Тіл дағдысын қалыптастырудағы тиімді пікірсайыс әдісі

«Тіл дағдысын қалыптастырудағы тиімді әдіс - дебат»

Соңғы жылдары еліміздің оқу орындарында «дебат технологиясын қолдану» студенттердің пәнге қызығушылығын арттыруы жайлы, сондай-ақ , білім алушылардың ой өрісін дамытуда және тіл дағдыларын қалыптастырудағы тиімді әдіс екендігі туралы жиі айтылып жүр.

Білім алушылардың бойында сыни ойлауды, төзімділікті, шешендік (өнерді) шеберлікті, әртүрлі көзқарастарға құрметпен қарауды, серіктестік қарым-қатынасты, командада жұмыс істей білуді, мәселелердің мәніне зейін қоюды және идеяларды қорғау қабілетін қалыптастырудың қуатты зияткерлік құралының бірі – дебат болып табылады.

Дебат – бәсекелесу мен жарысудың белгілі бір деңгейін болжайтын ойын технологиясы, тәртіп пен тәрбиенің, сыйластықтың ортасы. Дебат бағдарламасын қарқынды дамытып, сол бағытта белсенді жұмыс атқарып келе жатқандардың бірі - «Арқалық медициналық колледжінің» қабырғасында құрылған «Жас саясаткер» клубы. Клуб мүшелері құрылған жоспарға сай, ай сайын әртүрлі ауқымды тақырыптарды талқыға салады. Сондай тақырыптардың бірі: «Қазақ тілінің қарқын алмауына жастар кінәлі ме?». Бұл пікірсайыста жақтаушы жақ қазақ тілінің құлазуына жастарды кінәлі деп тапса, даттаушы жақ қазақ тілінің қарқын алмауына ғаламторды, сонымен қатар аға буындарды тіпті, білім беру сапасының төмендігінен деп санады.

Дегенімен, «Егер туған тілім ертең жойылар болса, мен бүгін өлуге даярмын»,- деген ақын Расул Ғамзатовтың сөзі бүгінгі жастардың жүрегінде ойып тұрып орын алатынына сенейік!

Таншолпан Адият «Арқалық медициналық колледжі» «Жас саясаткер» дебат клубының жетекшісі