Тоқымқағар қазақ салтына арналған ертеңгілік сценарийі

№10 «Ақбота» балабақшасы

“Тоқымқағар”

Салтын насихаттауда МАД топтары арасында ұйымдастырылған ертеңгілік сценариі

Дайындаған: Байлепесова А.К

Бисенбаева Н.Ж

Жупбанова А.Д

Тлеш А.С

Тексерген :_______Сламгазиева Б.

2018/19-оқу жылы

Мақсаты: Балаларға қазақтың салт-дәстүрлері туралы түсінік беру. Бала бойына ұлттық тәрбие беру, салт дәстүрді құрметтеуге баулу. Наурыз туралы өлең шумақтары мен мақал-мәтелдер айтқызу арқылы баланың тілін дамыту.

Тоқым қағар - ойын-сауық, салт ойыны, көбінесе жас баланың алғаш рет үйден жырақ, алыс сапар шеккен кезінде немесе қызы ұзатылған үйге жиылып «Тоқым қағар» ойынын бастаған. Әдетте ауыл адамдары ән, күй, айтыс секілді өнер түрлерін айта отырып, көбінесе, үй иесіне жолаушының оң сапарда болуын, қыздың бақытқа жетуін тілейтін жақсы тілектер айтысқан.

Бүгін «Ақбота» балабақшасында тәрбиеленушілер арасында «Тоқымқағар» тойы болғалы жатыр.

Динара: Ұлым Алиханды туған елден алыс сапарға жүргелі отыр. Осы ұлыма арнап тоқымқағар салтын жасағалы отырмын.

Ибрахим: Ұлың атқа мінер жасқа жеткен екен ғой, құтты болсын!

Бауырбек: Аумин. Олай болса не отырыс, балалардың өнерін тамашалап, ойын-сауық ұйымдастырылсын.

Мөлдір: Қыздар онда не отырыс, келген қонақтарға би билеп берейік.

Ақжүрек: Олай болса кім менімен айтысқа шығады.

Айнара: Айтыс десе мен шығамын.

Мейрамбек: Алихан досым, кел ортаға күш сынасайық.

Алихан: Кел онда күш сынасайық.

Аида: Ендеше менің туған жерге арналған әнім бар, шырқап берейін.

Ибрахим: Мейрамбек балам атты әкел, жігітті жөнелтейік.

Ибрахим: Бауырбек ақсақал балаңыз Алиханға батаңызды беріңіз!!

Бауырбек: Ал, шырақтарым қолдарыңды жайыңдар!

Дастарханың бай болсын,Қазан - аяққа май толсын.Төрт түлігің сай болсын,Көңілің толып жай болсын.Ұлың қонып ұяға,Қызың қонсын қияға.Келінің «бибі» атансын,Ұлың болсын «би аға»!Бергеннен Алла танбасын,Көбейе берсін мал басың,Өсе берсін жан басың,Арманың көкке самғасын.