Тәуелсіздіктің жетістігі жастар мақаласы қазақ әдебиетінен

Тәуелсіздіктің жетістігі - жастар

Қазақстан Президентінің «Болашаққа бағдар: рухани жаңғыру» атты бағдарламалық мақаласын зер сала оқып шыққан әр адамның жарқын болашаққа деген сенімінің арта түсетіні анық. Аталған мақалада Елбасы халқымыздың болашағы туралы кемелді ойларын жүректен өткізе отырып, толғана баяндайды. Ол халқымыздың бүгіні мен ертеңі туралы келелі ой қозғап, игі мақсаттарды анықтап, оған бастар жолды саралап берді. Еліміздің жас ұрпақты білім мен ғылымға баулып жүрген ұстаздар қауымы үшін аталған мақаланың әсіресе «Білімнің салтанат құруы» атты бөлімінде айтылған ойлардың маңызы зор. «Білімді, көзі ашық, көкірегі ояу болуға ұмтылу – біздің қанымызда бар қасиет»-деп Елбасы атап өткеніндей халқымыздың білімге деген құштарлығына айқын дәлелдер жетерлік. Шешілуі қиын небір дауларға нүкте қоя білген бабаларымыздың шешендігінің өзі терең білімнен бастау алады. Алысқа бармай-ақ берідегі ақындарымыздың өлеңдеріне үңілсек, жастарды оқу-білімге шақырып, оның пайдасы туралы сөз қозғайды. Шынында да, ата-бабамыз білімді жоғары бағалаған. Білім өткен ғасырда да жоғары бағаланған және бүгінгі күнде де ең маңызды күш болып саналады. Белгілі ақын Сұлтанмахмұт Торайғыров оқу-білім туралы былай жырлады:

Бүгіндегі жастарға оқу міндет,Тек кана оқуменен өнер білмек,Өнер-білім, адалдық, ар-намыстыЖоятын надандық қой емсіз індет.Бар қиынды тек қана ғылым жеңбек,Оқыса баска елдердей қатарға енбек.Білімге ел боп аңсап құмарланса,Жетілмек аз-ақ жылда жоғары өрлеп.

Ақын өлеңіндегі негізгі ойлар «Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі, құндылықтар жүйесінде білімді бәрінен биік қоятын ұлт қана табысқа жетеді» деген пікірмен ұштасып немесе бірін-бірі толықтырып тұрғандығын аңғаруға болады. Ақын Міржақып Дулатовтың «Жалғыз сүйеніш, жалғыз үміт – оқуда. Теңдікке жетсек те, жұрттығымызды сақтасақ та, дүниедегі сыбағалы орнымызды алсақ та, бір ғана оқудың арқасында аламыз. Жақсылыққа бастайтын жарқын жұлдыз – оқу. Надан жұрттың күні – қараң, келешегі — тұман» деген. «Білім алудың тамыры ащы, бірақ жемісі тәтті», - деп бірінші ұстаз Аристотель айтқандай, білім мен өнер жастардың болашағының жарқын болуына бірден-бір кепіл. Білім жайында…