Тәуелсіздік таңын атырған Желтоқсан 2 сынып

Тақырыбы: Тәуелсіздік таңын атырған Желтоқсан! Мақсаты : 1. Білімділігі: Оқушылардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру. Тәуелсіздік күні туралы терең мағлұмат беру. Тәуелсіздік үшін күрескен, желтоқсан құрбандарын еске түсіріп, желтоқсан құрбандарының ерлігі жайында түсіндіру. 2. Тәрбиелігі Оқушыларға патриоттық тәрбие беру, Отанды сүюге және ерлікке баулу. Желтоқсан оқиғасында ел қамын жеген ерлерді үлгі тұту, өнеге алуға және халқының тарихын білуге үйрету, достыққа, ұйымшылдыққа тәрбиелеу. 3. Дамытушылығы: Оқушылардың ізденімпаздық қасиеттерін қалыптастыру, өткен тарихқа деген қызығушылығын ояту. Тәрбие сағатының көрнекілігі: 1. Қазақстан Республикасының мемлекеттік рәміздері: Туы, Елтаңбасы, Әнұраны, Н.Ә. Назарбаевтың портреті, слайд, желтоқсан құрбандарының суреті 2. Нақыл сөздер жазылған плакаттар 3. Шарлар, гүлдер, музыкамен жабдықталған. Мұғалім: Құрметті ұстаздар, ата-аналар, оқушылар ! Бүгін біз дүниені дүр сілкіндірген, тәуелсіздік туын ең алғаш көтерген әйгілі 1986 жылдың 16 желтоқсанына арналған «Тәуелсіздік таңын атырған Желтоқсан!» атты тәрбие сағатымызды ашық деп жариялаймыз.

1-жүргізуші: Қазақстан!

Туымен тұғырлы, Елтаңбасымен еңселі,

Әнұранымен айбатты!

2 жүргізуші: Тойланып мың мереке , ұлыс күні Құйылған шаңырақтың ырыс нұры. Халқымның бақыты үшін аз байлық па? Тәуелсіздік еліміздің тыныштығы.

Жақсы олай болса алдарымызда жатқан парақтағы тапсырманы қарайықшы, бұл ребусты шешіп көрейік

Тәуелсіздік дегенді сендер қалай түсінесіңдер?

/Желтоқсан желі бейне баян ұсынылады/ -Балалар, бұл бейнебаяннан не көрдіңдер? -Неге желтоқсан желі ызғарлы? -Жастар қайда шықты? -Жастарды тыңдады ма? -Неге оларды ешкім тыңдаған жоқ?

Лашын: Тәуелсіздік түскен жоқ қой аспаннан Тарихы оның тым әріден басталған. Бостандықтан құтқарам деп елімді Талай боздақ қара жерді жастанған!

Жәнібек: Шала жансар қар астына көмгені, Тәуелсіздік ата-баба арманы Қандай елмін бүгін міне, көр мені, Алаулайды мүмкін емес сөнбегі

/Желтоқсан құрбандарын еске алу 1 мин үнсіздік/ Адель: Желтоқсан айы естесің, Дауыл боп бұрқап ескенсің. Азаттық күйі қашаннан, Көкейін елдің тескенсің

Мариям: Шектеліп ана тіліміз, Оқылмай өлең жырымыз, Жабылып жатса мектептер, Жадырар қалай күніміз

Ерасыл: Тарылып жатса даламыз, Қайтіп біз тыныс аламыз, Қақымыз жоқ айтуға, Әділет қаәдан табамыз

Айым: Бұрқ етті қазақ баласы, Кеудеде өршіп наласы, Алаңға қарай ағылды, Таусылып барлық шарасы

Әйгерім: Тәуелсіздік оңайлықпен келмеді, Бізге оны ешкім аяп бермеді, Тәуелсіздік-Қайрат, Ләззат, Ерболдың,

Тас көшеде тас талқан боп өлгені Мансұр: Ұланымын елімнің, Мен оқушы баламын. Болам жәгәт зор әлі, Қазақстан жалауын Көтеремін жоғары

/ Шахнұрдың орындауында Көк тудың желбірегені / -Қазақстан Республикасының тұңғыш президенті? -Қазақтың қандай батырларын білесің? -Әнұранның авторлары? -Қасқалдақтай қаным бар, Қазақ деген затым бар. ”Еркек тоқты - құрбандық”, Атам десең атыңдар!-деген өлең жолдарын кім айтқан? -Қазақстан Республикасының Туының авторы кім? - Қазақстан Республикасы өз тәуелсіздігін қашан алды? -Қай қалада банктік фабрика бар? -Теңгенің неше қорғаныш дәрежесі бар? -Ұлттық теңгенің ерекшелігі -Ұлттық валюта қай жылы шығарылып, айналымға түсті? -Елтаңбаның авторы кім? -Желтоқсанның құрбандары -Тіл туралы заң қашан қабылданды? 3-бөлім Ұрпақтар үндестігі Мадина: Тәуелсіздік қазақтығы қазақтың, Тәуелсіздік жойылуы азаптың, Биіктей бер асқатап жомарт халқым, Өркендей түс аяқталды тозақ күн!

Шахнұр: Мен қазақпын, мың өліп, мың тірілген, Мақтанамын анам туған тілім мен, Дүниеге жар саламын айқайлап, Сәби жүрек пәк періште үніммен

Мен қазақпын, ұлылардың көзімін, Абай, Мұхтар, Баукеңдердің сөзімін, Жеткізімін жауқазындай жырыммен