Тәуелсіз Қазақстанның саяси дамуы ашық сабағы, 9 сынып

САБАҚ:

Қазақстан тарихы

Мектеп: «Ынтымақ» ЖОМ КММ

Күні:

Мұғалімніңаты-жөні:

СЫНЫП: 9

Қатысқандар:

Қатыспағандар:

Сабақ тақырыбы:

51. Тәуелсіз Қазақстанның саяси дамуы

Сабақ негізделген оқу мақсаты

(мақсаттары)

ҚР тәуелсіздік жолындағы жетістіктерін меңгерту

Сабақ мақсаттары

Барлық оқушылар: ҚР тәуелсіздік тарихын біледі;

Оқушылардың басым бөлігі: Топта, жеке мәліметтер мен тапсырмалар орындайды;

Кейбір оқушылар: Ізденіп,қосымша материалдар жинақтайды

Бағалау критерийі

Тәелсіздік жылдарының тарихын, саяси дамуын анықтайды;

Ән ұран, елтаңба,ту жайлы біледі:

Тілдік мақсат

Оқушылар: Әнұранды айтады.

Негізгі сөздер: конституция,парламент,ТМД, БҰҰ

Құндылықтарға баулу

Қазақ елінің тарихы мен құндылықтарын сақтау;

Пәнаралық байланыс:

Дүниежүзі тарихы, география, музыка

Алдыңғы оқу:

Қазақстан Тәуелсіздіктің алғашқы жылдарында

Жоспар

Жоспарланған

уақыт есебі

Жоспарланған жаттығу түрлері

Ресурстар

Басталуы

5 минут

«Жүректен жүрекке» ыстық лебіздері

Жеке, жұпта, топта жұмыс жасайды.

Берілген тапсырмаларды орындайды.

Тест парақшасы, тапсырмалар, қима қағаздар, А4 парағы

Ортасы

20 минут

«Рухани жаңғыруды құрастыр» әдісі

Мәтінмен жұмыс жасап, «Рухани жаңғыруды» жандандырады.

Мемлекеттiк тәуелсiздiк құжаттары мен нышандарының қабылдануы. Қазақстаның тәуелсіз мемлекет болып қалыптасуындағы басты міндеттердің бірі мемлекеттік нышандары мен рәміздерін қабылдау. Бүкілхалықтық талқылаудан кейін 1992 жылғы маусымда Жоғарғы Қеңестің сессиясы Республиканың жаңа мемлекеттік Туы мен Елтаңбасын бекітті. Ту авторы-суретші Шәкен Ниязбеков, Елтаңба авторлары-сәулетшілер Жандарбек Мәлібеков, Шот-Аман Уәлиханов. 1992 жылғы 11 желтоқсанда Қазақстан Республикасы мемлекеттік Әнұранның мәтіні бекітілді. Мәтінін жазғандар- Мұзафар Әлімбаев, Қадыр Мырзалиев, Тұманбай Молдагалиев, Жадыра Дарибаева. Әуенін жазғандар- Мұқан Төлебаев, Евгений Брусиловский, Латиф Хамиди (1944 жылы нұсқасы сақталды). 2006 жылдың қаңтарында «Менің Қазақстан» әнімен әнұран алмастырылады. Ән ұран: Шәмші Қалдаяқов, сөзін жазғандар: Жұмекен Нәжмединов және Елбасы Н.Ә.Назарбаев өзгерістер енгізген.

Қазақстан Республикасы Конституциясын қабылдау. 1993 жылғы 28-қаңтар күні алғашқы рет тәуелсіз де егеменді еліміздің негізгі құжаты – Қазақстан Республикасының Конституциясы қабылданды. Алайда «Еліміздің алғашқы Конституциясы күшіне енген бойда-ақ, кемшіліктерін, әлеуметтік-экономикалық және саяси үдерістің шын ахуалынан аулақ жатқандығын көрсетті. 1993 жылғы Конституция егемен Қазақстанды құрудың күнбе-күнгі қарапайым да ауыр қызметіне құқықтық негіз бола алмайтындығын аңғартты».

Қазақстан Республикасының 1993 ж. Конституциясы жаңа мемлекетте пайда болатын мемлекеттік, экономикалық өмірдің, адам кұкығы мен бостандықтарының мәселелерін толық шеше алмады. Жоғарғы Кеңестің өкілдігіне шек қойылмады. Ал мұның өзі оны Президенттің, Үкіметтің істеріне араласуына әкеліп соқты. Сондықтан қоғамдық өмірдің өзі Конституцияны қайта қарау туралы мәселені алға тартты.

Президент Н.Ә. Назарбаевтың басшылығымен жаңа Конституцияның жобасы әзірленіп, бүкілхалықтық талқыға салу үшін баспасөзде жарияланды. Талқылау барысында жоба бойынша көптеген ескертулер айтылды. Олардың ең елеулі дегендері ескеріліп, бүкілхалықтық дауыс берудің нәтижесінде 1995 ж. 30-тамызында Қазақстан Республикасының жаңа Конституциясы кабылданды. Ол 9 бөлімнен (1. Жалпы ережелер; 2. Адам және азамат; 3. Президент; 4.Парламент; 5. Үкімет; 6. Конституциялық кеңес; 7. Соттар жене сот тәртібі; 8. Жергілікті мемлекеттік басқару және өзін-өзі басқару; 9. Қорытынды және өтпелі ережелер) және 98 баптан тұрады. Жалпы ережелерде Қазақстан Республикасының президенттік басқару нысанындағы демократиялық, зиялы және біртұтас мемлекет, мемлекеттік биліктің бірден-бір бастауы халық екендігі, мемлекеттік меншік пен жеке меншіктің танылатындығы және бірдей қорғалатындығы, мемлекеттік тіл -казақ тілі, сонымен катар мемлекеттік ұйымдарда, жергілікті өзін-өзі баскару орындарында орыс тілі ресми түрде казақ тілімен тең қолданылатындығы көрсетілген.

Конституцияда адамдардың ұлтына қарамай құқықтары мен бостандықтарының тең екендігі баянды етілген. Ұлттардың теңдігі туралы ой Конституцияның барлық қағидаларында лайықты орын алған. Оқуға түсуге, қызметке орналасуға ұлтына қарап шектейтін ешқандай кедергі жок,

Қазақстан Республикасының Конституциясы — мемлекетіміздің негізгі Заңы.

Бақылау сұрақтары:

Қазақстанның Егеменді мемлекет ретінде қалыптасуына әсер еткен қандай алғышарттарды атай аласыз?

Қазақстан Республикасының ән ұранын мағыналық жағынан талдап, маңызын түсіндіріңіз?

Қазақстан Республикасы Конституциясының қабылдануының тарихи маңызы қандай?

Қазақстан қоғамындағы саяси, экономика салаларында болған басты өзгерiстер жөнінде мәтінді оқып, эссе жазыңыз.

Жобалық- ізденіс жұмысы:

1. «Қазақстандық даму жолы»: даму стратегиясы, тәжірибесі, сабағы. Дайындық және көрсетілім (презентация).

2. Сабақ - конференция. ЕҚЫҰ – Қазақстанның төрағалығы.