Тәуелсіздік – елімнің ерлік жолы 5 сынып тәрбие сағаты

«Тәуелсіздік – елімнің ерлік жолы» атты Тәуелсіздік күніне арналған

мерекелік бағдарламаның сценарийі

Өтетін жері:

Өтетін күні: 15-желтоқсан

Уақыты:

Патриоттық әндер орындалып тұрады. Фанфар. Сахнаға жүргізуші шығады.

Жүргізуші:Қайырлы күн, ағайын! Құрметті Әйтеке биліктер және аудан қонақтары!

Қазақстан халқының егеменді ел атанып, тіліміз мемлекеттік мәртебесі үстем болып, ұлттық мәдениетіміз, салт-дәстүріміз оралған Қазақстан Республикасының Тәуелсіздік күніне арналған аудандық «Целинник» Мәдениет Үйінің ұйымдастыруымен өткелі отырған «Тәуелсіздік-елімнің ерлік жолы» атты салтанатты мерекелік концертімізге қош келдіңіздер!

Жүргізуші:Уважаемые и гости района!

Районный Дом культура «Целинник» поздравляет Вас с Днём Независимости Казахстана – Великой Родины и общего дома множества миролюбивых национальностей и народностей!

Жүргізуші:Құтты болсын мерекең байтақ елім,

Халқың артты өзіңе үлкен сенім.

Өзің барда ап-айқын келешегің,

Өзің барда күнде той мерекелі,-

дей келе алдарыңызда облыстық халық шығармашылығы Үйі сіздерді Тәуелсіздік күнімен баршаңызды құттықтай отырып, сахнаға Орынбор қаласында Бүкіл Одақтық фестивальдің лауреаты, Ш.Қалдаяқов атындағы облыстық фестивальдің лауреаты, әнші

Ешпанова Амангүлдің орындауында Н.Тілендиевтің әні «Саржайлау».

Ән орындалады.

Жүргізуші:Қазақтың шіркін, әні қандай,

Әуені жан тербеткен сөзі балдай

Әншілер кешке шейін ән шырқаса,

Тыңдайтын қанша айтса да төзім қалмай,- келесі тыңдайтындарыңыз Бақытбек Серікбаевтың әні «Қазақстан» орындайтын Түркияда өткен өнер фестивалінің лауреаты, облыстық «Жас дәурен-2009» фестивалінің лауреаты Серікбаева Қуанышгүл.

Ән орындалады.

Жүргізуші:Биші деп туылғандай сұлу сымбат

Онда жоқ биді тыныш тұру тыңдап

Білегі толқынданып, белі ырғалып,

Алады өн бойымен ырғап-ырғап,- алдарыңызда Облыстық «Әлия мәңгілік» атты бишілер байқауының лауреаты «Акцент» би тобының орындауында қазақ биі «Сағым дала». Би биленеді.

Жүргізуші: Здравствуй, Актобе!

Здесь моя Земля

Это – Мой Казахстан

Песня «Мой Казахстан» исполняет Умаров Асылхан

Ән орындалады.

Жүргізуші:Естісін әлем шаттық күйімізді,

Түсінсін достар таза жанымызды.

Жалынды біз жастармыз туған елге,

Арнаған бойда қуат барымызда,

«Жазира» халықтық ұлт-аспаптар ансамблінің жетекшісі, облысымызға танымал солист Толыбеков Мырзағалидің орындауында румын халық әуені «Бозторғай».

Күй орындалады.

Жүргізуші:Құрметті жиналған қауым! Бейбіт тірлігіміздің шырқы бұзылмай, егемендігіміздің тұғыры берік, мәртебесін бүкіл әлем елеген кең байтақ қазақ халқының бақ жұлдызы жанары хақ. Ендеше, облысымызға белгілі, «Жазира» халықтық ұлт-аспаптар ансамблінің әншісі Әленова Құралайдың орындауында Нұртуған термесі «Азамат болсаң аяулы» әнімен қарсы алыңыздар!

Ән орындалады.

Жүргізуші:Егеменді ел болсақ деп талпынып, дүниені дүр сілкіндіріп желтоқсан бастауы ғасырлар қойнауынан жалғасып келе жатқан ұлы тарихтың бір белгісі.

Иә, Желтоқсан – Тәуелсіз! Егіз ұғым сияқты,

Кеуделерден әуен шалқып, күй атты

Тәуелсіздік таңынан біз көреміз

Алда тұрған асыл арман, мұратты,

Сіздерге арнап Ә.Тінәлиевтің «Желтоқсан желі» әнін орындайтын Серікбаева Қуанышгүл.

Ән орындалады.

Жүргізуші:Сен неткен Қазақстан ғажап едің,

Әспеттеп көркем тілмен жазар едім.

Болашақ ұрпағыңның бақыты үшін.

Жайнай бер, Ұлы Отаным – Қазақ елім!

Сіздердің алдарыңызда Республикалық, Халықаралық байқауларының лауреаты Бекболсын Жәнібектің орындауында Ескендір Хасанғалиевтің әні «Атамекен».

Ән орындалады.

Жүрг. «Акцент» би тобының орындауында қазақ биі «Шаттық».

Би биленеді.

Жүргізуші:Тәуелсізбін!

Таңым атты арайлы.

Арманына ел қол жеткізді талайға,

Тәуелсіздік қазағыма дем беріп,

Уақыт бізге күлімсіреп қарады.

Алдарыңызда «Жазира» халықтық ұлт-аспаптар ансамблінің әншісі Әленова Құралайдың орындауында Нұртуғанның термесі «Құлақ салып сөз тыңда».

Терме орындалады.

Жүргізуші:Еліміздің егеменді ел болып, еңсесін көтеріп, өз алдына отау тігуінің арқасы ұлттық теңгеміз.Ұлттық теңгеміз Қазақстан Республикасының экономикасын нығайып, тұрақтануына кепілдік береді. «Теңге туралы» орындайтын Амангүл Ешпанова.

Ән орындалады.

Терме орындалады.

Жүрг.:Достық пен татулықтың туын тіккен, бірлікпен үндесіп, жүрекпен тілдескен Тәуелсіз еліміздің шаңырағында көптеген ұлттар бірге тату-тәтті өмір сүруде. Олай болса, Толыбеков Мырзағалидің орындауында орыстың халық әуені «Коробейники»

Күй орындалады.

Жүргізуші:Төгілген терең тыныс өрнек етіп,

Шырқалсын, болса шебер тілің жетік.

Қырандай қияға ұшқан еркін самғап.

Не жетсін ән салғанға термелетіп! -

«Жазира» халықтық ұлт-аспаптар ансамблінің термешісі Серікбаева Қуанышгүлдің орындауында М.Мақатаевтың «Болашаққа өсиет термесі.»

Терме орындалады.

Жүргізуші:Аққудай өрнек салған көл бетіне,

Бишілер билеп кетсе тербетіле.

Бұралып тал шыбықтай тұла бойы,

Шаттықпен күлкі үйірілер келбетіңе, -

«Акцент» би тобының орындауында қазақ биі «Аққу», қарсы алыңыздар!

Би биленеді.

Жүргізуші:Далам үшін қызба қан халқым үшін,

Жарық үшін кеңейткен жан-тынысын,

Саған, Қазақстаным, ғашықпын мен,

Әншіл, сәншіл, бәйгешіл салтың үшін,-

Умаров Асылханның орындауында «Ән басы» әні.

Ән орындалады.

Жүргізуші:Далада думан, қалада думан жыр бүгін,

Ғасырлар бойыаңсай да күткен бұл күнім.

Жасай бер, жаса, асқардан аса әрқашан,

Кеудеме әкеп қондырған бақыт бұлбұлым,

Тәуелсіз Қазақстаным! – алдарыңызда Ешпанова Амангүлдің орындауында Жаудыр Артықбаевтың әні «Қазағым».

Ән орындалады.

Жүргізуші:Кең байтақ көз жетпейтін жерім менің,

Таулы орман, жасыл жайлау, көлім менің.

Бүгінде бар әлемге даңқың жетті,

Тәуелсіз Қазақстан – елім менің! – Нұрғиса Тілендиевтің әні «Өз елім» орындайтын Жәнібек Бекболсын.

Ән орындалады.

Жүргізуші:Қай халықтың болса да тағдырына бағышталған тарихи ғұмырында тауқыметтер тасқыны да аз болмаған. Тұлғасы тұтас азаттығы мен бостандығы әманда қымбатты да, қастерлі. «Акцент» би тобының орындауында «испан биі».

Би биленеді.

Жүргізуші: 18 жыл Тәуелсіз елміз, бұл – 18 асу,

Болашақтың ірге тасын қаласу,

Алыс-жақын елдерменен жарасу

Ұлы тарих көшіменен әрі асу,-

Алдарыңызда Жәнібек Бекболсынның орындауында «Қазақ жігіттері»

Жүргізуші:Қасиетті Ақтөбе өңірінің жұртшылығы, баршаңызды тағы да бір мәрте Еліміздің Тәуелсіздік мерекесімен құттықтаймыз. Барлығыңызға Тәуелсіздігіміздің тұғыры берік болып, көк байрағымыз ашық аспан аясында мәңгі желбіресін!

Осымен Облыстық халық шығармашылығы Үйінің ұйымдастырған мерекелік концертіміз аяқталды.

Біз сіздермен қоштаспаймыз, келесі кездескенше сау болыңыздар!

Бұл – тарлан тарихтың, жасампаз бүгінгі күн мен жарқын болашақтың көкжиектерін үйлесімді сабақтастыратын ұлт жадының тұғырнамасы.

Біз жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қасиеттерді қайта түлетуіміз керек.

Прагматизм – өзіңнің ұлттық және жеке байлығыңды нақты білу, оны үнемді пайдаланып, соған сәйкес болашағыңды жоспарлай алу, ысырапшылдық пен астамшылыққа, даңғойлық пен кердеңдікке жол бермеу деген сөз. Қазіргі қоғамда шынайы мәдениеттің белгісі – орынсыз сән-салтанат емес. Керісінше, ұстамдылық, қанағатшылдық пен қарапайымдылық, үнемшілдік пен орынды пайдалану көргенділікті көрсетеді.

Еліміздің Тәуелсіздік жылнамасы жазыла бастағанына небәрі 25 жыл болды. Бұл – тарих тұрғысынан қас қағым сәт десек те, еліміз үшін ғасырға бергісіз кезең. Әрине, жасалған жұмыстардың маңызы мен ауқымына ешбір күмән жоқ

16 желтоқсан- Тәуелсіздіктің 26 жылдығына арналған

шараның сценарилық жоспары:

Фанфар

Жүргізушілердің шығуы

3. «Қазақ биі»

4. Астана тарлы айтылады. Құрманғазының күйі «Сарыарқа»

5. Жүргізушілер сөзі. «Астана» әні

6. «БІРЛІК Концерттік (патриоттық) номер

7. СПОРТ Жүргізушілер сөзі. Алаңда спорттық көрсетілімдер.ЭКРАНДА

8.Әйтеке биауданы туралы Видеоряд.Жүргізуші тексті.

9. «УАҚЫТ.ЗАМАН.ЭКСПО» Жүргізуші сөзі видеоряд.

Патриоттық тақырыптағы ән

12. МАРАПАТ

Құттықтау сөз. (Аудан әкімі М.Ибрашов)

Марапат

13. Финал. Қазағым

Мерекелік от шашуларды жарқырату

Жүрг.шығуы.Аяқтау

Предварительная программма «Действа»

Место проведения: г.Актобе ДС «Коныс»

Дата и время проведения:

Дворец спорта празднично оформлен, согласно утвержденным эскизам художника.

Установлена сцена, смонтировано светозвуковое оборудование.

Действие на сцене поддерживается участниками массовки именуемой далле «полем». Под куполом Дворца смонтирован лед-экран.

Звучат позывные. ЗТМ.

ПРОЛОГ.

ЖЕР АНА (Пролог)

(Музыка фонымен)

Ана: О, Жер – Ана! Біз сенен түлеген түлектеріңізбіз ғой, Жер Ана! Жомарт Ана, Жер – Ана , тер төккенге көмегіңді бер, Ана! Тілеулес бол, ел-жұртыңа! Ей, Жер-Ана! Қара топырақта өсіп-өніп,сенен қуат алдық!

Жер-Ана: Иә, мен ештеңені ұмытқан жоқпын! Өйткені, сендер өткен тағдыр,менің тағдырым....

Мен сіздерге өмір сыйладым....

Мәңгілік Ел, Мәңгілік Ел перзенті,ұрпақ сыйладым....

Ана: Қасиетті Жер Ана алып күнді айналып жүретін ғаламшардың ең құдіреттісі, сен, Жер-Ана!

Салтанат... орындауындағы ән

Хореографическая композиция «КОШ»

(Ілезде қобыз сарынының фонына)

Дауыс: Қаратаудың басынан көш келеді,

Көшкен сайын бір тайлақ бос келеді.

Ел-жұртынан айырылған жаман екен,

Қара көзден мөлтілдеп жас келеді.

1-жүргізуші: Қазақ Елі-мың өліп, мың тірілген халық. «Ақтабан шұбырынды, дүниенің қорқынышты шөлі-Тәкла Маханнан өткен», «Дүниенің дуалы» Гималайдан өткен,Үндістан, Пәкістанда ыстығы мен обасына шыжғырылған. «Елім-ай» деп зар салған қай халық?». Әрине – ҚАЗАҚ!

Қазақта Елінің бір кездегі «Елім-айлаған» зар мұңы, бүгінде «елім менің» аңсаған Мәңгілік елінің үкілі үмітіне оранды.. Ең алғаш көтерген азаттық шаңырағы талайлардың тауқыметін көтеріп, касіретін шексе де, қасиетін жоғалтпады... Мұның сыры неде?...

2-жүргізуші: Алаштың «Жауға жаныңды берсең де, жеріңді берме, өзіңді берсеңде, еліңді берме» ұран қылған асылдарымыздың арқасы. Тәуелсіздікті аңсаған Қабанбай, Махамбет пен Исатай, Сырым «Ұлтым жоғалмасын, ұраным өшпесін!Ұрпағым жансын!» Бұл арман бүгін орындалды. Ұлы Дала атанған жаңа Қазақстан «Мәңгілік Ел» жалпыұлттық идеясына ие болды. Бұл Ел мен Елбасының тұтастығын дәріптейтін тәлімдік қасиет. Билік мақсаты: байыпты, бағыты бар ел ешқашан адаспайды. «Қалыптасқан мемлекетке лапылдаған Отансүйгіштікпен, Ерен еңбек пен бірауыздық бірлікпен жетпекпіз».

Бағзы заманда «Елім-ай» әні халықтың қайғысын жеңілдету үшін айтылса,бүгінде ол «ел» сөзі мен ұғымы мәңгіліктің бастауын,әрі бағытын көрсетеді.Бұл сөздің нұсқасы –Халық. Қазақ «Жер мен халық қартаймайды» деп бекер айтпаса керек.

Ендеше, Бүгінгі Отаншылдық – төзім,

Бүгінгі Ерлік – сабыр.

Бүгінгі Елдік – тыныштық!