Тазалықты сүйеміз тақырыбына арналған ашық сабақ

Күні:

Бекітілді:

Әдіскер: А.Қалпиева.

Ашық тәрбие тағылымы.

Тақырыбы: «Тазалықты сүйеміз».Мақсаты: Балалардың жеке басының гигиенасы, тазалық, денсаулық туралы ұғымдарын кеңейту. Тазалық құралдары туралы айта білуге, оларды пайдалана білуге үйрету.Тазалықтың пайдасын суреттер арқылы көрсетіп, ой-өрісін, дамыту. Балаларды тазалыққа, ұқыптылыққа, жинақылыққа тәрбиелеу. Балаларды сөзді аяғына дейін толық, дұрыс айтқызу, логикалық ойлауын жетілдіру, тазалықты сақтау, тазалық заттарын дұрыс ажырата білгізе отырып, жеке түзете – дамыту жұмыстарын жүргізу.Керек құрал-жабдықтар: Тазалық заттары, сиқырлы қапшық.Әдіс-тәсілі: Түсіндіру, сұрақ-жауап, жұмбақ шешу, ойын.Тәрбие жұмысының барысы.Ұйымдастыру кезеңі. Шаттық шеңбері.Шеңбер болып тұрайық,Алақанды ашайық,Күннен жылу алайық.Жүрекке жылу салайық.Жиналған жылы шуақты,Бір-бірімізге сыйлайық.- Көңіл-күйлерің жақсы сияқты. Енді орнымызға келіп отырайық.Тәрбиеші:Тосын сәт: Есік қағылып,кір қожалақ Айқаракөзбен Қазбек ортаға келеді.

-Айқаракөз сен жуынсайшы?

-Жоқ мен жуынбаймын.

-Жүр мен сенің қолыңа су құяйын, жуыншы.

-Жоқ,жоқ мен жуынбаймын.

-Балалар мына Айқаракөздің істегені дұрыс па?

Балалардың жауабы.Тәрбиеші:- Олай болса, бүгін біздер тәрбие тағылымызда тазалық жайлы айтамыз.Бүгінгі біздің өтетін ашық тәрбие тағылымыздың тақырыбы: «Тазалықты сүйеміз» деп аталады.Тазалық дегеніміз қол, денесін, киімін таза ұстау, уақытылы жуынып жүру. Мысалы, тамақ ішер алдында міндетті түрде қолды жуып отыру керек. Адам ұйқыдан тұрғанда қолын, бетін, құлағының ішін жуады, тісін тазалайды. Ұйқыға жатар алдында осыларды орындау керек. Оған кішкентай кезінен бала дағдылану керек.- Ал, сендер осылай тазалықты сақтайсыңдар ма?Суретпен жұмыс. «Ретімен орналастыр»Күн тәртібі.- Суретте кімді көріп тұрсыңдар? (Бала)- Бала не істеп жатыр? (Төсегін жинап, бетін жуып, тісін шайып, жаттығу жасап жатыр)- Дұрыс. Яғни, бұл бала тазалықты сақтап, денсаулығын күтеді екен.Жұмбақ шешу.- Енді мұқият тыңдап, мына жұмбақтарды бірігіп шешіп көрейікші.(Тақтада жұмбақтардың шешуіне байланысты тазалық заттарының суреттері ілініп тұрады, балалар жұмбақтардың шешуіне байланысты суреттерді бір жерге топтастырып іледі) Шомылған баланы,Аймалап алады.Сипайды қолын да,Сипайды жонын да. Бұл не? (Сүлгі)Қолы жоқ, сөзі жоқ, бірақ тісі бар. Басыңмен ісі бар. Бұл не? (Тарақ)

Иілсең иіліп, түйілсең түйіліп, Қарайды кісіге, ұқыпты ісіне. Бұл не? (Айна)