Тіл халықтың мұрасы мерекелік іс-шара әзірлемесі

Қазақстан халықтарының тілдері күніне арналған

«Тіл – халықтың мұрасы»

атты мерекелік іс-шараның

ӘЗІРЛЕМЕСІ Мақсаты: білім алушыларды мемлекеттік тілдің қадір- қасиетін біліп, өз ана тілінің көркемдігін сезініп, сөз құдіретін түсініп, оның адам өміріндегі маңызын ұғуға үйрету; тіл тазалығын сақтау, мемлекеттік тіл мәртебесін көтеру, ұлттар арасындағы ынтымақты нығайту, білім алушылар арасында толеранттықты қалыптастыру.

Көрнекілігі: тіл туралы мақал-мәтелдер, қанатты сөздер. Мемлекеттік тіл туралы слайдтар.

Сценарий барысы: «Шашу» биі (№839-топ білім алушылары) І жүргізуші : Қайырлы күн, ана тілін ардақ тұтар тіл жанашырлары! Армысыздар, өрлі де, асқақ рухты тәуелсіз елдің жас ұландары! ІІ жүргізуші: Қош келдіңіздер, құрметті ұстаздар мен білім алушылар! Сіздерді Қазақстан халықтарының тілдері күні мерекесімен шын жүректен құтықтаймыз! І жүргізуші: құттықтау сөз колледжіміздің директордың тәрбие ісі жөніндегі орынбасары Тажибаева Айжан Даулетқызына беріледі. 1-жүргізуші: Ежегодно, 22 сентября вся наша страна отмечает важный день – это День языков народов Казахстана. Знание языков — это наше богатство! Каждый язык – это целый мир. Нет такого языка, который бы не заслуживал уважения. Из поколения в поколение передается язык, культура, обычаи и традиции. 2-жүргізуші: Елді бүгін қарасам, Айналам бақыт кең жатыр. Бірімен – бірі туысқан. Қол ұстасқан ел жатыр Қырғыз, қазақ, өзбектер Армян, татар, ұйғырлар.

Орыс пенен Украин Терезесі тең жатыр, Бақыттың әні асқақтап, Құлаққа даусы кеп жатыр ӘН «Туған жер» (орындайтындар №801-топ білім алушылары)

І жүргізуші: Тарихы бар дастанындай ерліктің, Дәстүрі бар үлгісіндей елдіктің. Қазақстан – алтын бесік Отаным, Ұлы ордасы татулықтың пен теңдіктің. Әдеби монтаж Попурри (орындайтын ) ІІ жүргізуші: Тілмен ғана қызық менің тірлігім Тату еткен ел мен елдің бірлігін. Туған тілмен асқақ шығып ізгі үнім, Туған тілде алып жүрміз біз білім, дей отырып «Тілі басқа – тілегі бір, жүзі басқа – жүрегі бір» тақырыбында қысқаша білім сайысын өткізейік. Бірінші болып, әрі дұрыс жауап бергендерге арнайы сыйлығымыз бар.

1. «Ана тілің- арың бұл,

Ұятың боп тұр бетте. Өзге тілдің бәрін біл, Өз тіліңді құрметте», өлеңнің авторын табыңыз. (Жауабы: Қадыр Мырза Әли) 2. Республикамызда Тіл туралы Заң қашан қабылданды?

(Жауабы: Республикамызда Тіл туралы Заң 1997 жылы қабылданды.) 3. Елімізде Тілдер мерекесі қашаннан бері тойланып

келеді? (Жауабы: Тілдер мерекесі елімізде 1998 жылдан бері тойлануда.) 4. Елімізде қанша ұлт өкілдері мекендейді?

(Жауабы: Қазақстанда 130-дан аса ұлт өкілдері тұрады.) 5. Берілген мақалдың жалғасын табыңыз.

«Жеті жұрттың тілін біл, ... ... ... » (Жауабы: Жеті түрлі ілім біл.)