Технология пәнінен сайыс сабағының жоспары, 9 сынып

Сым темірден бұйымдар жасау

Сабақ жоспары

Күні______Сынып -__9______-

Пәні: технология, металл өңдеу.

Сабақтардың тақырыбы: «Есікке ілмек жасау»

Сабақтың мақсаты: оқушыларға сым темірден әр түрлі бұйым жасауды үйрету.

1. Білімдік: металдардың түрлерін, қасиетінеске түсіру, жасалатын бұйымнын эскизін сызып, нұсқау карта бойынша жұмыс жасауға үйрету;

2. Дамытушылық: оқушылардың еңбекке қызығушылығын арттырып, ой-қиялдарын дамыту.

3. Тәрбиелік: оқушыларды ұқыптылыққа, әсемдікке, төзімділікке, үнемділікке тәрбиелеу, кез келген ісін аяқтауға үйрету.

Сабақтың түрі: аралас сабақ..

Көрнекі құралдар: ілмешек сызбасы, технологиялық нұсқау карта, сымнан жасалған бұйымдар, қысқыш, эскиздер, техникалық құралдар.

Керекті құрал-жабдықтар: 2-4-6 мм диаметрлі сым темір, қысқыш балға, шапқы, штангенциркуль.

Пәнаралық байланыс: сызу, химия, физика, математика, тарих, физикалықгеогрфия.

Сабақтың барысы.

І. Ұйымдастыру кезеңі. Оқушылардың сабаққа қатысуын тексеру, сабаққа дайындығын бақылау. Оқушылардың назарларын сабаққа аудару. Сабақ жоспарымен таныстыру.

ІІ. Кіріспе кезеңі.

Өткен сабақты сұрақ-жауап арқылы еске түсіру .

Негізгі металл өңдеу жайлы.

1. Металдың қандай түрлері бар? Қандай қасиеттері бар?

2. Шойын қандай металл?

3. Металл өңдеу барысындағы негізгі өлшеуіш құрал?

4. Болат деген не?

5. Қысқышпен жұмыс кезіндегі қауіпсіздік техникалық ережесі.

ІІІ. Негізгі кезең: Жаңа сабақ.

Сым темірден бұйымдар жасау.

Металды түзету және ию әдістері. Түзету деп иіліп, бүгіліп немесе майысып қалған металдарды балғамен соққылап не престің күшімен дұрыс қалыпқа келтіру операциясын айтады. Созылмалы металдарды – болатты, жезді, алюминийді ғана түзетуге болады. Оларды металл төске, рельске салып түзетеді. Түзу металл тақталар шойыннан немесе болаттан дайындалады.

Әр түрлі бұйымдарды түзету.

Ұзыншақ металдарды түзету.

Шыбық тәрізді металдарды және біліктерді түзету.

Газ жалынымен түзету.

Табақша материалдарды түзету.

Металды қызғанда түзету.

Қыздыру температурасы болат үшін жоғары шегі 1100, төменгі шегі 850. Ию операциясының көмегімен түзу формалы дайындамадан керекті бұйымдар жасалады. Металды яғни әр түрлі диаметрлі сымдарды ию үшін оның ұзындығын анықтап, шапқылап немесе кесіп алу керек. Ию кезінде металдың сыртқа қабаттары сығылады, қысқарады, тек орта қабаты өзгермей қалады, оны бейтарап қабат деп атайды. Бұлар көлденең қимасы тік бұрышты, квадрат, дөңгелек, сопақша, алты қырлы болып келген симметриялы профильдерге жатады. Түзу бөліктің ұзындығы сызбадан алынып бірден табылады, ал қисық сызықтың ұзындығы сектор доғасының ұзындығы ретінде табылады.

Техникалық құрал: пәнаралық байланыс негізінде еңбекке оқыту процесін эпидаскоп арқылы экраннан көрсету.

Технология. Металл өңдеу.

Математика. Түзу учаскелерінің ұзындығы: L1=60-`(4+2)=54мм L2=50-(4+2)=44мм

Дөңгелек ұзындығы: L1=П*Г/2= 3,14*(4+1)/2=7,8мм

Дайындама ұзындығы: L=54+44+7,8 = 105,8мм = 106мм