Теңдеулер элективті курсының бағдарламасы, 7 сынып

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

АҚТӨБЕ ҚАЛАСЫНЫҢ БІЛІМ БӨЛІМІ

№48 ЖАЛПЫ БІЛІМ БЕРЕТІН ОРТА МЕКТЕБІ

Ақтөбе қаласы білім бөлімінің

2018 жылғы «____»_________

№________бұйрығымен

БЕКІТІЛДІ

«Теңдеулер» тақырыбындағы

элективті курс бағдарламасы

(7-класқа арналған)

Ақтөбе -2018

ҚР Үкіметінің 2016 жылғы 13 мамырдағы № 292 қаулысымен бекітілген Орта білім берудің мемлекеттік жалпыға міндетті стандарты (бұдан әрі – ҚР МЖМБС-2016);

Қазақстан Республикасы Білім және ғылым министрінің 2016 жылғы 23 қарашадағы № 668 бұйрығымен бекітілген жалпы білім беретін пәндердің үлгілік оқу бағдарламалары - Алгебра пәнінің 7 класс оқу бағдарламасына сүйеніп құрастырылды.

Құрастырған: №48 жалпы білім беретін орта мектебінің жоғары санатты математика пәнінің мұғалімі З.З.Уайсова.

№48 жалпы білім беретін орта мектебінің әдістемелік кеңес отырысында 7-класқа арналған «Теңдеулер» элективті курс бағдарламасы талқыланды.

Хаттама № ___ __________2018 жыл.

Мектеп директоры: __________ А.К.Ильясов

Қалалық сараптау комиссиясының отырысында «Теңдеулер» элективті курс бағдарламасы мақұлданды.

Хаттама № ___ ________2018 жыл.

Сараптау комиссиясының төрайымы:__________________Ж.Есенжолова

Түсінік хат

Бұл курс жаратылыстану-математикалық бағыттағы 7-класқа және ең маңызды тақырыптардың бірі болып саналатын «Теңдеулерге» арналған.

Бұл курста оқушылар теңдеулер ұғымымен, түрлерімен, танысып, оларды шешу жолдарын үйренеді. Оқушылардың шығармашылық қабілеті дамиды.

«Теңдеулер» мектептегі алгебра курсының маңызды тақырыптарының бірі. Көптеген табиғи процестер мен құбылыстар, мазмұнды есептердің шығарылуы теңдеулерді шешуге келіп тіреледі. Курс бағдарламасын өту барысында бір айнымасысы бар сызықтық теңдеулер, екі айнымалысы бар сызықтық теңдеулер, рационал теңдеулер, бір айнымалысы бар сызықтық емес теңдеулер, дәрежелі теңдеу, квадрат теңдеулер, иррационал теңдеулерді шешіп, геометриялық есептерді шығаруда қолданалатындай дәрежеге жетеді.

Элективті курс бағдарламасын оқыту маңызды болып табылады, себебі оны оқып-үйрену барысында математиканың практикалық маңыздылығы, тұлғаның логикалық және сыни тұрғыдан ойлау қабілетін қалыптастыру мен дамыту арқылы оқушылардың функционалдық сауаттылығын қалыптастыруға мүмкіндік жасайды.

Осыған байланысты, 7-класс оқушылары үшін алгебра пәнінің оқу бағдарламасына сүйеніп «Теңдеулер» тақырыбындағы элективті курс бағдарламасы ұсынылып отыр.

Бұл бағдарлама мектеп оқушыларына қажетті тапсырмалардың тиімді тәсілдерімен орындауға бағыт беру мақсатында құрылып отыр.

Бағдарлама бір жылға арналып жасалған.

Элективті курс бағдарламасы оқу жүктемесінің көлемі:

7-класс – аптасына 1 сағат, оқу жылында– 34 сағат;

Курстың құрылымы: Бағдарлама «Теңдеулер» ұғымына негізделген элементар ұғымдардан бастап ізденіс-шығармашылық жұмысқа негізделген тереңдетілген білімге ұмтылуды көздейді. Ол үшін курстың алғашқы кезеңінде теңдеу туралы мағлұмат беріліп, тест алынады, нәтижесінде оқушылар тақырып бойынша базалық білімінің деңгейіне талдау жүргізе алады. Оқудың соңғы кезеңінде оқушылар өзінің шығармашылық жұмысының нәтижесін көре алады.

Бағдарламаның мазмұны:

Алгебраның негізгі тарауынан кейін ұсынылып отырған бағдарлама тарауды кеңейте оқуға және теңдеудің коэффициенттерінің құпиясына терең үңілуге, олардың күрделі қолданыстарын қарастыруға: функцияларды зерттеу, модулі бар теңдеулерді, параметрлі есептерді шешуге көмектеседі, түбірлері туралы басқа да құпияларды ашады.

Курстың негізгі мазмұны алгебра курсында қарастырылатын теңдеулерге және оларды шешу жолдарының әртүрлі әдістеріне негізделінген.

«Теңдеулер» курсы оқушыларға негізгі орта, жалпы орта мектептегі математиканы тереңдетіп оқу қабілетін бағалауға көмектеседі.

Курстың негізгі мақсаты:

Өзін-өзі тану қабілетін жетілдіру, жоғары сыныпта бағдар таңдай білуге жеткізу. «Теңдеулер» тақырыбын кеңейту және тереңдету, өзіндік ойлауға, талдауға, салыстыруға, жалпылауға үйрету, ізденіс жұмысына машықтандыру, математикалық білімге қызығушылығын ояту, оқу қызметін өз бетінше талдауға баулу, қабілеттерін дамыту.

Курстың міндеттері:

-тұлғаның интеллектуалдық қасиеттерін дамытуға бағытталған алгебра негізін сапалы игеруін қаматамасыз ету;

-практикалық қызметте математикалық білімдерін қолдану біліктілігін дамыту;

-таңдалған пәнге қызығушылығын арттыру және талаптарын қанағаттандыру;

-пәнді тереңдетіп оқуға даярлығын және бейімділігін нақтылау.

Оқушы білуі тиіс:

- теңдеулердің барлық түрлерін, түбірлерін табу формуласын, теңдеудің коэффициенттерінің қасиеттерін білу;

- теңдеулерді, мәтінді есептерді теңдеулер құру арқылы шығара білуге тиіс, теңдеудің түбірлерінің таңбасын білу, функцияны зерттеуге қолдана білу, модульдік теңдеулерді шығара білу;

- теңдеулердің түбірін табуға машықтану, талдау, жалпылау, нақтылау, ізденіс шығармашылық жұмыстарын жүргізе білу.

Күтілетін нәтиже:

- Оқушыларды теңдеулерді дұрыс құруға және шешуге үйретеді;

- Оқушы тапсырмаларды жеңіл, әрі тез тез, тиімді тәсілмен шығаруын үйренеді;

- Оқушының ой-өрісі дамып, ойлау қабілеті тереңдеп артады;

- Қиындығы жоғары теңдеулерді шығара алады;

- Шығармашылықпен жұмыс істеу қабілеті артады.

«Теңдеулер» элективті курс бағдарламасының

мазмұны мен құрылымы

І Кіріспе

Теңдеу туралы түсінік (1 сағат)

ІІ Негізгі бөлім (32 сағат)

Теңдеулердің түбірі (4 сағат)

Теңдеу түбірі. Бөгде түбір. Бір айнымалысы бар сызықтық теңдеу. Теңдеуді шешу әдістері.

Тақырыптар бойынша білім алушыларға қойылатын талаптар: