Тіл жүйрікте кім жүйрік зияткерлік сайысы

Ақмола облысы

Зеренді ауданы

«Балауса» балабақшасы

Зияткерлік сайыс «Тіл жүйрікте кім жүйрік?»

(«Құлыншақ», «Тұлпар» ортаңғы топтары)

Өткізген: Казангулова Д.Ж.

Жапарова А.Т.

Хайратбай Г.

Актанова Ж.С.

2018 жыл

Мақсаты: Мемлекеттік тілдің маңызы туралы түсінік беру. Өлеңдер - мақалдар, билер, ойындар арқылы өтілетін шараның мәнін жеткілікті меңгерту. Сан ғасырлар бойы халықтың өзімен бірге жасасып, ұрпақтан - ұрпаққа мұра боп қалып жатқан ауыз әдебиетінің бай саласының бірі қазақ тілін ұрпақтың бойына сіңіре білуге және туған жерін сүюге, қадірлеуге, бағалап мақтан етуге тәрбиелеу.

Салтанатты әуен ойналады.

Жүргізуші: Сәлеметсіздер ма, құрметті көрермендер! «Тіл жүйрікте кім жүйрік?»атты сайысымызға қош келдіңіздер!

Қазақстан Республикасының Президенті Нұрсұлтан Әбішұлы Назарбаевтың халқына жолдаған жолдауында «Қазақстан Республикасының болашағы қазақ тілінде» деген болатын. Мемлекеттік тілді үйрену, білу, дамыту – баршамыздың міндетіміз және әркімге де парыз саналады.

Қазақстан жерінде тұратын әр адам Отанын сүю, мәдениеті мен тілін білу және оларды қастерлеу қасиетті борышы екенін сезінуі қажет. Осындай мақсатпен біздің балабақша ішіндегі топтардың арасына «Тіл жүйрікте кім жүйрік?» атты зияткерлік сайысы ұйымдастырылып отыр. Олай болса сайысқа қатысушы топтарды қошеметпен қарсы алайық. «Гүлдер» және «» тобы.

Жүргізуші: Алаулаған алабынан нұр тамып.

Қазақ елін бүкіл дүние жүр танып,

Көк байрағың желбірейді төрінде

Әнұраның тұр көгінде шырқалып.( Гимн орындалады)

Жүргізуші: -Армысыздар, құрметті қонақтар!

Күндей жадырап,жұлдыздай жарқырап

Судай мөлдір, таза көңілмен бүгінгі

«Ақылдылар мен тапқырлар» –сайысын ашық деп жариялаймын.

Ортаға ең мықты, ең алғыр балалардан құралған «Зеректер» тобын және «Тапқырлар» тобын ду қол шапалақпен ортаға шақырайық.

Жүргізуші: Ана тілім - ерлігім

Ана тілім - елдігім

Ана тілім - болмаса,

Бүтінделмес кемдігім – деп Қадір Мырза Әли жырлағандай тіл мерекесіне байланысты өткізгелі отырған сайысымыздың бөлімдерімен таныстырып өтейін. Сайыс 5 - кезеңнен тұрады. Әр кезең бойынша сайыскерлердің жауап берулеріне байланысты 1- 5 ұпайлармен бағаланады.

Сайысымызды әділ бағалайтын әділқазы алқаларымен таныстыру.

1 - кезең «Таныстыру»

2 - кезең «Кім зерек?»

3 - кезең «Бейнежұмбақ»

4-кезең «Қазақшаңыз қалай?»

5 - кезең «Себетті толтыр» (топ басшыларының сайысы)

Жүргізуші: Беташарын сайысымыздың бастайық,