Темперамент типтері туралы психологиялық материал

Темперамент типтерінің жалпы сипаттaмалары жайлы оқып шығыңыз.

Темперамент және мінез:

Темперамент дегеніміз псuхикалық процестердің өтуінің динамикалық ерекшеліктерін және адам мінез-құлқын, олардың күшін, жылдамдығын, пайда болуын, тоқталуы мен өзгерісін сипаттайтын қасиеттер жиынтығы. Темперамент қасиеттерін адамның тұлғалық қырларына шартты түрде жатқызуға болады. Өйткені, олар биологиялық тәуелді болғандықтан адамның дара ерекшеліктерін құрайды. Темпераменттің төрт түрі бар: сангвиник, меланхолик, холерик, флегматик. Бұл төрт типтің ішінде сангвиник пен оған қарама-қарсы - меланхолик сезім темпераментіне жатады. Алғашқысы түйсіктер жүйке жүйесінде және адамның санасында аса жылдамдықпен пайда болады және сырттай бірден байқалады, бірақ іштей тұрақсыздығымен сипатталады. Меланхолик темпераментінде түйсік (сезім) сырт көзге онша байқалмайды, бірақ іштей өте терең және ұзақ болып келеді.

Сангвиник

Сангвиник темпераменті көңілді адамдарға тән. Ол болашаққа сенімді, әзілкеш болып келеді. Ол тез қызбаланады, бірақ тез сабасына түседі, жақында ғана өзін баураған нәрсеге қызығушылығы тез басылады. Сангвиник көп уәде береді, бірақ өзінің уәдесін орындай бермейді. Ол бейтаныс адамдармен тез және оңай тіл табыса алады. Ақкөңіл және әрдайым көмек беруге дайын тұрады Оны ауыр ой мен дене еңбегі тез шаршатады.

Меланхолик

Меланхолик темпераменті көңілсіз адамға тән. Ондай адамның, әдeткe, ішкі өмірі күрделі және ауыр болып келеді. Ол өзіне қатыстылардың бәріне үлкен мән береді, тынымсыз және нәзік жанды болып келеді. Ол көбінесе және уәде берер кезде өзін ерекше бақылай алады, өзі орындай алмайтын нәрсе үшін ешқашан уәде бермейді.

Холерик

Холерик темпераменті қызба адамға тән. Мұндай адамды «ол те қызба, шыдамсыз» дейді. Алайда, оның айтқанын жөн санап, дұрыс деп қабылдаса ол мінезінен тез қайтады. Оның қозғалысы шалт келеді.

Флегматик

Флегматик темпераменті салқынқанды адамға тән. Ол ауыр және белсенді жұмыстан гөрі әрекетсіздікке бейім. Мұндай адам әсерлене бермейді, алайда, әсерленсе сол күйде ұзақ болады. Мінез - бұл түлғаның адамдарға және орындалатын жұмысқа қатынасып анықтайтын тұрақты белгілерінің жиынтығы. Мінез іс-әрекетте және қapым-қaтынастa (темперамент сияқты) көрініс береді және ол адамнын өзіне ғана тән қулық ерекшелігін білдіреді. Қарым-қатынас монері тәрбиелі, инабатты немесе…