердің куәгері болған қасиетті Отанымыз – Қазақстан!

Тәуелсіздік! Тәуелсіздік деген қастерлі сөз екен - ау! Шыдамадым қапасқа, Кеңшілікке қаштым. Көндікпедім матауға, Асау атша бастым. Уһ, шырқап, зымырап, Сұңқардай зулап ұшайын! Ұшайын!- деп, дүние құндылығы бостандықта екенін Сәкен Сейфуллин атамыз да жырлап өтті. Бәрінен бұрын адамның жан дүниесі, рухы мен ар - ұжданы азаттықты тілейді екен. Сол халқым өз табиғатына тән тіршілік кешкісі келсе, несі айып?

Қазақстан — тәуелсіз ел. Сол тәуелсіздік жолында қазақ бабам не көрмеді десеңізші?! Еліміздің басынан азап та, аштық та, сұм соғыс та өтті. Әсіресе, XX ғасыр қазақ халқы үшін ауыр тиіп, қайғыға толы кезеңімен есте қалды.

Ата -бабам сан ғасырлар бойы аңсап келген Тәуелсіздік таңы 1991 жылы

16 желтоқсанда арайлап атты. Тәуелсіздік — халықтың үні, ұлттың тілі мен ділі. Тәуелсіздік — халықтың тойы, елдің тойы. Қалың Қазақ, алты алаш туған күн, мерейтой.

Өз басым тәуелсіздіктен кейін туылған буынның өкілі бола тұра, бұл Егемендіктің қандай жолмен келгенін жақсы білемін.

Жарастығымыздың да, жақсылығымыздың да, тыныштығымыздың да қия-

сы, махаббатымыздың да ұясы – Қазақстан. Елдік туымыз тігілген үлкен үйіміз, алтын шаңырағымыз да осында. Тәуелсіздік – ұлттық тілдің, дәстүр-

дің, салт - сананың мызғымас тірегі, күші, алтын діңгегі, халықтың бақ жұлдызы. Тәуелсіздік – арман! Жер бетінде қанша ұлт болса, сонша арман бар. Сол арманға біздің қазақ халқы жетті. Қазіргі таңда Тәуелсіздік — барлығымыз үшін ерекше қасиетті күн. Бірліктің, ынтымақтастық пен татулықтың күні. Мемлекетіміздің тәуелсіздігі — ең алдымен халқымыздың бақыты. Алғашқы жылдарда басым мақсаттардың қатарында егемендікті нығайту, ұлттық қауіпсіздікті қамтамасыз ету, экономикадағы қиыншылық-

тарға жауап беру болған еді. Сондықтан бүгінгі күні халқымыз өткеннен қалған тарихи өнегені, отансүйгіштікті, ұлтына деген махаббатты жоғалтпай, әрі қарай жастардың патриоттық сезіміне енгізуге ерекше көңіл бөлуі керек деп ойлаймын.