Тәуелсіздік таңын атырған Желтоқсан тәрбие сағаты

Тәуелсіздік таңын атырған Желтоқсан

1- жүргізуші: Тыңда жолдас, тыңда дала, тыңда ел! Сөйлеп тұрған күншығыстан жомарт өңір Қазақстан! Жұмыр жердің оңтүстік шығысында еркін көсілген байтақ өлке- менің елім келбетті, нұр сәулетті – Қазақстан!

2 жүргізуші: Тәуелсіздік түскен жоқ қой аспаннан Тарихы оның тым әріден басталған. Бостандықтан құтқарам деп елімді Талай боздақ қара жерді жастанған! Армысыздар құрметті ұстаздар, студенттер, қонақтар. Тәуелсіздіктің 20 жылдық торқалы мерейтойы құтты болсын Қазақ елі! (Ән: «Қазақтай ел қайда»)

1- жүргізуші: Бүгінгі тәуелсіздікке халқымыз оңайлықпен жеткен жоқ. 1986 жылғы жастар ерлігі дүниені дүр сілкіндірді! 1986 жылы Желтоқсанда отты оқиға болды, елдің егемендігін аңсаған жастар алаңға шықты. Ол оқиға қалай басталып еді?

2 жүргізуші: 1986 жылы 16 желтоқсан жергілікті уақыт 10.00. Қазақстанның жаңа тарихының басталуы мен болашағының жол айрығы болған Республиканың Орталық Комитетінің V пленумы өтті. Осы пленумды партия ұйымын 26 жылдан астам уақыт бойы басқараған Д. А. Қонаев ашып, сөді Мәскеуден келген төтенше уәкіл Г. П. Разумовскийге берді. Ол Д. А. Қонаевтың орнына Қазақстанды көріп- білмеген, әрі оның ішкі- сыртқы саясаты мен экономикасынан баспасөз дәрежесінде ғана үстірт мағлұматы бар Г. В. Колбинды бір ауыздан сайлады. (ән: «Желтоқсан желі»)

1-жүргізуші: 1986 жылы 16 желтоқсан қазақ халқы

үшін қасіретті күн болды. Бұл бодандыққа қарсы бұлқыныс болды. Қайта құру, әлеуметтік пен теңдік сөз жүзінде жарияланғанмен бұл кезде тоқыраудың таңы құрсап, демократия әлі орныға қоймаған еді. Жауыздықтың қыры да,сыры да көп. Оның бірі алаңға ақпейілмен шығып, адамгершілікті талап еткен студенттер мен жұмысшы жастарды империя дертімен уланған жазалаушылар аса қаталдықпен жаншты. Оның құрбандары, Қайрат Рысқұлбеков, Ербол Сыпатаев, Ляззат Асанова, Сәбира Мұхамеджановаларды бүгінде артында қалған ел ұмытпайды. Боздақтарымызды 1 минут үнсіздікпен еске алайық!

2-Жүргізуші: ( күй ойналып тұрады)

Жас арудың жанарында- Желтоқсан, Қанды ғасыр табанында- Желтоқсан. Қаралы өмір қайыстырған халқының, Қара тұман қабағында – Желтоқсан! Жауыздықты жасқаған да- Желтоқсан, Жазықсыздың көз жасына жуынып, Абақтыға тастағанда –Желтоқсан Намысымның шырағы да –Желтоқсан Сұрқай өмір сынығы да –Желтоқсан Жігіттіктің ұраны да –Желтоқсан Жаңа күннің шуағы да –Желтоқсан!!! (орындарына отырады) Шымылдық ашылғанда сахнада Ляззаттың бейіті. Бейіттің ар жағынан аруақ бейнесіндегі Ляззат шығады. Бейіт үстінде Ляззаттың басы мен иығы көрініп тұрса болады. Ляззат: Жиырма жыл бойы мен жатырмын, Ақжазықтың түбінде. Мені өлтірген танкист жігіт, Тірімісің бүгінде?