Тәуелсіздік – тәу етер жырым менің әдеби жинағы

Тәуелсіздік- тәу етер жырым менің

«Қазақтың бүкіл тарихы – бірігу тарихы, тұтастану тарихы. Қазақ тек бірігу, бірлесу жолында келе жатқан халық» Н.Ә.Назарбаев.

Қазақ дейтін менің бар елім, Жатыр алып жарты дүние әлемін. Бұл даланы анам жаспен суарған, Бұл далаға жылап келіп қуанған,

- деп Қасым Аманжолов ағамыз жырлағандай, кең байтақ жерімізде қазақ халқының басынан не өтпеді десеңізші. Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді.

Иә, Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 27 жыл ішінде Тәуелсіз Қазақ елін қалыптастырып, нарықтың қиын өткелдерінен аман өтіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Президентіміз Нұрсұлтан Назарбаевтай көреген саясаткердің ерен еңбегін дәл бүгін және әрқашанда айтып өтеміз.Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата – бабаларымыз ғасырлар бойы армандап, аңсаумен өтті.

Еліміздің Тәуелсіздік мерекесі қарсаңында мектептің «Жас қаламгер» үйірмесінің оқушыларының балапан қауырсын шығармашылығын ортаға салып, ой өрбіткенді жөн санап отырмын.

Тәуелсіздік

Тәуелсіз Қазақстан туған елім,

Тәуелсіз болсын қазақ жерім.

Тұрсақ екен еліміз аман болып,

Мерекең құтты болсын, байтақ елім!

Қазағым, кең даладай, жомарт елім,

Өзіңмен мақтанамын ерен елім.

Көркейіп гүлдене бер, қанат жайып,

Тұғырың биіктесін, Алаш елім!

ЖББОМ № 65 Сарыбай Ералы 7 сынып

Егемен елім

Бақытқа жетелеген Егемен ел,

Тәуелсіз күнің туды кенеле бер.

Мерейің құтты болсын, алты Алашым,

Ғасырлар тойы болшы келе берер!

Мерекең құтты болсын,Тәуелсіз ел,

Терезең барлық елмен тең ерен ел.

Бабалар мәңгі бақи аңсап өткен,

Теңдікті, бостандықты иеленгендер.

Нұрсұлтан- мақтанышым, алып тұлға,

Әлемнің назары ауды Ақ ордаға.

Бәйтерек көк аспанмен астасқанда,

Ұқсайды-ау менің асқақ арманыма.

Мерекең құтты болсын, Тәуелсіз ел,

Айдын көл, көк майсалы, көрікті жер.

Бостандықты аңсаған бабалардың

Әруағына бас ұрып, тәу еткен жер.

ЖББОМ № 65 Сарыбай Ералы 7 сынып

Тәуелсіздік- тұғырым

Талай боздақ арман еткен,

Азаттығын елімнің.

Ата –бабам қорғап өткен,

Топырағын жерімнің.

Тәуелсіздік тұғырлы боп,

Гүл жайнасын жеріміз.

Заманымыз тыныш болып

Жасай берсін мәңгілік!

Біз, Қазақ елі, Тәуелсіз елміз. Қазақстанда тұратын өзге ұлт өкілдерімен тату- тәтті, бір атаның баласындай түсіністік танытып, бір шаңырақтың астында бейбіт өмір сүріп жатырмыз. Еркін, бейбіт, тәуелсіз елміз. Көк байрағым желбіреп, туған жерім жылдан жылға көркейіп гүлденуде.Біздің елде аса мол мұнай қоры, қазыналы көмір және басқа да жер байлықтары бар. Біздің халқымыз өте еңбекшіл халық. Қазір олар қажырлы еңбек етіп, тәуелсіз еліміздің қарқынды дамуына мол ықпалын тигізуде.Біздің ұстаздарымыз жыл бойы ерінбей білім береді және жақсылыққа баулып, отаншылдыққа, адамгершілікке тәрбиелейді.Елбасымыз Нұрсұлтан Әбішұлы Назарбаевтың басшылығымен аз жылдың ішінде еңсемізді тіктеп, дамудың даңғыл жолына түстік. Қасиетті қазақ жерінде кіндік қаным тамып, білім алып, бақытты өмір сүріп жатқаныма қуанамын.

Біз бейбіт өмір сүріп, бақытты балалық шақтың бал дәмін татып, мектепте білім алудамыз. Біз қайсар рухтың жемісіміз.Ертеңгі болашақты ойлайтын да Біз, бүгінгі жас ұрпақ. Көк байрағым желбіреп, алаңдамай өмір сүріп жатырмыз.Біз еліміздің түрлі саладағы жетістіктерін білеміз. Тәуелсіздікті алғаннан бері әділдікті, қайсарлықты біліп алға қарай адымдап келеміз. Білім алып, биік сапаға қол жеткізуіміз керек. Елордамыз- Астанамыз күннен…