Теңдеулер мен теңсіздіктер элективті курсының бағдарламасы

Абылгазинова Айымгүл Сайлауқызы

Математика пәнінің мұғалімі

Павлодар облысы, Шарбақты ауданы , Есілбай ЖОББМ.

Түсінік хат

Мектепте математикалық білім берудің маңызды проблемаларының бірі – оқушыны есепті шешудің әдіс – тәсілдерімен қаруландыру және есептің шешімін өздігінен іздеп, таба білуге үйрету.Ұсынылып отырған курс жоғарғы сынып оқушыларының дайындық міндеттерін жүзеге асыруға көмектеседі. Курс 34 сағаттқа есептеліп , 10 сынып оқушыларына арналған. Бұл курс математикаға бейімі бар оқушының қызығушылығын , сұранысын есептерді шешу әдістерін қолдану барысында танымдық қажеттіліктерін қанағаттандыруға бағытталған. Математика курсының ең негізгі тақырыптарының бірі «Теңсіздіктер тақырыбы» бойынша білімдерін жүйеге келтіріп, оны айналамызды қоршаған өмірдегі күнделікті кездесетін жағдаяттарды шеше білуге қолдану әдістерін іздестіруге үйрету. Сондықтан да бұл курсты оқу кезінде жоғары сынып оқушыларының математикалық білімге қызығушылығын және сұранысын неғұрлым толық қанағаттандыруға мүмкіндік береді. Осы курстың енгізілу мақсаты – мектеп оқушысына жоғары деңгейде жұмыс істеуге мүмкіндік беру мен бірге практикалық сабақтар арқылы болашақта білімге деген қөзқарасы тұрғысынан өзіне баға бере білуіне көмектеседі. Қолданбалы курс жоғары сынып оқушыларының ой- өрістерін мазмұнын дамытады, жаратылыстану –

Курстың мақсаттары: « Теңдеулер және теңсіздіктерді шешу» тақырыбы арқылы әлем құрамы бейнелерінің математикалық тұтастығының дамуы жөнінде білімдерін тереңдету және кеңейту. Теңдеулерді және теңсіздіктерді шешуді меңгерту, оқушылардың логикалық ойлауын дамытыу, теориялық білімін тәжірибеде қолдана білу дағдысын қалыптастыру.

Курс міндеттері:

«Теңдеу және теңсіздіктерді шешу» тақырыбы бойынша білімдерін жүйелеу және тереңдету.

Әртүрлі әдіс – тәсілдерді пайдалана отырып , оқушылардың есеп шығаруға практикалық дағдыларын дамыту және қалыптастыруға жағдай жасау.

Шығармашылық және логикалық ойлауларын дамыту.

Өздігінен білім алу және алған білімдері мен дағдыларын орынды пайдалана білу.

Оқушының математикалық мәдениетін көтеру.

Математикадан дарынды оқушыны анықтау;

Курсты оқу нәтижесінде оқушылар мыналарды үйренеді:

Есеп шығарудың әртүрлі әдіс – тәсілдері , негізгі алгоритмдері туралы білім алады.

Білу керек:

Сызықтық теңдеу, теңсіздіктерді шешу;

Тригонометриялық теңдеу ,теңсіздіктерді шешу;

Әртүрлі ақпарат көздерімен жұмыс жасауға ;

Қорытынды ой жасау және нәтижені сараптауды ;

Пікірталасқа қатысу , өз қызметінің нәтижесін көре білуге ;

Параметрлері берілген теңдеулерді әртүрлі әдістермен шешуге ;

Есеп шығарудың ұтымды жолын таңдауды ;

Нәтижесін график арқылы көрсетуді ;

Курс мазмұнын меңгеру деңгейіне қойылатын талаптар

Курсты оқу нәтижесінде оқушылар келесі білім , білік және әдістерді меңгереді:

Математика нақтыны тану және бейнелеу әдісі екендігі туралы көзқарастары қалыптасады ;

Саралау , салыстыру , теңестіру , жүйелеу , қорытындылауды үйренеді .

Математикалық әдебиеттермен өздігінен жұмыс жасай алады ;

Стандарттық емес теңдеулер шешудің негізгі әдістерін біледі , теңдеу шешу әдістерінің теориялық негізін түсінеді ;

Әртүрлі әдістермен стандартты емес теңдеулерді шеше алады ;

Пікірталасқа қатысып ,өз қызметінің нәтижесін болжай алады ;

Өз қызметіне анализ жасап , жұмыс нәтижесін бағалай алады.