Теңдеу құру арқылы есеп шығаруға арналған ашық сабақ

Шаймуханова Сауле Даулетбаевна.

Өскен негізгі мектебінің

бастауыш сынып мұғалімі.

Математика 4 сынып.

Сабақтың тақырыбы: Теңдеу шешу және есептерді теңдеу құру арқылы шығару.

Сабақтың мақсаты:

Білімділік: Теңдеу жайлы білімдерін толықтырып, есептерді теңдеу құру арқылы шығаруға үйрету, есептеу дағдысын жетілдіру.

Дамытушылық: Оқушылардың, логикалық ойлау қабілеттін, өз бетімен жұмыс істеу дағдыларын қалыптастыру.

Тәрбиелік: Оқушылардың жұмыс істеу жылдамдықтарын арттыруға тәрбиелеу. Оқытудың өмірмен байланысын нығайту, алған білімін пайдалана білуге, тапқырлыққа тәрбиелеу. Сабақ түрі: Алгоритм (жаңа білім беру) Сабақ әдісі: БиС технологиясы, сұрақ – жауап, матрица әдісі. Сабақ көрнекілігі: ОӘЖБ, жаттықтырғыш, оқулық, тірек схемалар .

Пәнаралық байланыс: ана тілі, дүниетану.

Сабақтың барысы:

Ұйымдастыру кезеңі:

Оқушылардың назарын сабаққа аудару.

Психологиялық дайындық..

Жабырқауды білмейміз,

Жалқаулықты сүймейміз.

Біз талапты жас ұлан,

Үлгі аламыз жақсыдан. (Көшбасшы оқушыларды сабаққа жігерлендіреді) -Балалар бүгін сабаққа дайынсыңдарма? -Ия -Ендеше алға,алға,алға!

У1: (түсіндіруге кеткен бірінші уақытты белгілеу)

«Ой қозғау»- Теңдеу дегеніміз не?

-Теңдеу дегеніміз құрамына енетін әріптің мәнін табу керек болатын теңдік.

- белгісіз санды табу

- теңдіктің оң жағы мен сол жағын теңестіру

- белгісіз санды тауып, орнына (теңдіктің екі) қойғанда теңдіктің екі жағы тең болу керек.

-Теңдеудің неше түрі бар? (күрделі, қарапайым)Салыстыру, ұқсастығы неде, айырмашылығы неде? (ұқсастығы екеуіде теңдеу, айырмашылығы: күрделі екі немесе көп амалмен орындалады, қарапайым: тек қана бір амалмен орындалады).

Сол және оң жақтағы теңдеулерді салыстыр. Олардың қандай ұқсастығы мен айырмашылығын байқауға болады?

Бұл теңдеуді бірден шешуге бола ма?

х + 20 = 58 х + 20 = 20 + 38

Ендеше, тыңдаймыз: Алдымен біз оны жеңілдетіп, жай түрге келтіреміз. Оны қалай жеңілдетуге болатынын екі

теңдеуді салыстыру арқылы айта аламыз. Біз теңдеудің оң жақ бөлігінің қосындысын табу керек екенін аңғардық. х + 20 = 20 + 38Осыдан кейін біз теңдеудің жеңіл шешуге болатынын өзімізге таныс түрін аламыз: х + 20 = 58Теңдеулердің мұндай түрін шешу үшін алдымен есептеуге болатындарын орындап, оны жеңілдетіп алу керек екенін есімізден шығармайық.

(тағы мысал келтіру X·(958-867) ═ 3194-828)

ОӘЖБ - жұмыс

Оқулықпен жұмыс. № 2 тапсырмадағы қозғалысқа берілген есептерді теңдеу құру арқылы шығару. Теңдеу құру арқылы есепті шығару ережесімен таныстыру.

Ауыл мен қаланың арасы 210 км. Қаладан ауылға жету үшін студент алдымен 50 км/сағ жылдамдықпен жүретін автобуспен 3 сағ жүрді. Одан кейін жолдың қалған бөлігін машинамен жүрді. Студент машинамен қандай арақашықтықты жүріп өтті?