Тәуелсіздік ұлы дала ұрпақтарына аманат 8 сынып

8 «А» сынып оқушыларының Тәуелсіздікке арналған ашық тәрбие сағатының жоспары.

Тақырыбы: «Тәуелсіздік – Ұлы дала ұрпақтарына аманат »

Мақсаты: Оқушыларға тәуелсіздіктің тарихын ұғындыру және жеткен жетістіктерімен таныстыра отырып, Отанды қадірлей білуге .

Білімділік: Жас жеткіншектерді еліміздің тәуелсіз алғалы жеткен табыстарымен таныстырып,білімдерін нығайту.

Дамытушылық:Тәуелсіздік тақырыбында оқушылардың сөздік қорларын,тіл байлықтарын арттыру және ой-өрістерін кеңейту.

Тәрбиелік: Өз елін, жерін қорғап, оны ойлай білетін ұлтжанды, ойын айқын жеткізе алатын толыққанды тұлға етіп тәрбиелеу.Көрнекілігі: «Тәуелсіздік» туралы баннер, бейнебаян, слайдтар, т.б. Әдіс-тәсілдері: баяндау, сұрақ-жауап, пікір алмасу.

Барысы:

1-жүргізуші: Адам баласы, адамзат қоғамы қашанда алдағы болатын оқиғаны әрі аңсай, әрі абыржи тосқан ғой. Төңірегімізге осы тұрғыдан көз тастасақ, көкте бір Тәңірге, жерде бір өзіне ғана сеніп, көрмес жарықты көріп, бұйырмас ырзықты татып, сүйгізген ұрпағын сүйіп, өлшеулі ғұмырға пейіл болудан басқаның бәрі күпірлік екендігіне көзіміз тегіс жете бастағандай. Оған да «шүкір» дейміз. Көңілге медет қыларымыз тек бір бұл емес. Ең бастысы, жаңа ғасыр мен жаңа мыңжылдыққа егемен ел, тәуелсіз ұлт болып аттадық. Бұған жеткен де бар, жетпеген де бар. Осылайша, біреуді көріп, шүкір етіп, біреуді көріп, пікір ету үшін де өткенге ой, бүгінге көз жіберуге тура келді. Ол үшін, ең алдымен, бір сауалға – бұл күнге қалай жеттік? – деген сауалға жауап іздеуіміз қажет сияқты. Тәуелсіздікке қалай жеткеніміз туралы бейнебаян көрсек. Екі жүргізуші шығады. 1-жүргізуші: Армысыздар,құрметті ұстаздар,оқушылар! 16- желтоқсан «Тәуелсіздік» күніне орай арналған 8 « А» сыныбының «Тәуелсіздік» – Ұлы дала ұрпақтарына аманат» атты ашық тәрбие сағатына қош келдіңіздер! 2-жүргізуші: Қайырлы күн, Тәуелсіз мәңгілік қазақ елінің азаматтары! Ата-бабамыз арман еткен, өз өмірін қия отырып, алып берген тәуелсіздігіміз баян

Ұлболсын:Мен – қазақпын, мың өліп, мың тірілген, Құшақ жая таныстым сан тіліммен. Жаман үйді қонағы билейді деп, Қала жаздап айырылып өз тіліммен. Өзге тілге еліктеп ел болмайық, Қазағымның артық жоқ өз тілінен. Мен – қазақпын, мың өліп, мың тірілген, Жөргегімде таныстым мұң тіліммен Жылағанда жүрегім күн тұтылып, Қуанғанда күлкімнен түн түрілген. Жанартаудай жойқынмын жұлқынғанда, Шарықтасам, қыран боп қырға шықтым. Ғани: Мен – қазақпын, биікпін, байтақ елмін, Қайта тудым өмірге, қайта келдім. Мен мыңда бір тірілдім мәңгі өлмеске Айта бергім келеді, айта бергім. Ұлы аманат етейін еркіндікті, Ел құлдықты білмесін жер кіндікте Аңсаймын мен сенемін туады ертең, «Қазақ болу» зор бақыт күндер тіпті. Арсен: Өлеңнің сөз маржанын терейінші, Алқадан сөз бастап бір берейінші. Қазақтың мың толғаған күйі болып, Қобыз боп құлақтарға енейінші. Бабалар армандаған – тәуелсіздік, Ақындардың жырлағаны – тәуелсіздік. Еркіндік, елдік берген – тәуелсіздік. Ұрпақтарға аманат – тәуелсіздік. Жансая:Тәуелсіздік елімнің сөнбес шырағы, Сарқылмайтын қазағымның бұлағы. Тәуелсіздік – қасиетті ұғым, ұлы сөз, Көк аспанда қалықтаған қыраны. Тәуелсіздік – баршамызға жарық күн, Тәуелсіздік – баршамызға тыныш түн. А

Толғанай: Келді алдыңа алыстағы азат күн, Өзіңді өзге елдің шырмауынан босаттың. Намысыма тиме менің адамзат, Өйткені мен қайсар жүрек қазақпын. Еңсеңді көтер, жазира дала жерің бар, Туыңды көтер болашақпен жастарға деген сенім бар. Түспесін сенің еңсең мен туың әрқашан, Өйткені, тәуелсіз Қазақстан деген елің бар. 1-жүргізуші: «Еліңнің ұлы болсаң, Еліңе жаның ашыса, азаматтық намысың болса, қазақтың ұлттық жалғыз мемлекетінің нығайып — көркеюі жолында жан теріңді сығып жүріп еңбек ет. Жердің де, елдің де иесі өзің екеніңді ұмытпа!» дейді Елбасымыз Н. Ә. Назарбаев 2-жүргізуші: Бір қаламның ұшымен жазылып, барша қауымның жүрегіне орнаған, бір ауыздан айтылып, кең өлкемді шарлаған осынау бір ыстық сөз, ыстық көңіл лебізі бүгін ғана емес, бар уақытта да қан тамырымыздың лүпіл — бүлкіліндей естіледі бізге. Иә, бұл – бүкіл қазақ жұртының, дүйім Қазақстан елінің қызу құштарлықпен, сарқылмас сүйіспеншілікпен айтар, ардақ тұтар асыл лебізі - тәуелсіздік сөзі. Ал енді 8 «А» сынып оқушыларының дайындаған көрінісне назар аударсақ.

Көрініс. (Ақырын басып бір қарт шығады. Орындыққа келіп демалып отырады. Осы кезде немересі шығады). Немересі: Ата, не ойлап отырсыз? Атасы : Ә,балам, атаң не ойламайды дейсің? Сенің болашағыңды ойлаймын, еліміздің болашағы жайлы ойлаймын, қуанамын! Немересі: Ата, «өткен өмір» деген не? Атасы: Ә, балам «өткен өмір» деген сонау ата-бабаларымыздың ерте кезден бері өткен өмір жолы, тарихы. Немересі: Ал ол қандай болған? Атасы: Ендеше тыңда балам, атаң бір сөйлесін. Сонау ерте кезде біздің ата-бабаларымыз 29 қазақ руының басын қосып, Жәңгірді хан сайлапты.Сөйтіп ол өлер шағында ұрпақтарына мынадай аманат қалдырған екен. Атасы: Анау тұрған жебені әперші.Мә сындыр.(Біреуін сындырады. Екіншісін береді,сындырады. Үшеуін зорға сындырады, төртеуін сындырады, бесеу бергенде сындыра алмайды). Атасы: Не ұқтың, балам? Немересі: Ата, бір жебе жалғыз –оңай сындырдым.Екіншісін де сындырдым.Бесеуін сындыра алмадым.

Атасы : Иә, сонымен не айтарсың?

Немересі: Ата, ол бірігіп өмір сүріңдер деген өсиетіңіз шығар.

Атасы:Иә, балам дұрыс айтасың. Бірлік түбі –береке, Береке түбі-мереке. Ақ білектің күшімен, Ақ найзаның ұшымен, Ел болуды ұстаңдар.

Ендігі кезекте әсем әнге берейік. Ұлболсын орындауындағы «Туған Жер» әні 1-жүргізуші: Келді алдыңа алыстағы азат күн, Өзіңді өзге елдің шырмауынан босаттың.…